ګرانو مسلمانو وروڼو اوخوندو !
داسلام دمقدس دين هر اصل ته که سړی ښه ځيرشی  دومره ګټی حکمتونه به پکی وی چه په ليکلو يی کتابونه  ډکيږی .
داسلامی شريعت عملی کول به يواځی ټولنی ته  امن ،سکون ،خوشحالی ،متقابل احترام ،يوپربل ظلم نه کول ،صداقت  وی ، رشوت ،غلا ،بی حيايی ،خيانت به نه وی .
داچه نن  ځنی کسان  څه يی چه په مخ ورځی مخ نه ور څخه اړوی  دا دوی خپله بی غرتی ،بی ننګی دخدای (ج) ،قرآن او پيغمبر(ص) سره بی وفايی ده . د دوی بداعمال هيڅ کله هم د اسلام ترجومانی نه شی کولای .
اوس به راشو دمسلمانی بی بی صيفاتو ته :

۱- ستر - دځان ستر (حجاب) ته مو ډير پام کوی ځکه داسلام دستر انقلاب ېو آساسی جز د جاهلېت د دوران وحشت او بی حېا ېو له منځه وړل ؤ .
قرآنکريم مسلمانوبيبيانو ته داسی  لاښونه کوی :
 وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلاَ يُبْدِينَ زِينَتَهُنَّ إِلاَّ مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ.....  (النور۳۱ ).
ژباړه :   او ووايه (ای محمده ص ) ايماندارو ښځو ته  چه پټی کړی (له نامحرموڅخه ) سترګی خپلی او ښه ټينګ دی وساتی ځای د حيا سترونه (دمحرماتوپه مقابل کی ) اونه دی ښکاروی زينت ښايست (اوځای د ښايست خپل ) مګر هغه چه ښکاريږی له (دغه ښايست څخه په وخت د کسب کار کی ) او ښايی چه وادی چوی ټکری خپل پر ګريوانو(سينه يا ټټر ) .
نر او ښځی  به خپل نظر له نامحرموڅخه ساتی  ښځه  به خپل ستر ته پوره پام کوی  ټکری به  پر سينه او غاړه تاووی تر څو يی  تی   ښکاره نه شی .
داچه ستر کومه اندازه  په کومو شرايطو  ډير وضاحت ته ضرورت لری دلته نه ځايږی .

۲- دخاوند(ميړه ) اطاعت کول :
مسلمانه بی بی به دخپل خاوند اطاعت کوی او دقدر په سترګه به ورته ګوری  ځکه چه دمسلمانی بی بی لپاره خپل خاوند دژوند مهربانه ملګری ، تګيه ګاه اود زړه سکون او تسل دی .
داسلام دسترپيغمبر ارشادات  مسلمانی بی بی ته :
دابی هريره (رض) روايت دی چه  رسول صلی الله عليه وسلم فرمايی :
لاَ يَحِلُّ  لِامرَأةٍ اَن تَصُوم َ وَزَوجُهاَ شاَهِدُُُ ُ اِلا َّ بِاِذنِه  وَ لاَ تَاذَنَ فِی بَيتِه اِلاَ بِاِذنه  (متفق عليه ) .
دهيڅ ښځی لپاره روا نه دی چه د خپل ميړه په موجوديت کی دهغه داجازی پرته (نفلی ) روژه  ونيسی ،اونه دا جايز دی چه دخاوند داجازی بغير دهغه کورته د داخليدلو لپاره بل  چاته اجازه ورکړی . اوبل حديث شريف کی دی د ميړه داجازه بغير دی له کوره نه وځی .
همدارنګه د ابوعلی طلق بن علی (رض) نه روايت دی چه رسول صلی الله عليه وسلم فرمايی:
اِذاَ دَعَا اَ لرَّ جُلُ زَوجَتَه  لِحاجَتِه  فَلتَاتِه وَ اِن كاَنَت عَلی التَّنُّور ( تَرمذي ،نساءيی ).
کله چه خاوند خپله ښځه د خواهش پوره کولو  لپاره را وغواړی  نوهغه لره راتلل پکار دی  اګر که دتنور (ډوډی پخولو په کار مصروفه وی ).
د رسول صلی الله عليه وسلم وينا ده : ښځه چی کله پنځه وخته لمونځ اداکړی ،دخپلی حيا ساتنه وکړی او د خپل ميړه اطاعت کوونکی وی ، نو هغه چی جنت ته په کومه دروازه غواړی داخله دی شی

۳- دحيا ساتنه :
مسلمانه بی بی به له حده ډير دغه ټکی ته  هميشه فکرمنه وی .
- د خپلی ابرو او پاک لمنتوب د ساتنی خيال ساتی ځکه که دميړه په زړه کی داسی کوم شک پيداشی ، نوبيا دښځی يوه نيکی اطاعت او خدمت هم ميړه د ځان په لور مايل کولای نشی .
که خدای (ج) مه کړه يوځلی پر چا تور داغ ولګيږی  نوبيا د ژوند خوند آبرو او غزت هرڅه له منځه ځی

پدی اړه قرآنکريم  دالمؤمنون  په سورت کی د شيږو صيفاتو لرونکو ته د کاميابی زيری ورکړی .
۱- هغه کسان چه دوی په لمونځوخپلو کی عاجزی کوونکی  ويرودوونکی وی (له الله ج  نه ).
۲- هغه کسان چه دوی  له بدو خبرو او بدو کارو څخه مخ اړونکی دی .
۳- هغه کسان چه دوی د زکوة  ادا کوونکی دی .
۴- هغه کسان چه دوی دحيا ځايونو ساتونکی دی .
۵- هغه کسان چه دوی د امانت او وعدو رعايت کوونکی دی .
۶- هغه کسان چه دوی دلمونځو ساتوونکی وی  (پنځه واړه لمونځونه پرخپل وخت ادا کوی ).
د رسول صلی الله عليه وسلم وينا ده : ښځه چی کله پنځه وخته لمونځ اداکړی ،دخپلی حيا ساتنه وکړی او د خپل ميړه اطاعت کوونکی وی ، نو هغه چی جنت ته په کومه دروازه غواړی داخله دی شی .

۴- دخاونددکورسامان ساتنه :
مسلمانه بی بی به د خپل خاونددکور سامان  ساتنه کوی  له واده نه ورسته د مېړه کور خپل کور وګڼی ،ځکه مېړه ټوله ورځ ستاسو د اړتېا وو لپاره ورک وی داسی نه چه هغه يی کور ته راوړی او تاسی يی له کوره باسی .
دقرېشو دښځو په ستاېنه کی نبی کرېم   صلی الله عليه وسلم فرمايی:دقرېشو ښځی څومره ښی ښځی دی ،پراولاد ډېری مهربانه دی اود مېړه دکور ډېری غوره ساتونکی دی (بخاری) .

۵- داولاد روزنه :
اولاد دخدای (ج) ستر نعمت وګنی  اوشکر وباسی چه تاسی ته يی دخپل بنده د روزنی او پالنی وخت درکړ او دغه اولاد به ستا جاينشين شی .
د اولاد په تعليم او تربيه کی د زری قدری غفلت هم ستاسو  د دنيا او آخرت ذلت او رسوايی ده ځکه مات لاس غاړی ته ځی .
اولاد ډير وخت د مور ترڅارنی لاندی  وی په تيره بيا چه پلار يی مسافروی  .
ترهرڅه مخکی خپل اولاد په پوره دينی زده کړه او دينداری  عادت کړی  ځکه يواځی مسلمان او تقوی واله اولاد دمور اوپلار حقوق ښه پيږنی  او دموراوپلار خدمت به په پوره اخلاص وکړی .

۶- نظافت او پاکی : 
د ښکلا ،ښاېست ،پاکوالی اونظافت پوره خېال ساتی ،چه پاکوالی د ژوند مهم رازدی ،او په دلاره کی دزری قدر غفلت او ټمبلی هم پکار نه ده ،که خدای مکړه ېوځل دخلکو در فکر شو چی کور ،خواړه ېا اولاد مو نا پاکه وی نو بېا که ورسته ډېر کوښښ هم وکړی دځان ،مېړه او کورنی عزت به مو مخکی په سند وړی وی نو پاکی ته ډېر پام کوی ،ځای  خپل مېړه ته سنګاروی داسی نه چه مېړه ته مو د فقری جامی اغوندی او بېرون  چه د خپلوانو کره ځی نوښه ځان سنګاروی .

نورهم ډير ټکی دی ولی ضروری  يی دلته بيان شول .
نور مو په لوی او متعال خدای (ج) سپارم  کاميابه  اوسی

مسلمانه وروره اومسلمانی خوری!
دا وصيتنامه دشيخ احمد(چه درسول اکرم صلی الله عليه وسلم دروضی مبارکی او دحرم شريف د کنجيانو ساتونکی دی)  دنړئ  دټولو  مسلمانانو  لپاره دی.
شيخ احمد وايي چه: شپه دمحمد مصطفی صلی الله عليه سلم په حرم شريف کښی د قرآن پاک په تلاوت بوخت وم چه خوب را باندی غلبه وکړه او په خوب کښی می خوږ نبی صلی الله عليه وسلم وليدل چه راته فرمايی:زماامتيانوته اووايه چه په همدی هفته کښی څلويښت زره کسان ددنيا نه بی ايمانه لاړل او دجاهليت په مرگ مړه شول، ښځی دخپلو دخاوندانواطاعت نه کوی،نرانو ته خپل بدن اوزيبائی بغير دستراو حجابه ښکاره کوی اودخاوندانو داجازت او خبرولونه بغيردکورونونه بهراوځی. مالداران ذکات نه ورکوی، دحج فريضه نه ادا کوی اوزما امتيان يوبل دبديو او منکراتو څخه نه منع کوی.
رسول الله صلی الله عليه وسلم وفرمايل: خلکو ته اووايه چه: دقيامت ورځ ډير نږدی دی اوپه آسمان کښی به يوه ستورئ ظاهره شی چه ټولو خلکو ته به په وضاحت سره ښکاری، لمربه ځمکی ته نږدی شی، دآسمانونودروازی به وتړلی شی، قرآن پاک به دځمکی څخه ټول کړلئ شی اوآسمان ته به انتقال شی چه دهغی نه وروسته به د هيچا هم توبه نه قبليری.
شيخ احمد وايی چه رسول الله صلی الله عليه وسلم بيا وفرمايل: که چا دا وصيت نامه دمسلمانانو په منځ کښی خپره کړه نوزه به ئی په قيامت کښی شفاعت وکړم ،خير او برکت به ئی په نصيب شی اوپه رزق کښی به ئی پراختيا پيدا شی. خوکه څوک ددی نه خبر شی او ورته اهميت ورنکړی نو ډيرسخت گناه به ورته په غاړه شی، اوهم که څوک ددی وصيت نامی نه خبرشی او دمسلمانانو په منځ کښی ئی خپره نکړی او خلک خبر نکړی  نو دالله جل جلاله درحمته څخه به محرومه شی ځکه خو رسول الله صلی الله عليه وسلم ځما څخه وغوښتل چه خلک خبر کړم چه دالله تعالی جل جلاله څخه د گناهونو معافی وغواړئ او دخپلو د اعمالو په اصلاح کولو کښی کوششونه وکړئ.

څومره بد بخته به وی هغه انسانان چه دځان په تباهئ کښی خپل د دښمن(شيطان) سره مرسته کوی.
څومره بد بخته به وی هغه انسانان چه شيطان خپل دښمن گڼی خو بيا هم ورسره په يوه لاره ځی.
څومره بدبخته به وی هغه انسانان چه دڅو ورځو محدود ژوند د آرامتيا دپاره خپل دابدی ژوند دآرامتيا څخه تيريږی.
ای مسلمانانواوس هم ناوخته نده توبه وکړئ، دالله "ج" څخه دګناهونو معافی وغواړئ اوپه آخرت کښی دآرامتيا او کاميابی اسباب، د تلونه مخکی وليږئ. دروژی مبارکه مياشت ددی نيک هدف دترسره کولو لپاره ډيره ښه موقعه ده اوداسی يوه  ښه موقعه بيا بيا نه راځی اوبيا زمونږ دعمرونو ضمانت چاکړئ چه مونږبه ترراتلونکی روژی مبارکی مياشتی پوری  ژوندی يو اوکه نه؟

گرانودوستانو! داوصيتنامه، نوې وصيتنامه نه ده اوپخواهم خپره شوې خو ديادوني لپاره او ددې لپاره چي دروژې دمبارکي مياشتي څخه په لوړه کچه نيکه استفاده وکړو ، راته ښه ښکاره شوه چي يو ځل بيا يې هم خپلوگرانوهيوادوالو ته وړاندي کړم.
والسلام عليکم ورحمة الله وبرکاته.
ستاسوورورسليمان شاه صوفی زاده ، ستاسودنيکودعاگانوپه هيله.

ددين داحکامو زده کړه په هر مسلمان نارينه وي او که ښځينه يو شان فرض ده . الله جل جلاله دواړه ډلې مکلفې کړې دي چې ددين هغه ضروري احکام چې په ورځني ژوند کې  ورته اړتيا پېښېږي ياد او زده کړي. کوم آياتونه او احاديث چې دعلم په فرضيت دلالت کوي ټول ددې خبرې دليل او ددې دعوې  ثبوت دي   او هر څوک چې په کوم ديني حکم نه پوهېږي او بيا هم پرې  ځان نه پوهوي يا په دې هکله ځانته شرم او ننګ دروي نو دا ګنهګار دى، ځکه چې  الله جل جلاله خپلو بنده ګانو ته امر کوي چې (فاسئلوا اهل الذکر ...) يعنې دپوهې له خاوندانو څخه وپوښتئ که چېرې تاسې نه پوهېږئ، نو دالله جل جلاله ددې حکم او دا ډول نورو اوامرو پر اساس دديني مسايلو زده کړه په هر نارينه او ښځينه فرض ده او په هر مسلمان لازم ده چې په دې هکله هېڅ شرم او ننګ ونه کړي. يعنې دديني مسايلو په زده کړه کې شرم او عار ته هېڅ  ځاى نشته دى او که څوک په اسلام کې لږه مطالعه هم ولري او په ځانګړي ډول که چا احاديث او فقه لوستې  وي نو هغه په دې پوهېږي چې ددين په زده کړه کې شرم نشته دفقهې  او حديثو معتبر  کتابونه له داسې مسايلو ډک دي او داسې مسايل په کې په خورا مفصل ډول تشريح شوي دي چې ښايي ځينې به يې ځانته شرم بولي که دداسې مسايلو يادول شرم وي او يا دداسې مسايلو ليکل ياروښانول له اخلاقو سره سمون ونه لري نو زموږ ددين امامانوبه هيڅکله هم نه ليکل او نه به يې لوستل .که دداسې مسايلو يادول يا رانقلول  شرم وي نو نارينه و صحابه و او ښځينه و صحابه و او په ځآنګړي ډول امهات المومنين ( رض )

او په خپله رسول اکرم صلى الله عليه وسلم به نه بيانولى او نه به يې په مفصل ډول ددې مسايلو روايت کاوه . 

په خپله درسول الله صلى الله عليه وسلم او دهغه صلى الله عليه وسلم دمبارکو صحابه و  دحيا  دبېلګې  له راوړلو څخه  دانسانيت تاريخ بلکل عاجز دى نو آيا ددې مسايلو په يادولو او بيانولو نغوذ بالله من ذالک دهغوى په هکله حتى دبې حيايۍ تصور هم کېدلى شي ؟ ايا هغوى نعوذ بالله من ذالک القول بې حيا وو؟
ايا زموږ دحيا قوه ترهغوى  ډېره ده ؟ نه هېڅکله هم نه. نو بيا دې زموږ مسلمان وروڼه او خويندې ميندې درسول الله صلى الله عليه وسلم، امهات المؤمنين، نورو جليل القدره صحابه و او تابعينو په پل پل کېږدي او دديني مسايلو په زده کړه کې دې هېڅ شرم نه محسوسوي. اسلام پوښتنه کول عيب نه بولي خو ناپوهي عيب بولي او داسلامي شريعت په تطبيق کې هم په اسلامي ټولنه کې دناپوهۍ عذر ته اعتبار نه ورکول کېږي زموږ ډېرې دينداره خويندې ميندې او وروڼه همدې غلط احساس له دين څخه پردي کړي دي او د  جها  لت او ناپوهۍ په زولنو کې يې ګير کړ ېدي . له بده مرغه چې د بې سوادۍ او ناپوهۍ دبلا وزرې خو زموږ په ټولنه کې تر بلې هرې ټولنې زياتې خپرې دي او په ځانګړي ډول په اوسني وخت کې خو زموږ دټولنې با سواده او لوستوالې ښځې  سلنه کې هم نه راځي او بيا له دې سره چې ددين په احکامو  کې دحيا او شرم خيال هم له دې بد مرغۍ سره يو ځاى شي نو خبره بلکل خرابه او له بد  هم بدتره شي .
الله (جل جلاله) چې يو انسان د يو کار په ترسره کولو مکلف کړى  دي يا يې دکوم کار له کولو منع کړى دى نو ددې مسئلې دشرعي حيثيت زده کول يې هم پرې فرض  کړي دي او ددې مسئلې بيانول او يادول بيا نه يواځې دا چې شرم او حيا نه ده ، بلکې فرض او لازم دي  ځکه چې موږه مسلمانان يو ، دژوند هرې برخې او هر کار لپاره مو حدود او چوکاټ اسلام ټاکي همدارنګه دهغو مسايلو حدود او چوکاټ هم اسلام ږدي چې بيانول يې لازم نه دي يا په بل عبارت  دا به هم راته اسلام وايي چې په فلانۍ مسئله کې له دې زيات تفصيل او بيان په کار نه دى. که څوک يې بيا هم تفصيل   يا اوږدېدل غواړي نو هغه سړى  بې شرمه او ګنهګار دى .
اسلام په خپله دشرم او حيا دين دى حيا دايمان ((نيمه)) برخه ده  او بې حيا انسان له نيم ايمان څخه بې برخې او محروم دى ،رسول الله صلى الله عليه وسلم فرمايي  (( کله چې حيا نه درځي نو څه دې چې زړه غواړي کوه يې )).
پخپله رسول الله صلى الله عليه وسلم ډېر حياناک شخصيت و خو لکه چې دمخه مو وويل ددين زده کړه يا بل چاته يې ورښودل هغه چې اسلام يې دزده کړې او بل ته دښودلو اجازه کړې وي لکه    جنسي مسايل، حيض، نفاس... دا که هر څومره چاته دشرم خبره ښکاري خو يادول يې بې حيايي نه ده ، بلکې پخپل  ذات کې عبادت دى .
ددې لپاره  چې داطمنان او تسکين ډيوه مو لاروښانه شوي وي نو ښه به داوي چې دهغو مسايلو او رواياتو څو نمونې دلته رايادې کړو چې په اصطلاح  خلک يې دشرم او حيا مسايل ګڼي   .
پخپله رسول الله (صلى الله عليه وسلم) چې کوم احکام خپل امت ته بيانوي نو هدف يې دادى چې امت يې دا مسايل زده کړي او عمل پرې وکړي .                  
صحابه و  او  ان امهات المومنين رض چې په محمدي سېڅلې مدرسه کې څه زده کړي دي نو پرته له دې چې له ځان څخه په کې څه کمښت او ډېرښت راولي په ډېره امانتدارۍ  سره يې امت ته بيان کړي چې نه يې په کې شرم احساس کړى دى او نه يې په کې ننګ کړى دى او ددې مسايلو له بيان څخه  ددوى اساسي هدف دادى چې هغه فرضيت يا وجوب چې نورو ته ددې مسايلو دښودلو په هکله  ددوى پر غاړه پروت دى ساقط شي او هم نور مسلمانان داديني مسايل چې دوى پخپله دشارع  (ج ) يا شارح ( ص)  نه زده کړي دي نورو ته وښيي او که خداى مه کړه دوى ددې احکامو په روايت او بيان کې شرم محسوس کړى و نو نن به موږ ددې مسايلو له احکامو څخه نه خبرېدو. 
که حضرت عايشې رض يا درسول الله دمبارک حريم نورو بيبيانو  درسول الله ص دغسل طريقه موږ ته نه واى بيا ن کړې  او ځانته يې شرم ګڼلى واى نو نن به موږ دشرعي غسل طريقه له چاياده کړې وه ؟
ام سلمه رض روايت کوي چې ام سليم رض درسول الله ص حضور ته راغلله او عرض يې وکړ چې يارسول الله،  الله ج دحق په ويلو کې شرم نه کوي  آيا په ښځه کله چې احتلام ورته پېښ شي ( شيطان يې وغولوي) غسل شته ؟ رسو ل الله  (ص) ورته وفرمايل چې هو کله چې اوبه (مني) وويني ...
په پورتنيو الفاظو کې په محمدي مدرسه کې روزل شوې صحابيه په زغرده رسول الله ص ته وايي چې ددين په يادولو او په حق وينا کې شرم نشته او رسول الله ص هم ددې موضوع په پوښتنې سره ونه رټله او نه يې پرې دبې حيا نوم کېښود .
حضرت عايشه رض روايت کوي چې ما او رسول الله به په يوه تشناب کې يو ځاى او له يوه لوښي څخه  غسل کاوه تر دې چې رسول الله به داوبو په لګولو کې په ما چالاکي کوله نو ما به ورته وويل چې ((د عالي .. ))  يعنې:  ماته اوبه پرېږده ماته اوبه پرېږده .
ددې مسئلې دبيان په وخت کې چې په روژه کې په ښکلولو او په غېږ کې نيولو روژه نه ماتېږي ام سلمه روايت کو ي چې زه به رسول الله ص ښکلولم او هغه به روژه و ..(متفق عليه)
حضرت عايشه رض روايت کو ي چې درافعه  ښځه راغلله او رسول ص ته يې  عرض وکړ چې زه رفاعه طلاقه کړم او له هغه  وروسته مې له عبدالرحمن ابن زبير قرظي سره واده وکړ او له هغه سره دټوټې دڅنډې په څېر شى دى (تناسلى اله يې دټوټې په څېر نرمه او مړاوې ده) رسول الله ص ورته وفرمايل چې شايد ته به بېرته رفاعه غواړې؟ نه تر دې چې  هغه ستا عسل وڅکي او ته دهغې عسل وڅکي)
يعنې تر دې چې عبدالرحمن ستا له خوږو څخه  خوند وانه خلي او ته دهغه له خوږو څخه خوند وانه خلې يعنې جنسي اړيکې ونه نيسئ  نو ته بېرته رفاعه ته تللى نه شې .
په موطا کې وايي چې ددې ښځې نوم تميمه وو او د وهب لور وه .

حضرت ميمونه رض درسول الله دغسل دجريان حکايت کوي او دا حديث امام زيلعي او ټولو صحاح الستة  روايت کړى دى .
حضرت انس بن مالک رض روايت کو ي چې (( رسول الله به په يوه شپه کې په ټولو بيبيانو ګرځېده ( له ټولو سره به يې جماع کوله) او ده په دې وخت کې نهه ښځې درلودلې.))
او بخاري کې وايي چې بيا په يې له دې ټولو  څخه  يو غسل کاوه .
حضرت عايشه رض روايت کو ي چې کله رسول الله وفات کېده نو سر يې زما دسينې او غاړې ترمنځ اېښى و تر دې چې دخولې لاړې يې زما دخولې له لاړو سره يو ځاى شوې .
ډېر مفسرين  ،محدثين او ددين ائمه  په دې نظر دي چې درسول الله ( ص) لخوا ځانته دښځو په ډېر والي کې دهغوى ص ستر هدف او حکمت داو چې ددين په رسولو کې ورسره مرسته وکړي . درسول الله ص دسيرت هغه  برخه خو به چې نورو صحابه وليدله  يا اورېدله  او دهغوى ص هغه اعمال  او  کړنې چې هغوى پرې خبرېدل نو دا خو به صحابه وو رض روايت کړي وو مګر هغه مسايل به څنګه شوي وو چې ددوى له نظر نه پناه وو او درسول الله ص له خپلې سکه بي بي  پرته دبل چا پوهېدل يا خبرول پرې ممکن نه وو ؟  اکثره کورني احکام  چې  په کورنۍ فقهې  پورې اړه نيسي  درسول الله (ص) مېرمنو روايت کړي دي او  رسول الله ص دهمدې مسايلو دخورا ښه تشريح   لپاره ډېر  ودونه کړل  او ډېرې مېرمنې يې په دې اړه د ځان ملګرې کړلې .
په بخاري او مسلم کې له حضرت عايشې رض څخه روايت دى چې رسول الله ص فرمايي : ((عشر من الفطرة ...))  يعنى  :((لس فطري سنت دي...)) چې حضرت عايشه رض په کې دنارينه لپاره حلق العانه (دنامه لاندې د مخصوص غړي خرييل ) هم يادوي .

 دنبي كريم صلي الله عليه وسلم په ژوند بي شماره كتابونه ليكل شوي دمسلمانا نو څخه علاوه يوزيات شميراروپايي تاريخ پوهانو هم كتابونه ليكلي دنبوي سيرت په اړه يواروپائي تاريخ پوه وائي \"دسيرت ليكونكوتعداد دومره زيات دى چي شميريي ممكن ندى \" كفار چي زمونږ دخوږپيغمبر په اړه دومره معلومات لري مونږولي تري ناخبره يو؟ دنبي كريم صلي الله عليه وسلم نسب : دنبي كريم صلي الله عليه وسلم نسب دنړۍ ترټولونسبونو غوره اوپاكيزه دى او دمكى مشركينو هم پدى اعتراف كاوه دپلار له طرفه يي شجره نسب په لاندي ډول دى اوله برخه :محمد بن عبد الله بن عبدالمطلب بن هاشم بن عبد مناف بن قصي بن كلاب بن مُره بن كعب بن لوى بن غالب بن فهر بن مالك بن نضر بن كنانه بن خذيمه بن مدركه بن الياس بن مضر بن نزار بن عدنان دوهمه برخه : بن اْد بن هميسع بن سلامان بن عوص بن بوز بن قموال بن اْبي بن ناشد بن حزال بن يدلاف بن طابخ بن جاحم بن ناشح بن ماخي بن عيض بن عبقر بن عبيد بن الدعابن حمدان بن سنبر بن يثربي بن يلحن بن اْرعوي بن عيض بن ديشان بن عيصر بن افناد بن اْيهام بن مقصربن ناحث بن زارح بن سمي بن مزي بن عوضه بن عرام بن قيداربن بن اسماعيل عليه السلام بن ابراهيم عليه السلام دريمه برخه : دابراهيم عليه السلام نه پورته ابراهيم بن تارخ بن واسمه اّزر بن ناحور بن ساروع بن اْوساروغ بن راعو بن فالح بن عابر بن شالح بن سام بن نوح عليه السلام بن لامك متوشلح بن اخنوخ (ادريس عليه السلام ) بن يرد بن مهلائيل بن قينان بن اّنوشه بن شيث بن اّدم عليهما السلام. دپيدا يښت نه وړاندي داّنحضرت صلي الله عليه وسلم بركات : دنبي كريم صلي الله عليه وسلم په صورت كي دهدايت روښانه لمر راختلو نه وړاندي داسي نښاني موجودي وى چي دمحبوب دپيدايښت زيري يي وركاوه دمحدثينو په نزد دي ته ارهاصات وايي . دنبي كريم صلي الله عليه وسلم مور بي بي اّمنه وايي !كله چي محمد زما په ګيډه وو ماته زيرى راكړل شو چي) ستا ماشوم به دټول امت سردار وي كله چي پيدا شي ووايه چي الله ته مي سپارلى اونوم يي محمد كيږده ( وايي دحمل په موده كي مي يوه رڼا وليده چي دهغي په زريعه مي دشام ماڼۍ وليدى. ( سيرت ابن هشام) بي بي اّمنه وايي مادحمل په موده كي هيڅ تكليف ندى ليدلي كوم چي نوري ښځي يي محسوسوي . همدغه راز نوري بي شماره نښاني موجودي شوي