	گرمسیر
	دهلمند خبري،ټولنيزه ،كلتوري او فر هنګي ويب پاڼه

ليكوال : احمدشاه پاڅون هلمند

اوريدلي مي دي چي نفل هغه عبادت دى چي په کولو سره يې ثواب سته خو په نه کولو سره يې ګنا نسته که څوک د نفل لمونځ نيت وتړي او بيا يې پريږدي هغه لمونځ ورباندي فرض کيږي .

نو د ولس مشر يا د نورو مقاماتو سفرونه يوې سيمي ته هم داسي ګڼلاسو که چيري هغوى په خپل ټول ژوند کي يوې سيمي ته نوي تللى ښايي خلک ورنه ګيله ونه کړي او ښايي بيخي يې زړه ته هم تيره نسي چي د دوى د هيواد ولسمشر دي د دوى خواري سيمي ته ورسي خو که چيري هلته ټول خلک خبرسي چي ستاسو سيمي ته ولسمشر ستاسو لپاره او ستاسو د غوښتونو اوريدلو لپاره راروان دى نو طبعي خبره ده چي هر څوک به خپل کار وبار پريږدي او دې ته به وخت پيدا کړي چي خپل ولسمشر له نژدې وويني او دهغه سره مخامخ خبري وکړي او دې هيلي ته د رسيدو په موخه ساعتونه انتظار باسي خو وروسته ورته ويل کيږي چي ولسمشر بيرته پښيمانه سو ، تاسو فکر وکړئ چي هغه غريب کس چي د خپل اولاد د ډوډۍ د پيدا کولو چانس يې د ولسمشر د ليدني لپاره له لاسه ورکړى وي څومره به و درديږي او په زړه کي به څومره له دې ولسمشر څخه خفه سي .

ښاغلي ولسمشر کرزي دوه ځله په هلمنديانو داسي ملنډه ووهله لومړى ځل د ولسمشرۍ تر ټاکنو يوازي څو ورځي مخکي په لښکرګاه کي اوازه خپره سوه چي سباته کرزى هلمند ته راځي او يوې لويي غونډي ته به وينا وکړي او د هغوى نه به د رايي غوښتنه وکړي
په سبا په زرګونو خلک په کرزي لوبغالي کي د شپې له پلوه تر درول سوو تجيرونو لاندي را ټول سوه په دې هيله يې دقيقې شمېرلي چي اوس په کرزى راسي او موږ ته به ووايي (( خداى مو راوله )) خو له ساعتونو وروسته د وياند لخوا وويل سوه چي کرزى نسي کولاى په دې غونډه کي ګډون وکړي هغه به خپل وينا د ټليفون له لاري تاسو ته واوروي ددې خبري په اوريدو سره خلک په ښور سوه او په وتلو يې پيل وکړ .
دادى اوس پر هغي ورځي مياشتي اوړي او د خلکو څخه هغه جفا هيره سوې وه او غوصه يې هم را کمه سوې وه چي يو ځل بيا په ښار کي ټولي لويي لاري د ښاريانوپر مخ و تړل سوې هيڅوک نه پوهيدل چي څه به کيږي مازديګر ته په دې و پوهيدم چي سباته ولسمشر کرزى هلمند ته د راتګ نيت لري موږ بايد پر ٨ بجې ملي امنيت ته ځان ورسوو موږ هم هم داسي وکړل هلته پوه سوو چي هر هغه څوک چي په دې غونډه کي برخه اخلي اړ دى چي يوځل ملي امنيت ته ورسي هلته تر تلاشى وروسته د ګډون کارت تر لاسه کړي په دې کسانو کي ريسان ، قومي مشران ، ملا ايمامان او ښځي شاملي وې د کارت تر لاسه کولو وروسته په ٣٠٣ موټر کي پورته کړل سوو او د ولايت د مقام په لومړي پوسته مخي ته يې کښته کړو دلته د خلکو يو لوى قطار جوړ وو چي د ارګ څخه راغلو ځانګړو کسانو ولايت ته تلوونکي کسان ټول تلاشي کول زموږ يو ملګرى په کلکه له عکاسي څخه منع کړل سو د هلمند ملي پوليس مي و ليدل چي د ولايت د واټ په يوه څنډه کي په خپلو موټرو کي په ارام ناست وو لږه شېبه وروسته د هلمند د امنيه قومندان اسدالله شيرزاد په داسي حال کي چي خپله د موټر جلو ته ناست وو د ولايت څخه را ووت او په موټرو کي ناست پوليس ور پسې سوه پوه سوم چي نوي راغلي ساتونکي د قومندان صاحب سره موټروان ته هم اجازه نه ورکوي پوليس او وسلې خو لري خبره ده.

موږ د يو ساتونکي په امر د قطار څخه بيل کړل سوو تر زيات انتظار وروسته يو ليست راغلى چي زموږ د ټولو نومونه پکي ليکلي وو د نوو کسانو څخه يو بل په موږ پسي راغلى او د ځان سره يې د ولايت لور ته روان کړو عجيبه خو داوه چي ددې لږ بدلون سره هغه شناخته ځايونه چي موږ به پکي لکه خپل کور ګرځيدلو داسي نا اشنا راته و ايسيده لکه ماچي په ژوند نه وي ليدلې .
د ولايت د مقام مخي ته زيات وخت تم کړل سوو تر څو يو بل ساتونکي ته و سپارل سوو هغه راته په ځان پسي د ورتګ اشاره راته وکړه او د ولايت د مقام اړخ ته د محکمې مخي ته يو خالي ځاى دى چي تل پکي د ښار ايله ګرده سپي اوسيږي ورسم کړو موږ په دې نه پوهيدو چي دلته يې د څه لپاره را وستلو د ولايت د لوى دروازې څنګ ته د کوچنۍ دروازې مخي ته يو لوى لين جوړ وو چي پکي د هلمند ولايت مخور سپين ږري ، ريسان او ملاايمامان هم تلاشي ته په انتظار کي ولاړ وو .
ښکاره خبره ده چي موږ هم د ښوروا خوړلو لپاره هلته نه وو بيول سوي د ساتونکي لخوا راته وويل سوه چي پرته له پيسو او قران کريم څخه نور هرڅه بايد لاندي پر مځکه کښيږدو زموږ يو شمير ملګرو ژورناليستانو دا حالت نسو زغملاى هغوى ويل چي موږ دي د سپيو د اوسيدو په ځاى کي نه تلاشي کوي وروسته د حالت د نه زغمونکو پله درنه سوه او په دې سلا سول چي بيرته به ځو ټول د وتلو په حال کي وو چي د هلمند د والي وياند داود احمدي راغلى او موږ يې را وګرځولو نومړې ټنګار کوئ چي دا قانون دى بايد تاسو ورته غاړه کښيږدى تر ډير جاربحث وروسته بيرته ټول را وګرځيدل ښاي د بيرته راګرځيدو علت يې د ولايتي مقاماتو سره د اړيکو نه خرابول وو .

که څه هم موږ په بيا بيا وويل چي هغه د تلاشى ځاى د سپيو د اوسيدو ځاى دي خو ساتونکي هيڅ هم نه منل موږ اړ سو چي بيرته پر هغه ځاى د خپلو جيبونو ټول شيان پر مځکه کوټه کړو او موږ د شيانو څخه لري سو موږ ليدل چي دوه ساتونکي او يو د ارګ سور رنګه سپى زموږ پر شيانو را و څرخيدل او دوه ساتونکي زموږ په تلاشى بوخت سوه چي موږ ټول يې له سره تر نوکه تر لاس تير کړو بيا نو خپلو شيانو ته ورپريښودل سوو ټول ګډ وډ پراته وو هغه مو راټول کړل او ولايت ته دننه ولاړو هلته د ژورناليستانو لپاره د سټيج څخه لري ځاى ځانګړى سوى وو چي زموږ نيم ملګري اړ وه و دريږي هم دلته د اواز اخستلو اسانتيا موجوده وه .
د هغه کس لخوا چي دلته راوستل سوي وو راته وويل سوه چي تر دعا مخکي د خپلو سامانونو سره په ده پسې سو او د کنفرانس ځاى ته ورسو . نه مي دي په ياد چي څومره انتظار به مو کړى وو چي د هلمند د اطلاعات او کلتور ريس ښاغلى عليشا مظلوميار د مايک مخي ته ودريدى او د ګډونوالو څخه يې هيله وکړه چي خپل ټليفونونه بند کړي او د ولسمشر د راتګ سره سم د هغه د درناوي په موخه ولاړ سي ټنګار يې کاوه چي د هغه د هري خبري سره دي د زړه د اخلاصه لاسونه و پړکول سي .
ساعت لا نه وو تير چي د هلمند والي ګلاب منګل دا اعلان وکړ چي زموږ د وهيواد ولسمشر حامد کرزى راروان دى او هغه به د يوه بهرني هيواد مشر هرکلى په هلمند کي کوي ښاغلي والي صاحب خوښي و ښوده چي هلمند نن هغه د پخوا هلمند ندى چي خلک يې له نومه ويريدل اوس ددې جوګه دى چي ولسمشر به د يو بل بهرني هيواد مشر هرکلى پکي کوي .

د تلار تر کړکۍ مي دباندي و کتل تالار ته راغلي لاري په نوو غاليو فرش کړل سوي وې چي مخکي تر دې مي کله نه وې ليدلي . د پارلمان وکيلان ، د ولايتي شورا و کيلان ، د دولتي ادارو ريسان مي وليدل چي د ښاغلي کرزي د هرکلي لپاره د سرو غاليو دواړو اړخونو ته ولاړ وو . يوبل شي زيات حيران کړم کله چي په بغلان ولايت کي د ولسي جرګې پر وکيلانو چاودنه وسوه هغه مهال د وکيلانو د هرکلي لپاره د ښوونځۍ تنکي ماشومان درول سوي وو چي له بده مرغه هغوى هم ددې پيښي قرباني سول وروسته ولسمشر کرزي امر وکړ چي نور دي په تشريفاتي مراسيمو کي له ماشومانو نه کار نه اخستل کيږي خو نن مي دلته يوه ټولۍ تنکي ماشومان وليدل چي سپيني جامې يې په تن وې او د ګلونو دګيډۍ سره د ولايت مقام ته دننه سول .
په تالار کي شور جوړ وو ټولو له ډير انتظار نه سر ټکوى دباندي مي و کتل د ښه راغلي لپاره قطارونه هم په ټوليو بدل سوي وو او هر ځاى بانډارونه ښه ګرم وو .
زموږ انتظار نور هم اوږد سو د دفتر کارونه مي را په زړه سوه چي وران وجاړ مي تر شا پري ايښي وو يو دم هرکلي کوونکي ټول کسان تالار ته ننوتل ١٢:٢٠ بجې وې چي د هلمند والي وويل (( متاسفانه چي يو ځل بيا موږ د ولس مشر د راتګ چانس له لاسه ورکړ ، ځکه ولسمشر کرزي د هوا د خراب والي له امله و نه کړاى سوه چي هلمند ته راسي دى به ستاسو سره په ټليفون کي خبري وکړي ))
د والي صاحب د خبرو د پرې کيدو سره سم په تالار کي يو شور جوړ سو موږ د سټيج کسان ليدل چي هڅه يې کوله د ولسمشر سره د ټليفون کرښه وصل کړي خو نه بريالي کيدل . ګډون والو هر يوه د نن ورځي په اړه خبري کولي چا ويل چي هسي يې ورځ ضايع کړه چا به ويل چي مريض مي کور ته پورت دى زه دلته راغلم او بل به بله خبره کوله . تر ډيري هڅي وروسته کرزى صاحب په ټليفون کي را پيدا سو او خپلي خبري يې داسي پيل کړې (( خداى مو راوله ، ما داسي اراده درلوده چي درسم لښکرګاته او زموږ د يو بهرني ميلمه سره هلته ووينم خو دى پرون راغلى وو زه نن په بله تياره کي له کابله راغلم اوس دوى وايي چي هوا خرابه ده د لښکرګاه په لور نو موږ بيرته کابل ته ګرځو په موږ کي يو متل دي چي وايي (( يار زنده صحبت باقي )) انشاالله ډير ژر به بيا لښکرګاه ته د راتګ پلان و تړم زياته عفه غواړم خداى پامان خداى پامان )) داسي مي و انګيرل چي د کرزي صاحب لا زړه سوړ ندى لانور هم غواړي په دې ساده ،خو له وقاره ډکو خلکو ملنډه ووهي .

ډوډۍ مو د لايتي شورا په تالار کي و خوړه او هر يو پر خپله لار ولاړل د هغې خوا چي راوتلو د ارګ يو پوليس موهم په سترګه نسو د هلمند ملي پوليس ولاړ وو او تر مازديګره الوتکه کښته پورته کيدې .
کرزي ولي هلمند ته له راتګ څخه نټه وکړه ؟

دا خبره چي په ظاهره ګډونوالو ته وويل سوه چي هوا خرابه ده دا په څو علته سمه خبره نده .

1. د هوا خرابوالى تل د وريځي سره سرکار لري خو په هغه ورځ ټول ورځ اسمان تک شين وو .

2. که هواخرابه وي نو کرزى صاحب کندهار ته څنګه راغلى . داسي به و انګيرو چي د نومړي تر راتګ وروسته هوا خرابه سوه ښه نو بيا کابل ته بيرته څنګه ستنيږي ځکه د هلمند او کابل د هوا لار ټولو ته معلومه ده چي تل الوتکه د غزلي پر سيمو چي غرونه هم لري تکاني کيږي نو کله چي هلمند ته الوتکه نسي تلاى نو څنګه کولاى سي د غزني د غرونو پر سر الوتنه وکړي .
3. په هغه ورځ ټول ښآريان ددې خبري شاهدان دي چي تر مازديګره الوتکي تلې او راتلې .

که چيري کرزى صاحب د امنيت نه شتون بيرګرځولي نو بايد په دې پوه سي چي پاچا بايد غټ زړه ولري او بيا هغه کسان چي ښآغلي کرزي راليږي وو داسي په وفا داري ورته کار کاوه چي توبه ټول ښار حيران وو يو بل ته به ټليفونونه کيدل چي نن څه خبره ده چي ټولي لاري ګودري بندي دي او بل دا چي په هلمند کي امنيت دومره هم ندى خراب چي ولسمشر دي اړ کړل سي چي دومره لوى چانس له لاسه ورکړي .
د هلمند والي صاحب چي په څومره خوشحالۍ دا ټکي څرګند کړل چي (( هلمند د پخوا هلمند ندى نن د هيواد ولسمشر را روان دى )) لږتر لږه هغه خو به دي د دې خبري تصديق ته رسولى واى .

موږ و ليدل چي د برتانيا لومړى وزير دوه ځله هلمند ته راغلى ، د بهرنيو چارو وزير هم دوه يا درې او دفاع وزير هم هم داسي ،په داسي حال کي چي د هغې ورځي په نسبت ١٠ سلنه امنيتي تدابير هم نه وه نيول سوي .
وروسته دې ټولو حالتو ته په کتو سره زياتره خلکو داسي ويل چي د برتانيا لومړي وزير کورډن براون نومړى د هلمند له تګ څخه بيرولى .
د دومره پراخه امنيتي تدابرو څه اړتيا وه ؟
دومره پراخه امنيتي تدابير نيول چي حتي ولايت او سيمه ايز چارواکي بيخي له واکه و غورځوي له والي نه نيولې تر عام کس پوري نوو امنيتي کسانو ته ټول بې توپيره وي داسي انګيرل کيږي چي په هلمند کي هيڅ امنيت نسته او يا په هلمند کي بيخي هيڅ د باور کس نسته په دې ورځ چي ارګيانو په هلمند ولايت کودتا کړې وه يوازي دا نه چي غونډي ته تلونکي خلک يې پر نفس راوستل بلکه د ټول ښار څخه يو زندان جوړ وو حتي خلکو نسوه کولاى خپلو کورونه ته ولاړ سي يو کس چي په کابل بانک کي دنده لري خپله کيسه داسي راته وکړه (( سهار وختي حمام ته ولاړم ، د راتګ پرمهال امنيتي کسانو لاري بندي کړي وي تر غرمې پوري په داسي حال کي پر سړکونو ګرځيدم چي نه مي ټليفون راسره وو او نه هم پيسې )) يو بل کس راته وويل چي ناروغان يې د نادعلي ولسوالۍ څخه راوستلي او تر غرمې پوري و نه توانيدم چي بست روغتون ته لاره پيدا کړم .

يوازي د ښآر خلک ددې حالت څخه نه وه اغيزمن بلکه د ولسواليو پر خلکو يې هم اغيز شندلى وو يوازي دا نه د لښکرګاه په بازار کي محدود دکانونه خلاص وو ځکه د لارو د بندښت خبر ډيرى خلک اړ کړل چي بيخي له کوره ونه وځي له خلکو مي واوريدل چي په زرګونه افغانۍ تاوان ورته رسيدلى دى . پر ځاى کار به واى چي يوازي د ولايت د مقام ګيرچاپيره امنيت ټيګ کړل سوى واي د ښآر د خلکو په ژوندکي مداخله کول ځآن ته د نفرت د اور پاشلو په مانا دى .
د هلمندي خبريالانو خفه کيدل او د سيمه ايزو چارواکو بې غوري :
دغه حالت چي مخکي ورته اشاره وسوه چي د سيمه ايزو چارواکو بيخي له واکه غورځول د واک ټولي چاري د څو ساعتونو لپاره نورو داسي کسانو ته سپارل په خپل ژوند يې هغه سيمه او خلک ليدلي هم نه وي ددې په مانا دى چي ګنې دا اداره هيڅ ارزښت نلري يا دې ادارې هيڅ کار ندى کړى .
او داسي کول تل ناوړه پايلي ځکه لري چي نابلده کس ددې خلکو په خوى او عادتونو نه پوهيږي خداى مه کړه که ژورناليستان هم داسي خفه بيرته ستانه سوي واى او د خبرڅخه يې انکار کړى وايي دا غونډه به څومره بې ارزښته سوې واى او د کابل څخه راغلو ميلمنو به څه ګمان کړى واى چي ايا په هلمند کي هيڅ يو ژورناليست نسته ؟
ښه خبره به دا واى که چيري ولسمشر کرزي په سيمه ايزو چارواکو باور نه درلودى او غوښتل يې چي ددې لپاره دده وفادار کسان امنيت ټينګ کړي هيڅ خبره نه وه خو بايد په هر ځاى کي ورسره د ولايتي پوليسو قومندان او يا کوم استاذى هم موجودواى په دې کي دوې ګټي ليدل کيږي
١ : راتلونکي کسانو به زماغوندي داسي ګمان نه کاوه چي ګوندي کوم نابلده ځاى ته راغلى دى د خپل په ليدو به يې خپل ځان دروند احساساوه
٢ : نوو کسانو ته به ځايي قومندان يا استاذي لار ښوونه کول او د داسي تيروتنو سره چي ژورنالستان يې د سپيو په ځاى کي تلاشي کړل نه مخ کيدل
په پاى کي ولسمشر کرزي ته دا سپارښتنه کوم چي لومړۍ خو دي داسي کومه اراده نه کوي که يې بيا هم وکړه نو لکه په پيل کي چي مي څرګنده کړه وربآندي فرض کيږي بايد حتماً په هره ممکنه وسيله چي وي هغه تر سره کړي کنه نو يوه ورځ به د شپانه کانه په وسي .

اوازه به خپره سي چي هلمند ته کرزى راځي خو هيڅوک به غوږ هم نه ګروي .

+ نوشته شده در Sat 19 Dec 2009ساعت 3:57 بعد از ظهر توسط صفت الله (ذاهدی) |

ما اسماعيليه فرقه پريښوده مسلمان شولم

ماد(اغاخان)اسماعلیه فرقه پرېښوده اوپه اسلام مشرف شوم۔) (Akbarally Meherally
ګرانومسلمانانووروڼواوخویندو!
اسلام علیکم ورحمة الله وبرکاته!
زه دالله ددین اودالله جل جلاله لپاره داسماعلیه ډلې چی مشرې ئې (اغاخان) کوی یوڅوحقایق بیانوم هیله ده چی په غورسره ئې ولولی اوددې ډلې دشرک نه ډکې عقېدې نه خبرشی۔
زه مخکی داسماعلیه فرقې یوپېرووم چی الحمدلله په اسلام مشرفه شوم۔ الحمدلله اوبیاالحمدلله۔۔۔
مادالله سره وعده کړېده چی ددې ډلې باطل عقایداوخرافات به دخلکوترغوږورسوم، اودالله جل جلاله څخه ئې اجرغوښتونکی یم، دلاندنیوحقایقوڅخه وروسته بیاهرلوستونکی پخپله قضاوت کولای سی۔
1 اسماعلیه ډله په دې باندی باورلری چی قرانکریم په هغه وخت دهغه وخت دخلکولپاره وه، نه داوس له پاره، اوداوایی چی اغاخان چی هرڅه وویل همدانعوذباالله دخدای کلام دی، اوداوس عصرلپاره دده وینااغیزمنه ده ترقرانکریم، اودوی داردوی چی ترقرانکریم وروسته وحی نه راځی، اودوی په دې عقیده دی چی اوس هم اغاخان ته وحی راځی۔
2 اغاخان خپل ځان وخپلوپېروانوته د (مظهرالحق) په نامه سره پېږنې، اوځان دخدای استاځی بولی، دده ټول پېروان وده ته سجده کوی، اودی خپل معبودبرحق بولی۔
3 اسماعلیان نه لمونځ کوی، نه حج کوی اونه هم روژه نیسی دوی دلمانځه پرځای په ورځ کی درې ځلې دشرک نه ډکې دعاوی کوې، اودحج په اړه ددوی عقیده داده چی زموږحج دادی چی کله موږته داغاخان دیدارراپه نصیب شی۔
4 اغاخان اودده نورمنتخب داعیان دعیسایانوپه شان دخلکوګناهونه وربخښې، اواغاخان وخلکوته وایی چی دقیامت په ورځ زموږڅخه پوښتنه نه کیږی اومستقیمابه وجنت ته ځو، اوکله چی سوال اوځواب شروع سی نوموږبه هلته دجنت په دروازه کی ولاړیوداځکه چی زموږګناهونه خوپه دنیاکی بخښل شویدی۔
5 اسماعلیه ډله دعیسایانودمختلفوډلوله خواڅخه همایه کیږی اوددوی ټوله روزنه عیسایانوپه لاس کی ده، په ځانګړی ډول سره د (Baha) اود(Pauline Christainity) دمبلغینوله خواڅخه ودوی ته پوره روزنه اوتاکتیکونه ورښودل کیږی، چی په هره اونۍ کې دبایبل اوددې ډلې دعقایدویوڅوپاڼې چاپوې اوخپروې یی۔
(Paul) چی په عربی ژبه کی ورته (سال) وایی دادعیسایت بنسټ ایښودونکی دی ، چی دنوې عهدنامی زیات کتابونه ده لیکی دی دی په اصل کی یهودی وواوانجیل ئې تحریف کړ، اواوس دده په نامه مفکوره په عیسایت کی پوره شتون لری، اودده په نامه داګوند په (1819) میلادی کی په وجودراغی؛ پاته دی نه وی چی اوسنی عیسایت ټوله دده پرمفکورې ولاړدی۔
6 د کریم اغاخان خپله لور(زهرا) دیوه عیسایی مبلغ سره واده وکړ، اواوس دادپیغلوانجونودراجلبولودنده په غاړه لری اوډېرکوښښ کوی چی هره ځوانه دخپل پلار چی دوی ورته (امام زمان) ورته وایی راواړوی، اودهغه تابع سی، اوبل ددوی غټ اوصول دادی چی دوی دهرچاسره واده کولای سی که هندو وی، که عیسایی وی، که یهودې وی اوداسی نور۔۔۔
7 اغاخان هرڅه چی اسلام حرام کړیدی هغه ټول ئې دخپلوپلویانولپاره ئې حلال کړیدی، سُود حرام دی اوده حلال کړیدی، چی ددې موخولپاره ئې څوشبکې هم پرانستی دی لکه، Taiqaah, او (AKFED) (Aghakhan Fund and Economic Development) ددې اوداسی نورونومونوترعنوان لاندی په نړیواله کچه سره سُود کوی، ډېرې غټې پروژې ېې په ډېروهیوادونوکی اخیستې دې، په ځانګړې ډول سره په هغوهیوادونوکی چی یانوه اسلام پکښې خپورشوی وی، اویاهم په اسلام پوره خبرنه وی، لکه تاجکتسان، اونورجمهوریتونه ۔۔۔ ددې هیوادوڅخه ماسوی ډېرې کمپنیانې ئې په پاکستان، افغانستان، هندوستان، تانزانیا، یوګانډا اوبنګلدېش که په کاربوختی دی، دمختلفوNGOs له لاری دخلکودراضی کولولپاره اوپه هغوی کی دنفوذلپاره مختلف کارونه کوی، لکه روغتون جوړول، دلوبومیدان جوړول، دتلیفون اسانتیاوی برابرول، اوبه برابرول، سړک جوړول اوداسی نوراړین کارونه دوی پخپله زمه اخلی۔
8 مسلم امت ددې باطلې اومشرکې ډلې دعقایدوڅخه خبرنه دی ان تردې چی ډېرلوړخلک هم ددوی په حرکت اوعقایدوهم نه پوهیږی، دوی په ټوله نړۍ کې دوه میلیونه پلویان لري ، چی مبالغتادوی خپل شمېرددې څخه ډېربولی دوی خپلوځانوته اسماعلیه یا اغاخانی مسلمانان بولی اوحال داچی ددوی په کفر، ارتداد، شرک اولادنیت کی هم شک اوشبهه نشته، ددوی مذهبی مشرکریم اغاخان وایی چی زه نعوذبالله من ذالک دخاتم الانیاء حضرت محمدمصطفی صلی الله علیه وسلم ځای ناستی یم۔
9 مخکی ددې ډلی په اړه کوم معلومات نه وواونه هم کوم کتاب ورباندی لیکل شوی ووخواوس الحمدلله ددوی پرفاسدوعقایدوباندی ډېرکتابونه لیکل شویدی اوهم دنیټ له لارې تاسی کولای سی چی پوره معلومات ومومی اوڅوویب سایټونه دی چی ددوی کفری عقایدومسلم امت ته خپروی۔

ژباړونکی : عبدالغفارجُبیر

+ نوشته شده در Thu 17 Dec 2009ساعت 3:24 بعد از ظهر توسط صفت الله (ذاهدی) |

هم يي په مخ وهي او هم يي په نعل

٢٩ نومبر ٢٠٠٩
د برتانيى لومړى وزير ګولډن براون د خپل هيواد پارلمان ته په يوه وينا کى وويل چى مونږ يعنى د ناټو غړي هيوادونه نه غواړو چى د حامد کرزى په کابينه کى دي جنګسالاران او هغه کسان چى په اداري فساد کى لتاړ وي برخه ولري. پوښتنه داده چى دغه جنګسالاران، د مافيا رهبران،د مخدره موادو قاچاقبران، په ادارى فساد کى ککړ اشخاص او جنايتکاران چا قدرت ته ورسول؟ ايا دا دوي يعنى امريکا، برتانيا او د ناټو غړي هيوادونه نه وو چى ستميان، د نظار شورا او د شمال د نامقدس اتحاد سره يى د طالبانو په راپرځولو کى مالى او د وسلو مرسته وکړه. اوس دوي يعنى ناټو ولى وايى چى جنګسالارانو ته دى په حکومت کى ونډه ورنکړل شى. امريکا او برتانيا غواړي چه په دي تبليغاتو افغانان وغولوي. امريکا او برتانيه د يو طرف نه هم ددغو جنايتکارانو او جنګسالارانو سره خپلو مالى مرستو ته ادامه ورکوي او له بله طرفه په کرزى زور اچوى چي په راتلونکى کابينه کى دي هغوي ته برخه نه ورکول کيږى ( يعنى هم يى په ميخ وهى او هم يى په نعل). په لومړى سر کى قسيم فهيم چى د کرزى لمړى مرستيال دى او د نظارد شورا د ستمى ډلى مهم غړى او جنګسالار دى او بل لوى متعصب او د ايران د اخوندى رژيم مخکښه طرفدار کريم خليلى چى د کرزى دوهم مرستيال دى ايا دوي دواړه جنګسالاران نه دي چى د کرزى په کابينه کى دايمى غړيتوب لري؟ لومړى بايد دا دواړه د کار نه ګوښه او محاکمه کړل شى.
همداراز براون په افغانستان کى د فساد ضد د يو کميسون د جوړولو غوښتنه وکړه. پوښتنه داده چى دا کميسون به کله جوړيږى او څوک به ددي کميسون په رآس کى کار کوى؟ زه فکر کوم چى دا کار به هغه متل ته ورته وي چى "پيشو په شيدو څوکيداره مقرره شى". او يا دا بل مثال چى د "پيشو په غاړه کى به څوک ګونګري ځوړندوي". که ددى کميسون مشرى امريکا، برتانيا او يا هم د افغانستان لپاره د ملګرو ملتونو د ځانګړى استازى کا ايډه ته وسپارل شى بيا نو هغه بل متل دى چى وايى "د باران نه پټيده، ناوى ته يى شپه شوه". د ملګرو ملتونو خاص استازى کا ايډه هم ګولډن براون ته ورته خبردارى ورکړيدى او په يو خبرى کنفرانس کى يى ويلى وو چى کرزى بايد په راتلونکى کابينه کى په ادارى فساد کى ککړو اشخاصو، جنايتکارانو، جنګسالارانو، د مخدره موادو قاچاقبرانو او د مافيا غړو ته ځاى ورنکړي.
د ګولډن براون څخه بايد پوښتنه وشي چى ستاسو عسکراو نور جګپوړي کارکوونکي پخپله په اداري فساد کى ککړدي اوددى عمل د لا تقوي لپاره يى مټي رانغښتي دي، د مثال په ډول د هلمند په ولايت کى د کوکنارو زيات حاصلات چى اپيم دي د خپلو عسکري الوتکو پوسيله لندن ته ليږدوي. د افغانستان د طبعى منابعو يو بل مهم توکى (عنصر) چى يورانيم دى او دافغانستان د طبيعى مهمو زيرمو څخه ګڼل کيږى ددوي د عسکرو لخوا لندن ته انتقاليږى.اوس برتانويان په کوم اساس افغان دولت ته د ادارى فساد اوپه کابينه کى د جنګسالارانو د نه ګډون لارښوونه کوى.
له بله طرفه حامد کرزى په يوخبرى کنفرانس کى د "ملى مشارکت" خبره وکړه. امريکايان، برتانويان، د ملګرو ملتونو سرمنشى بانکى مون او د اروپايى هيوادونو مشران په ځانګړى ډول فرانسه او روسيه په کرزى فشار راوړى چى عبدالله عبدالله او د هغه د ستمى شوراى نظار اوباشانو ته په کابينه کى غوښني چوکۍ په نظر کى ونيسي. داد امريکايانو، اروپايانو او روسانو يوه بله ډرامه ده چى د افغان ملت په ضد يى جوړه کړيده.اياد شمالى ټلوالى ټول غړي جنګى جنايتکاران، جنګسالاران او په ادارى فساد ککړ اشخاص نه دي؟
ايا د ولسمشر کرزى ددي ملى مشارکت معنى به په کابينه کى د ملى او په وطن مينو اشخاصو ګډون وي، او که يا د ستميانو، د نظار شورا او د شمالى ټلوالى ملى خاينين، ټوپکماران، متعصبين، جنايتکاران، په ادارى فساد کى ککړمفسدين، اوباشان او نور وي؟ دپوهانو او د افغانستان په پيښو کى دخيل خلک په دى اند دي چى د کرزى په راتلونکي کابينه کى به د پخوا څخه لا ډير پښتني او افغان دشمنه اشخاص ګډون ولري، دا ځکه چى ايران او روسيه غواړي خپل طرفداران، پاکستان او هندوستان خپل طرفداران، اروپايان او امريکايان خپل چاپلوسان او په ډالرو اخستل شوي نمايندګان ولري چه هغوي به يواځي ددغو هيوادونو ګټي ساتي نه د افغانستان د مظلوم ملت.

د ناټو سکرترجنرال راسموسن د برتانيى د سکاټليند د ايډنبرا په ښار کى د ناټو د پارلمان ګډون کوونکو ته وويل " که چيرى د ناټو ځواکونه د افغانستان نه ووځى، مخالفين به ټول افغانستان په ډير لږ وخت کى ونيسى." ډاکټر عبدالله چى د نظار د ستمى شورا د فساد او د جنګ د دوام يوه فعاله څيره ده د ناټو د سکرتر جنرال د خبرو په تاييد د المان د فايننشل ټايمز د اينټرنټى شبکى سره په يوه مصاحبه کى وويل که "چيرى امريکايى ځواکونه د افغانستان نه لاړ شي بيا به افغانستان د القاعده او طالبانو په لاس کى پريوځى"، او دا يى هم وويل چى "ما در افغانستان مسعودى ديگرى نداريم که بجنگد". د ډاکټر عبدالله دا مصاحبه د سايټ جاويدان په ويبپاڼه کى د ١٣٨٨ دعقرب په ٢٨ "ما در افغانستان مسعودى ديگر نداريم که بجنگد" د عنوان لاندى خپره شويده. جاويدان ويبپاڼه د نظار د ستمى شورا د فساد او تجزيى د افکاروويبپاڼه ده چى د ايران د جاسوسى سازمان، د پاکستان د آىاس-آى او د هندوستان د جاسوسى سازمان "را" لخوا يى د خپريدو ټول مصارف تمويليږى. اوس بايد د عبدالله څخه دا پوښتنه وشى کله چى قوماندان مسعود ژوندى وو او طالبانو تقريبآ ٩٠ په سلو کى د افغانستان په خاوره کنټرول درلود، قوماندان مسعود د روسانو د کىجىبى او د ايران د استخباراتو د برجسته کارکوونکى چنګيزپهلوان سره د تاجکستان د کويلاب په نظامى اډه کى د افغانستان د تجزي په پلانونو کار کاو. عبدالله رښتيا وايى "مسعودى ديگرى نداريم که بجنگد". کله چى استاد ربانى د کابل د ښار جمبور (جمهور) رييس وو د بيګناه کابليانو په مقابل کى جنګيده چى د ٦٠ زره څخه زيات د کابل بيګناه ښاريان د نظار د شورا د اوباشانو او د کريم خليلى او محقق د هزاره لوچکانو په لاس چى د روسانو او د ايران د سپاه پاسدارانو لخوا ورسره نظامى او مالى مرستي کيدي ووژل شو. دا ښکاره خبره ده چى مسعود جنګيدلى دى خو د چا په اشاره او د چا په ضد. کله چى د پخوانى شوروى اتحاد سرو لښکرو په افغانستان بربنډ يرغل وکړ قوماندان مسعود چى په پاکستان کى وو د کىجىبى لخوا د پنجشير درى ته راوغوښتل شو او د پخوانى شوروى اتحاد د ځانګړو جنرالانو لخوا په غالب ګمان د نورلس سوه اتيايمى(١٩٨٠) لسيزى په نيمايى کى د پخوانى شوروى اتحادد فرونز ښار ته د ١٣ نورو پنجشيريانو او ستميانو سره يوځاى د ګوريلاى جنګونود تربيي لپاره وليږل شو چى د کىجى- بى د ځانګړى عسکرى تربيي وروسته بيا افغانستان ته راوليږل شول.
قوماندان مسعود په ١٩٨٣ کى د روسانو سره د پنجشير په دره کى د ٣٦ ميلونه ډالرو په مقابل کى يو خاينانه قرارداد لاسليک کړ، ددغه قرارداد له مخى د سالنګ تونل د شوروى اتحاد د ځمکنيو ځواکونو پر مخ خلاص پريښودل شو چى شوروى ځواکونه په اسانۍ وکولى شى خپل نظامى اکمالات د ځمکى له لارى د افغانستان ختيځو او لويديځو سيمو ته وغځوي. په دى قرارداد کى دا ذکر هم شوى وو هرکله چى په روسى قواو د دشمن يعنى مجاهدينو لخوا حمله کيږى د قوماندان مسعود ځواکونه به د شوروى ځواکونو سره په ګډه د هغوي په مقابل کى جنګيږى.
ما(ليکونکى) په پيښور کى د کډوالۍ (مهاجرت) تقريبآ اته کاله تير کړيدي، چى دا ټول وخت مى د سور صليب په نړيواله کميټه(آىسىآرسى) کى په کار کولو تير کړيدى. دا هغه وخت وو چى د افغانستان د مقاومت تنظيمونه د شوروى عسکرو او د افغانستان د کميونسټ رژيم سره په جګړه بوخت وو. په دي جنګونو کى د پيښور ميشت زياتو افغان تنظيمونود شوروى ډير زيات عسکر د جنګ په وخت کى اسير نيول. کله چى به د سره صليب کارکوونکي ددغوشوروي عسکرو په نيول کيدو خبر شول، د مربوطه قوماندانو او يا هم رهبرانو سره به يى د هغوي د ازادۍ لپاره اړيکي نيولي.د معلوماتو له مخى زياتره شوروى عسکر به د حکمتيار، مولوى خالص، سياف، مولوى نبى محمدى، پير سيد احمد ګيلانى،صبغت الله مجددى، مولوى حقانى او نورو قوماندانو لخوا په اسارت نيول کيده. ددغو اتو کلونو په موده کى نه ما د ربانى او نه هم د قوماندان مسعود لخوا د کوم روسى عسکر د اسارت کيدو خبر واوريد، ددى کار علت ډير ښکاره دى، د جمعيت اسلامى ګوند او ددغه تنظيم معتبر قوماندان يعنى مسعود په ځانګړى ډول د شوروى اتحاد د منافعو او ګټو لپاره کار کاوه، نه د افغانستان د ازادۍ لپاره، دا ځکه چى مسعود د شوروى اتحاد د کىجى بى جاسوسى شبکي سره ډير پټ او ښکاره قراردادونه لاسليک کړي وو. ددغو قرادادونو له مخى قوماندان مسعود مجبور وو چى د روسى عسکرو امنيت وساتى نه دا چى هغوي اسير کړي. ددى قراردادونو له مخى د روسانو او قوماندان مسعود تر منځ دوه جانبه همکارۍ موجوده وه. يعنى د قوماندان مسعود جنګى ډلى ته به د روسانو (کىجىبى) لخوا پيسي، خوراکى مواد او جنګى ساز و سامان ورکول کيده او په مقابل کى به قوماندان مسعود د سالنګ لويه لار د روسى عسکرو په مخ خلاصه او په امن ساتله او د مجاهدينو د حملى په صورت کى به د مسعود جنګياليو د روسي عسکرو سره په ګډه دغه حملي په شا تمبولي.
د قوماندان مسعود د وژل کيدو وروسته د نظارد ستمى شوراى ملى خاينى او جنايتکاره ډلى د مسعود په قدم بل قدم کيښود او د امريکايانو او انګليسانو سره يى يو بل ملى خاينانه قرارداد د ٧٠ ميلونه ډالرو په تر لاسه کولو لاس ليک او په افغانستان يى يو ځل بيا سياسى تجارت وکړ.
دا ځل په دى وطن پلورنه کى د قوماندان مسعود ستمى ډله يواځى نه وه بلکه په دى کرغيړن عمل کى کريم خليلى، محمد محقق، عبدالرشيد دوستم او نورو هم ګډون درلود خو د اويا(٧٠) ميلونو ډالرو په تر لاسه کولو کى د جمعيت اسلامى او ستمى نظار شورا برخه ډيره زياته وه.
له بله طرفه د هغه افغان شيعه جهادى تنظيمونو رهبران چى په ايران کى ميشت وو لکه کريم خليلى، محمد محقق، اکبرى، سيد جعفر نادرى (سيد کايان)، شيخ اصف محسنى، عبدالعلى مزارى،سيد جګړن او نور مستقيمآ د ايران د اخوندي رژيم تر تآثير لاندى وو. ددغه تنظيمونو قوماندانانو په خپله ټوله جهادى دوره کى هيڅکله هم کوم روسى عسکر د يرغمل په توګه نه وو نيولى، دا ځکه چى ايران د پخوانى شوروى اتحاد سره ګډ سياسى او اقتصادى روابط لرل، نو په دى اساس د ايران اخوندى رژيم په دغه ايران ميشته افغان تنظيمونوفشار راوړه چى د جګړى په وخت کى د شورويانو په مقابل کى د نرمښت نه کار واخلى او داسى کار ونکړى چى د ايران او شوروى په اړيکو منفى تآثير وکړى.
که چيرى نړيواله ټولنه (ملګري ملتونه) او د دموکراسۍ ټيکه داران (برتانيا اوا مريکا) په رښتيا غواړى چى په افغانستان کى سوله او ثبات رامنځته او د هغو کورنيو ارمانونه تر سره شى چى خپل عزيزان يى په ديرش کلن ناورين کى له لاسه ورکړيدي، بايد درى ډوله محکمي جوړي شي.
١. د ملى خاينانولپاره محکمه: هغه قوماندان او يا تنظيم چى د افغانستان د تجزيى او ملى ګټو په ضد د پيسو او يا مقام د لاسته راوړلو لپاره د بهرنيو هيوادونولپاره جاسوسى کړى وي اود افغانستان سري اسرار يى ددغو هيوادونو د جاسوسى شبکو سره شريک کړي وي، محاکمه کړل شي.

٢. د جنګى جنايتکارانو لپاره محکمه: هغه تنظيم، ډله او يا شخص چى په ټول وژنه ( جينوسايډ Genocide ) کى يى مستقيم او يا غير مستقيم لاس لرلى وى محاکمه کړل شي. په دى کتګورۍ کى نه يواځى افغان جنايتکاران راځى بلکه د هغه خارجى هيوادونو عسکري او ملکي وګړي هم بايد شامل کړل شى چى د بشرد حقوقو څخه يى سر غړونه کړى وي.
٣. په ادارى فساد کى د ککړاشخاصو لپاره محکمه: په دى کتګورۍ کى زياتره لوړ رتبه مامورين راځى چى د هغوي دوسيي د يو بيطرف کميسون لخوا څيړل کيږى اود جرم د ثبوت په صورت کى د نقدى جريمى تر څنګ په بند هم محکوميدلى شى.
د ملى خاينانو د دوسيو او سوابقود څيړلو لپاره بايد د افغانستان ملى او په وطن مين اشخاص چى د پوره تجربو لرونکي وي وټاکل شى، تر څو ددغو خاينانو په باره کى ددوي اړيکي چى د بهرنيو هيوادونو د جاسوسى شبکو سره يى د افغانستان د تجزيى په باره کى لاس لرلى وي د زره بين لاندى ونيسى. دا محکمه بايد علنى وى.
دافغانستان د جنګى جنايتکارانو د محاکمى لپاره بايد د جنګى جنايتونو نړيوالى محکمى ته چى مرکز يى په هاګ هالينډ کى دى هغه جنګسالاران چى په ټول وژنه او د بشر په ضد په جنګى جنايتونوتورن وي دغى نړيوالى محکمى ته ژر تر ژره ور وپيژندل شى.

په ادارى فساد کى د ککړو اشخاصودوسي بايد د ادارى فساد د شفافيت کميټى ته چى د ملګرو ملتونو په چوکاټ کى په کال ٢٠٠٠ کى د نړۍ د هيوادونو د حکومتى چارواکو د کارد شفافيت په منظور جوړه شويده وسپارل شي.
زما بله ليکنه به د افغانستان د ملى خاينانوپه باره کى وى. په دغه ليکنه کى به د هغو تنظيمونود مشرانو، قوماندانو او ډلو نومونه چى د افغانستان د تجزيى لپاره يى هلى ځلى کړي او يا يى کوي بربنډ شى. ژوندى دى وى افغانستان.

پاچا کليفورنيا امريکا

+ نوشته شده در Thu 3 Dec 2009ساعت 7:52 بعد از ظهر توسط صفت الله (ذاهدی) |

دهلو پرځاي اسلامعليكم وواياست

راځی چی په تیلفون کې د الو یا هلو پرځای السلام علیکم یا سلام ووایو
لویدیز فرهنګ خو دومره پراخ شوی چی پوره مخینوی یی په لنډ وخت کې ګران بریښې داځکه چې هغوی نه یواځې دتکنالوژۍ په برخه کې پرمختګ کړی بلکې پخوانی اواوسنی ښکیلاګرسیاستونه یی هم تر ډیره بریده دخپل فرهنګ دپلی کولو په موخه وو،بېلګه یی انګریزان دی چی سوونه کاله یی زموږ په شاوخوا سیمه لکه هند ، اوسنی پاکستان، بنګلادیش اونورو هیوادونو ښکیلا ک چلاوه اوهلته یی دخلکو په فرهنګ هم خپل ژور اغیز پریښی چی په دغو هیوادونو کې دانګزیزی ژبی رسمی کیدل یی یو مهم مثال دی. دغه راز ان دپښتونخواسیمی دخلکو په ژبه یی هم ژورې اغیزې پرییښی چی لااوس هم به خپله ژبه کې ډيرې انګریزی کلمی کاروی .
په هرصورت داډیر لوی بحث دی اوباید ډیرې خبری پری پوهان اولیکوالان وکړی ، خودلته زه غواړم چی څولنډو مشورو ته دلوستونکو پام راوړوم .
که چیرې نه شو کولای له یوې مخی ټولې ستونزی په لنډمهال کې حل کړو کولای شو چی څه وړی خبری خو چې په توان کې مو دی هغه پرځان عملی کړو چی یوڅه خو دپردیو دفرهنګ دلارواجیدو مخه مو نیولی وی .

یو ه ډیره ساده بیلګه یی همدا تیلفون دی چی اوس نږدی له هرچا سره وی او دزیاترو خلکو په ورځینو چاور کی مهم شامل توکی دی . ډیر شمیر هیواد وال لیدل شوی کله چی دتیلفون زنګ ورته راشی نو هلو یا الو وایی ، ولی نشو کولای دهغه پرځای ووایو چی السلام علیکم یا سلام یا اوری ووایو چی خپله ژبه مو ده ، اوبل دسلام یا السلام علیکم په کلمې سره به مو ثواب حاصل کړی وی اوکه مخاطب یا اوریدونکی مو مسلمان نه وی کولای شو هغوی دهغوی په ژبه خبری وکړی او سلام ورته ونه وایو. که څوک داپوښتنه کوی چی همدا تیلفون هم بهرنۍ کلمه ده نو دا امتیا زخو اوس هغوی ته ځکه ورکول شوی چی جوړ کړی یی دی که نه سمه خبر خوداوه چې ډیرې کلمې موږ باید په خپلو ژبو کې هم درلودلای ځکه لویدیزوالو اوس ډیر ی ختیزی اواسلامی کلمې له خپلو ژبو لری کړی چی اصلی مخترعین اوکاشفین یی هغوی نه دی خوزموږ فرهنګ کې هره ورځ لویدیزه اغیزه مخ په ډیریدو وی .

ګرانه لوستونکیه که ډیرڅه نه شو کولای نو راځه چی همدا دالو پرځای چی اصلا یوه فرانسوی کلمه ده او داورې په مانا ده خپله ژبه وکاروو ، دیادولو ده چی دتیلفون الو کمله چی زموږ ډیری هیوادوال یی هلو بولی یعنی اصلا فرانسوی ده اوکله چې فرانسوی ګرام هامبل تیلفون جوړ کړ نو خپل مخاطب ته یی په فرانسوی ووییل چی الو یعنی اوری زموږ خلک هلو وایی یعنی هغه دی انګریزی ( hello ) چې موږ یی سلام بولو. دغه رازنورې ډېرې ساده کلمی شته چې زموږ په ورځینی فرهنګ کې راګډی شوی اوموږ یی استعمالو خو راتلونکو ضررورنو ته مو پام نه دی شوی چی خدای مکړه یو وخت به خپله ژبه اوفرهنګ پوره پوره داغیارو تر واک لاندې راولو.
موږ دغه راز کولای شو د(سلو)slow کلمه چی په انګریز ی کې دورو یا کرار په مانا ده په خپله ژبه ووایو یعنی ورو شه ، کولای شو دبرک پرځای چی انګریزی او دماتولو په ناما ده اوپه موټر اودلیږد په وسایلو کی هم دچټکتیا دماتولو په مانا راځی ودرېږه ووایو، دډریور پرځای چلوونکی ووایو، ... اونور ډیر اصطلاحات شته چی موږ یی کولای شو خپله ژه کې ووایو .

محمد شفیق

+ نوشته شده در Thu 3 Dec 2009ساعت 7:49 بعد از ظهر توسط صفت الله (ذاهدی) |

روانه جګړه يواځي وسلوال طالبان نه كوي

دروان ۲۰۰۹ عیسوي کال دنومبر دمیاشتي ۱۷ نیټه وه چې دمعمول سره سم مي دپاکستان جنګ ورځپاڼه راپورته کړه . په لندن کي هسي هم دډیری نورو افغانانو په څیر زه هم خبرونه په انټرنیټ پاڼو کي لولم خودجنګ ورځپاڼې دمقالو لوستل مي له ډیره پخوا څخه عادت جوړ شوی دی .

دجنګ ورځپاڼي دمقالو په برخه کي دسرمقالې ترڅنګ لومړنۍ مقاله د(جرګه) په نوم دپاکستان دصحافت دیوه پیا وړي خبریال سلیم صافي وه چي له ډیروحقیقتونویې پرده پورته کړې وه.

سلیم صافی دپاکستاني ژورنالیزم دډګرهغه ځلانده ستوری دی چې درڼا ګټه یې یوازي پاکستاني ولس ته نه بلکه دسیمي ډېری اوسیدونکو ته رسېږي .

باید ووایم چې دسلیم صافي شخصیت او پوهه په یوه مقاله کي نه راغونډېږي خو که څوک غواړي چې دده دزړورتیا او وړتیا په اړه ځان خبرکړي نوبیا دي دچهارشنبې په ورځ دپاکستان دجیو ټلویزون د(جرګه) په نوم سیاسي پروګرام وګوري او یادي هم په جنګ ورځپاڼه کي د(جرګه) په نوم مقالې ولولي .

زه دسلیم صافي پرکار او شخصیت نور نه ږغېږم اواصلي موضوع ته راځم .
ښاغلي صافي خپله لیکنه په دې پیل کړې چې :
نه پوهېږم دنړۍ دغولولولپاره به موږ ترڅوپوري ځان غولوو، دوسله والو طالبانواو القاعده شبکې د زور او ځواک څخه په اصل کې پاکستاني مذهبي مشران او تقاوت(ریټائیرډ) شوي پوځي افسران خبردي . دغه پوځي افسران او مذهبي مشران په غونډوکې وایي چې په پاکستان کې بمي چاودنې اوځانمرګي بریدونه غبرګونونه دي او په هم هغه غونډه کي بیا وایي چې دا کار دهندوستان داستخباراتو(را) دامریکا داستخباراتو(سي آی اې) او داسرایلو داستخباراتي اجنسي (موساد) له لوري کېږي.خو له دوی څخه هیڅوک داپوښتنه نه کوي چې دا غوغا خو تاسو او ستاسي پخواني پوځي تقاوت شوي افسران کوي چې اوسنی حکومت دامریکا او هندوستان په اشارو چلېږي .

بیا دا(را) (سي آی اې) او (موساد) دداسي حکومت په خلاف ولي غبرګون ښیي چې ددوی په اشارو نڅا کوي؟
بیا تاسو غوندي په اصتلاح دامریکا او هندوستان دښمنان ولي نه په نښه کوي ؟

عجبه خولا داده چي دپیښور په ترټولو ګڼ مېشته سیمه (نمک منډۍ) کې اوس له ویري څوک نه تر سترګو کېږي او دغه په اصتلاح دامریکا دښمنان لاریونونه جلسې اوپراخي غونډي کوي خو څوک ورته څه نه وايي.

عجیبه خبره ده چې په (را) (سي آی اې) او (موساد) باندي څه چل شوی چې خپلو دغو په اصتلاح دښمنانو ته څه نه وايي خو کله دامریکا یوخواخوږی اسفندیار ولي په نښه کړي او کله یې بیا نظردامریکا ترټولو ډېرنېژدې دوست پرویزمشرف باندي وي.

ښاغلي سلیم صافي په خپله اوږده مقاله کي دا هم لیکلي دي چې په تېرو دېرشو کلونو کې موږ(پاکستان) دامریکا په غوښتنه له پخواني شوروي اتحاد سره پر افغان خاوره خپله جګړه وکړه او اوس هم یقینآ روسیه ،چین او ایران له امریکا سره په افغان خاوره او همداراز په پاکستان کې خپله جګړه کوي .

دی وايی چې په افغانستان کې هم دپخواني شوروي اتحاد په خلاف پخپله افغانان جنګېدل خواصل دا جنګ امریکا اوځینو نوروهیوادونو دروسیې په خلاف کاوه،او همدارازپه پاکستان کي هم دنورولپاره جګړه پخپله پاکستانیان کوي چې نوموړی یې دروسیې،چین او ایران جګړه بولي.

لیکوال زیاتوي چې بیت الله محسود،حکیم الله محسود،قاري حسین ، طارق افریدی ، عبدالولي ، مولانافضل الله ، مولا نا فقیر محمد او ډاکترعثمان یو هم له امریکا څخه نه دي راغلي او نه هم دیوه بچیان په هندوستان کي زدکړي کوي بلکه ټوله پاکستاني دي . البته دغو ټولو کسانودپاکستان په خلاف لیڅي رانغښتي دي .

سلیم صافي لیکلي چې داهم ممکنه ده چې په پاکستان کې دجګړې اورته دافغانستان دحکومت په ګډون هند،ایران ، امریکا او ډیری نور هیوادونه لمن وهي خو دده په خبره چې تنور پخپله پاکستانیانو ګرم ساتلی دی خو ډوډۍ ورکې هرڅوک پخوي .

زما لپاره داډېره هیرانوونکې ده چې یو پاکستانی مشهوره خبریال دپاکستان په ترټولو مشهوره او نامتو ورځپاڼه (جنګ) کې داسي لیکي.

لیکوال هغه څه لیکلي چې له تېرو دېرشو(۳۰) کلونو راپه دې خوا دپښتونخوا ملي عوامي ګوند مشر محمودخان اڅګزي ویل . دپښتونخوا ملي عوامي پارټۍ پالیسي هم داوه چې په هره غونډه کي به یې دانارې وهلې چې دخدای په خاطر په افغانستان کې دجګړې اورته لمن مه وهئ ، کنه دا اور به ستاسو کورته هم راځي او تاسو به هم په هم دغه اورکې سوځئ . هم هغسي وشول او نن دپاکستان په هر ښار کې وېره خپره او دافغانانو په څېرپاکستاني وګړي هم په آزاده پښه نه شي ګرزېدلای .

که څه هغه وخت جنګ ورځپاڼي دپښتونخواګوند دغونډوداډول راپورونه هم په اساني نه خپرول خو اوس دوی پخپله هم هغه ډول خبري کوي چې پښتونخوا ګوند کلونه وړاندي کولې .

که څه هم سپیني خبري لیوني یا زورور کوي او یا هم زړه ور.

سلیم صافی یو ډیر زړه ور خبریال دی ، ښایي زه دده په ډول په زړورتیا سره ونه لیکلای شم خو دا ویلای شم چې په پښتني سیمو کې روانه جګړه په ټولیز ډول یوازي وسله وال طالبان نه کوي . دپښتني سیمو په روانه جګړه کې امریکا دمشر تابه رول لوبه وي خو ګاونډي هم پکښي ښکېل دي . البته په پښتني سیمو کې درواني جګړې اورته تر ټولو ډېره لمن دشمال ټلوالې هغه ځواکمن کسان وهي چې په افغان حکومت کې پر لویو چوکیو ناست دي . دورته پېښو ډېر مثالونه هم لور چې پرخپل وخت به یې خپاره کړو.

موږ یوځل بیا دوی ته دا یادونه کوو چې که پرپښتني سیمو هم دا دول جګړه تپل شوې وي نو دګاونډیانو سره سره دنړۍ ډېری نور هیوادونه هیڅ کله سوله ئیز ژوند نه شي کولای . همداراز دشمال ټلوالې زورواکانو ته په کاردي چې په پښتني سیمو کې دجګړې اورته لمن ونه وهي ځکه که پښتني سیمي نا ارامه وي نو شمالي ولایتونه هم په سوله کې نه شي پاتې کېدلای او دا اور هسي هم اوس ددوی تر جونګړو رسېدلی دی او که يې نور هم دې اورته ورپؤکړل خدای مکړه ددوی کلي کورونه په هم دهلمند،کندهار،اروزګان،خوست،پکتیا،زابل،میدان وردګو،غزني،فراه،پکتیکا،کنړ،نورستان،وزیرستان،مومندو،ښکلي سوات او پیښور په ډول دجګړې په اوروسوخل شي .

میرویس افغان

+ نوشته شده در Thu 3 Dec 2009ساعت 7:45 بعد از ظهر توسط صفت الله (ذاهدی) |

دتاندسايټ دغلطواودرواغوحقايقومركز

داچې نن ورځ انټرنيټ هغه نړى ده چې په پراخه كچه هغه چاته چې انټرنيټ ته لاس رسى لري معلومات وړاندكوي اوهم كولاى شي له دې لارې يوې اوبلې خواته معلومات اونوراسنادواستوي اودرسنيوپه برخه كې هم ډيرپياوړې برخه گڼل كيږي اودمطبوعاتولارويان پكې ورځني معلومات پيښې خبرونه اونورخپروني چې په دې كې تاندسايټ هم پوره ونډه لري .

په ډيرافسوس سره بايدووايم چې دتاندسايټ مې راخلاص كړترڅونوي خبرونه اونوي معلومات وگورم چې پكې مې دهلمنددوالي اودهلمنددخبريالانوپه اړه يوه ليكنه ولوسته خداى شته ډيرخفه شوم ،هغه خبريالان چې په ډيروسختوشرايطوكې په هلمندكې كاركوي له هلمندڅخه دبيلابيلوپيښوپرمختگ په شاتگ اونورخبرونه خپروي اوشپه ورځ يې پرځان يوه كړې ده نوبياتاندراپورته شي اوليكي چې دهلمندوالي خبريالانوته پيسې وركوي اودوى هم غوړخبرونه خپروي،لومړى به راشودې چې دهلمنددبيارغونې بهيرپه تيرونوروكلونوكې دومره پرمختگ نه دى كړى لكه محمدگلاب منگل په وخت كې دانه يوازې زه وايم بلكې دهلمندټول اوسيدونكي يې شاهدان دي،دومره لويې پروژې چې ددې والي پرمهال پلې شوې نورنه دي توانيدلي چې داكارونه ترسره كړي،خواوس اصلي خبره داده چې تاندسايټ په واروارپه هلمندكې له خبريالانوڅخه غوښتنه كړې چې له دوى سره دخبرونواوراپورونوپه وركولوكې مرسته وكړي خودهلمندخبريالان په دې پوهيږي چې داسې يوسايټ چې پخپله نه ابرولري ،نه عزت لري اونه هم داچاعزت پكې خوندي دى نوځكه هريوه دوى ته دخبرونواونورمعلوماتوله وركولوڅخه ډه ډه كړې ده چې په بدل كې يې تاندداسې غلط اوپه حقيقت نه ولاړمعلومات ورپورته كوي ،

زموږجدي غوښتنه دتاندسايټ له چلونكوڅخه داده چې له داسې معلوماتوله خپرولوڅخه په كلكه ډه ډه وكړي دابيخي دغولوخوراك دى چې دتاندسايټ يې كوي چې په خبريالانوپسې مطلق درواغ خپروي.

په درنښت خپلواك ،ځواكمن هلمند

+ نوشته شده در Sat 4 Jul 2009ساعت 4:14 بعد از ظهر توسط صفت الله (ذاهدی) |

کرزي صاحب زه هزاره شوم

کرزى صاحب مبارک، زه هزاره شوم !

ښاغلى کرزى صاحب سلامونه !

زېرى مې درباندې دادى زه پښتون وم خو اوس هزاره شوم ، حيرانېږه مه ، له شيخ محسني، محقق، خليلي او انوري صاحب څخه مې وړاندې ځکه پر تازېرى وکړ چې پوهېږم ته له دوى څخه هم ډېر په دې قوم زهيرېږي او ښايي دې قوم به دنړۍ په تاريخ کې ستا په څېر تر مورمهربانه دايي نه وي ليدلې .

دجنس دبدلون ، دتابعيت دبدلون ،دنه نوم دبدلون به دې اورېدلي وي خو دادى له ماڅخه دقوم او هويت دبدلون خبر هم واوره . که څه هم دادزهرو غړپ دى خو له مجبوريته ورته غاړه ږدم .

ګوره زه پدې خاطر نه يم هزاره شوى چې ګوندې داقوم کوم مذهبي فضيلت لري زه ديو مسلمان په توګه پدې باور يم چې هېڅ کوم قوم په بل قوم غوره والى نلري په اسلام کې دغوره والي معيار تقوا ده، زه متعصبه هم نه يم . ځکه تعصب او وچ په وچه ځان يا خپل قوم په نورو لوړ ګڼل ناپوهي ده . رسول الله فرمايي چې متعصبه خلک زما له ډلې څخه نه دي.

څرنګه چې پښتون پر هزاره لوړ نه بولم همداراز هزاره هم پر پښتون لوړ نه ګڼم زه پوهېږم چې عقبى دمتقيانو ښه وي هغه که هزاره وي او که پښتون. داخرت خبرې به په اخرت کې کوو او نه زه ددې لپاره هزاره کېږم چې اخرت مې ښه شي خو داچې اوس خپل قوم او خپله ژبه پرېږدم او هزاره کېږم لامل يې دادى چې په دې کې مې مادي او دنيوي ګټه ده (( په دنيا ښه راسره وکړه __ په اخرت کې دهرچابېل دي کورونه)) .

زه افغان يم ،اړ يم چې په افغانستان کې واوسم دلته په ټولنه کې ژوند وکړم ، پرمختګ وکړم ، ارام اوهوسا ژوند ولرم . له بچيانو او دوستانو سره مې راتلونکې تضمين وي خو پدې باوري يم چې ترڅو پښتو وايم اوځان پښتون بولم نو ستا په نظام او ستا په شتون کې دې موخو ته رسېدلى نشم . ستا په شتون کې دې موخې ته درسېدلو يواځينۍ لار له پښتون سره داړيکو پرېکون او بل قوم او په ځانګړې توګه هزاره توب ته اوښتون دى. ګوره زه بې دليله ( ويداوت دې ريزن ) نه غږېږم زه ثبوت نه ، بلکې ثبوتونه لرم مثلاً اوس چې زه پښتون يم نو له هرې خوا وژل کېږم ، تړل کېږم توهين مې کېږي ، بهرني ځواکونه

مې دالقاعده ترورست او ددولت او نظام دمخالف په نوم وژني او دانور مې بيا دجاسوس او ددولت دمرستندوى په نوم .

ښوونځي زما سوځول کېږي ، له بيا رغونې او پرمختګ څخه بې برخې زه يم ، اولاد مې نالوستي او لنډه غر لويېږي ، دامنيت دنشتوالي په پلمه مې څوک سيمه کې يوه خښته هم نه ږدي ، لا هم راته اور کرل کېږي ، خپل ورونه يې پخپلو کې اچولي يو او دوى مو ننداره کوي ،دژينوسايډ پاليسي زما پر ضد عملي کېږي ، په ودونو مې بمبارد کېږي ، هره ورځ مې لسګونه ښځينه ،کوچنيان سپين ږيري او بې ګناه ځوانان وژل کېږي، څوک يې په کيسه کې هم نه وي او که ستا دترحم او عاطفې سمندر ډېر توپاني شي نو بيا مې دمړي بيه يولک او دټپي بيه ٥٠ زره افغانۍ راته ټاکې او دامېلمانه کاکاګان خو ځان هم راباندې نه پوهوي چې دا مو انسانان مړه کړل او که فارمي چرګان .

سره له دې چې دهېواد ٦٥ په سلوکې نفوس زما په قوم پورې اړوند دى خو په پلازمينه کې مې څوک په خپلې ژبې ليکلو او غږېدلو ته هم نه پرېږدي .

خو که له خيره هزاره شم نوبيا به مې مزې وې ، له پورتنيو ټولو ستونزو څخه خو به له يوې مخې خلاص شم . له دې پرته به له ډېرو نورو امتيازاتو او خوندونو څخه هم بر خمن شم . بيا هم مثلاً : دنفوسو سلنه به مې لس هم نه وي خو له ٦٥ به ډېر امتياز ترلاسه کوم ، ولسوالۍ ګانې به مې راته ولايتونه شي ، بوديجه او په پارلمان کې دغړيو ونډه به مې تر نورو ډېره وي ، له قانون به فوق او مستثنى يم، تاته ، دافغانستان ملي مشرانولکه احمدشاه بابا، ميرويس نيکه ،اميرعبدالرحمن خان امير امان الله خان ، سردار نادر خان او نورو ته به ښکنځل کوم ، دا فغانستان تاريخ به تورداغ او شرموونکى بولم ، داملي اتلان به ظالمان ، مستبدين او پښتون به وحشي قوم بولم خوڅوک به رانه پوښتنه هم نشي کولى ، هم به دې پرضد جبهې جوړوم هم به راته امتياز راکوې، هم به ستا دامنيتي چارواکيو دګواښونو او خبرداريوپروا نه کوم او په سرتمبګۍ به ستا پرضد خلک تحريکوم ، لاريونونه به کوم،( مرګ به کرزى،ماکرزى را نه محقق را ميخواهم) شعارونه به ورکوم او هم به راته دمحقق په څېر په اتيازروډالرو دزره ضد موټر اخلې،

چې پښتون او کوچى واوسم نو مجبور يم چې ستا په يوه اشاره په څو ساعتونو کې خپلې پلرنۍ ځمکې پرېږدم ،کډې ترې په شا او په سره اوړي کې ژمنيو سيمو ته لاړ شم خو چې هزاره واوسم نوبيابه مې خبره هم سپره وي ،په ناحقه به دجايدادونو خاوند هم يم او ستاددولت دممانعت برسېره به نرغوندې ستا پرضدلاريون هم کوم .

هم به دې مرستيال يم هم به دې له اپوزيسيون سره کار کوم ،هم به په ښکاره دهزارستان نقشې او دافغانستان دوېش پلانونه جوړوم دباميانو کوڅې او واټونه به دايرانيو ايت الله ګانو په نومونو نوموم ، ستاپرځاى به په اداراتو کې ددوى عکسونه ځړوم ، ستا داساسي قانون پرضد به ايراني اصطلاحات کاروم ،ايرانى کولتور به رايجوم اوهم به ستا ترزنې لاندې ناست يم او زما له مشورې اوخوښې پرته به هېڅ کار هم نشې کولى .

هم به يوه رايه نه درکوم هم به دې مرستيال ټاکل کېږم، په ناقانونه توګه به په پلازمېنه کې خپل ورورته دخلکوشخصي قباله يي ٢٠٠٠ جريبه ځمکه ورکوم چې ځانته يې وپلوري او ځانته پکې ښارګوټى جوړکړي ، څو وزارتونه او لايتونه به راکول کېږي،دملي يووالي پرضد به کارونه هم کوم او ستايل کېږم به هم ، دخلکو په سرونو به ٦ انچه ميخونه هم ټک وهم ، رقص مرده به هم کوم ( مړي به ګډوم ) دنورو قومونو له اتباعو به تيونه هم غوڅوم خو بيا به مې هم تربوداستره مجسمه دنمانځنې او درناوي لپاره په کابل کې ودرول کېږي .

په پلازمينه کې به داحمدشاه بابا ، سيدنورمحمدشاه ، شاشهيد په څېر پښتون مېشتو سيمو کې يو کيلومتر سړک هم نه وي پوخ شوى. برېښنا، روغتونونه او نور خوپرېږده خوزما په سيمو دشت برچي ، کلاى شاده ، پول سوخته ،دريمه کارتې او کارته سخي( جمال مېنه) کې به ٤٠ متره سړکونه ، روغتونه ، برېښنااونور هرڅه جوړشوي وي.

زه به په هرات ، مزار، کابل ، بغلان ان لښکرګاه کې په دولتي او دخلکو په شخصي ځمکو خپل قام ته ښارګوټي جوړوم او لګښت به يې هم له تا ، هم له ايران او هم له اغاخان څخه اخلم . خوکه پښتنو ته خپلې ثابتې پلرنۍ شخصي او قبالوي ځمکې ورکول شوې نو بيا به لاريون هم کوم ، چيغې به وهم، هغوى به هم وژنم او تاته به هم فاشست وايم .

کرزى صاحب ! له دې بل ښه او ستر امتياز څه شى دى چې زموږ هزاره ګانو دخوښۍ لپاره دې دکوچيانو په سل کلنو او يونيم سل کلنو قبالو ستر ګې پټې،له خپلو جايدادونودې بې برخې او دسترګو په رپ کې دې له بهسودو ووېستل.

دازموږ لپاره څومره دخوښۍ وړ خبر ده چې کوچيان مو له بهسودو، داى ميرداد، اجرستان او ناور څخه ستاد وسلې او رينجر په زور ووېستل ،

موږ که هرڅومره دکوچيانو په اړه سپکه ژبه کاروواو قام ته يې دکوچيګرۍ نوم ورکوو خو هېڅوک راته خوله هم نشي چوله کولى خو که هغوى موږ ته هزاره ګري وايي نو بيا ستا لخوا دملي يووالي ضد حرکتونوباندې تورنېږي .

ښاغليه ! ګوره هسې وړيا او بې مطلبه نه هزاره کېږم ، ګټې مې پکې دي ، پوهېږم چې ستا په شتون کې مې اخر هم دملي هويت او ژبې پر جغرافيه نقشه راځي او له هرڅه خلاصېږم .

ګوره په ايران کې به له ٤٠ ميليونو ډېر سنيان وي خو نه يې چا مذهب رسمي کړ او نه کلتور،خو دلته ان تا په يو لاس کې دوه هندواڼې ونيولې او هغه سياسي بدعت دې وکړ چې سارى يې په نړۍ کې نه ليدل کېږي ، واه واه يو هېواد دوه قانونه ، يوه محکمه دوه مذهبه ( حنفيت او جعفريت )

هم به ايران خورم هم به امريکالوشم، که لورابوش هم افغانستان ته راشي نو ستا پاملرنه ماته وي باميانو ته يې رالېږي او که دنړيوال بانک رئيس هم .

ايران هم راته سلګونه ، ښوونځي مدرسې، کلتوري مرکزونه ، روغتونونه پلونه سړکونه اودقم په څېر لوى لوى پوهنتونونه جوړ کړل ته په دريمه کارته کې دخاتم النبيين په نوم دخوشحال بابا دلېسې پر ملکيت دايران دلسګونو ميليونو ډالرو په لګښت جوړې شوې څو پوړېزې ودانۍ وګوره چې عقل دې له سر څخه والوځي.

رښتيا دپښتنو داشتمني خو هم ستا دلطف له برکته زموږ شوه همداراز د اغاخان او ايران په مرسته به دڅو تلويزيوني چينلونو، راديوګانواو ورځپاڼوخاوندهم يم ، او٢٤ ساعته برېښنابه هم لرم

ښاغليه ! داچې زه اوس قوم او نژاد بدلوم نوغواړم چې دامراسم ستا په مبارک لاس ترسره شي ځکه وړاندې مو وويل چې ته ترمحسني او خليلي هم په دې قوم ډېر مهربانه يې ،خو باور مې نشي چې ته به دامنيتي ستونزوله کبله دې مراسموته کومې تکيه خانې ته راشې ، ښه داده چې زه تاته ارګ ته درشم خو اورېدلي مي دي چې هلته ډېره سخته تالاشي ده او ان په سپيو هم خلک لټول کېږي نو مهرباني وکړه زما دنوي قوم په احترام خو دې کم ترکمه زما ددرتللو په وخت کې دا د ارګ ددروازې سپيان وتړه .

محمدحسن حقيار

+ نوشته شده در Sun 17 May 2009ساعت 6:17 بعد از ظهر توسط صفت الله (ذاهدی) |

د شهید محمد انور خان به اره معلومات

۷۸۶

عــــــــــــــــــــــــــــــــــ

دارواښادشهيدمحمدانورخان لنډه پيژندنه اوبيوگرافي

ليکوال : استاد محمد اسماعيل مهربان د هلمند د عالي دارالمعلمين ريس

ارواښادشهيدمحمدانورخان دحاجي محمدهاشم خان زوي اودمرحوم حاجي مرجان لمسي په كال (۱۳۳۵) هـ ل كي دهلمند ولايت دناوي ولسوالي دهزاراسپ په كلي كي زيږيدلي دي . لومړني زده كړي يي دهزاراسپ په لومړني ښوونځي كي ترشپږم ټولگي پوري ترسره كړي اوترهغه وروسته يي منځني اوثانوي زده كړي يي دناوي ولسوالي دخلج په ليسه كي بشپړي اوپه كال (۱۳۵۵)هـ ل كي دهمدي ليسي څخه فارغ شو. په همدي كال په نوموړي ليسه كي دښوونكي په دنده وگمارل شو.

اوپه كال (۱۳۵۶)هـ ل كي دكانكوردازمويني په نتيجه كي دهلمنددښوونكودروزني په عالي دارلمعلمين كي دساينس په ځانگه كي شامل شو. اوپه كال (۱۳۵۷) هـ ل كي دسنبلي په مياشت كي دلوړو زده كړو لپاره ددولتي تحصيلي بورس څخه په گټه اخيستووپخواني شوروي اتحادته وليږل شوچي داماده گي يوكلنه پوهنځي يي دروسيي دفيدرالي جمهوريت دورونيژ ښارپه دولتي پوهنتون كي بشپړه اوپه كال (۱۳۵۸) هـ ل كي دهمدي جمهوريت د((كالوگه)) ښاردښووني اوروزني پوهنتون دفزيك اورياضي په پوهنځي كي داخل اوپه كال (۱۳۶۳)هـ ل كي دهمدي پوهنځي څخه دماسټري په درجه ديپلوم ترلاسه اوفارغ شوچي دشپږكلني تحصيلي دوري وروسته خپل پلرني هيوادافغانستان ته راستون اوپه كال (۱۳۶۳)هـ ل دسنبلي دمياشتي په (۱۸)نيټه دهلمندولايت په عالي دارالمعلمين كي دفزيك اورياضي داستادپه توگه مقررشو.

دهغه لياقت اواستعدادله مخي چي خداي (ج) ورپه برخه كړي وو په كال (۱۳۶۴)هـ ل كي دهمدي علمي مؤسيسي دعمومي مديرپه توگه مقررشو،چي بياوروسته دعسكري خدمت دمكلفيت دوري دتيرولوپخاطرسرتيري (سرباز)شواوددغه دوري ترپاي ته رسيدووروسته ددوهم ځل لپاره دهلمنددعالي دارالمعلمين دعمومي مديراواستادپه توگه وگمارل شو،اوپه كال (۱۳۷۲)هـ ل دثوردمياشتي ترپايه پوري يي دوطن دنوي نسل دښووني اوروزني په برخه كي خپله ځوانه انرژي خرڅه اومصرف كړه.

په كال (۱۳۷۲) هـ ل دجوزاپه مياشت كي دجگړواوبي ثباتي له امله يي دپوهني لمن دمجبوري له مخي پريښوده اوخپل پلرني كلي ته ولاړ اودبزگري په سپيڅلي دنده لگياه شو.

اوپه كال (۱۳۷۴)هـ ل كي دكاركولواوغريبي لپاره وگاونډي هيوادايران ته ولاړاوهلته يي دڅلورومياشتولپاره په كاراو غريبي پيل وكړاورورسته له څلورومياشتونه ددوهم ځل لپاره خپل هيواداوپلرني كلي هزاراسپ ته راستون شواودبزگري اوځمكي په كاربوخت شوچي ترڅه كم يوكال وخت تيرولو وروسته دپاكستان هيواددگردي جنگل سيمي ته دكاركولواو غريبي لپاره ولاړاوهلته ديوسوداگرسره يي دمنشي په توگه كارپيل كړ.

وروسته له يوه كال مودي نه بيرته خپل پلرني كلي ته راستون شواوبيادهلمندولايت مركزلشكرگاه ښارته راوكوچيده اودسوداگري په چاروبوخت شو. دطالبانودرژيم له سقوط وروسته په كال (۱۳۸۰)هـ ل ددلوي (سلواغي )په مياشت كي يوځل بيادهلمنددعالي دارالمعلمين دعمومي مدير په توگه مقررشواود (۱۳۸۵)هـ ل كال تراخيره پوري يي نوموړي دنده ترسره كړه اودوطن اونوي نسل لپاره يي دمسلكي ښوونكوپه روزنه كي پراخه ونډه ترسره كړه .

اود(۱۳۸۶)هـ ل كال له شروع څخه دآزادرقابت دازمويني دتيرولوپه نتيجه كي دكندهارولايت دپوهني درئيس په توگه وټاكل سواودشهادت تروخته پرهمدي دنده پاته شو،اوبالاخره ارواح ښادشهيدد(۱۳۸۸)هـ ل كال دوري ياحمل دمياشتي په (۱۲)نيټه دچهارشنبي دورځي په (۱۱:۳۰)يولس نيموبجودكندهارښارولايتي شوراپه مقركي دځانمرگودبريدپه نتيجه كي په ناځوانمردانه توگه دشهادت جام نوش كړ.

قالواناالله وانااليه راجعون روح دي تل ښادوي .

ارواح ښادشهيدمحمدانوريوځلي واده كړي چي دواده ثمره يي څلوربچيان دي چي دهغه جملي څخه يي دوه زامن اودوي لوڼي دي . مشرزوي يي خليل احمدنوميږي په يولسم ټولگي زده كړي كوي اوكشرزوي يي جليل احمدنوميږي په دريم ټولگي كي زده كړي كوي .اومشره لوريي واده شوي اوكشره لوريي كوزده شوي نده .

دارواح ښادپلارژوندي دي موريي وفات سوي ده ،اودوي ټول يوولس وروڼه وه چي ارواح ښاديي ترټولومشروو،اودده يوبل ورورهم په جنگي حالاتوكي شهيدسوي وو.

ارواح ښادشهيدمحمدانورخان دنيكواوعالي اخلاقوخاوند،پاك نفسه ،مدبر،پروطن مين اوصادق شخصيت وو.

تل يي دخپلوهمكارانواوهم مسلكانوسره په ورځنيو چاروكي مشوره اومرسته كوله ،دخلكوخبروته يي پوره غوږنيوه اونيك برخورديي كاوه .

دوطن نوي نسل اوزده كوونكي ورباندي گران اوتل به يي ورباندي شفقت كاوه اوهغوي به يي داسلام پالني ،وطن دوستي اوانسان دوستي په روحيه روزل . خپل وطن اوخلك ورباندي زيات گران اوورته وفاداروو.

خپل ټول عمريي دوطن داولاددسالمي ښووني اوروزني په سپيڅلي چاره كي ولگاوه . دوطن سمسورتيا،دخلكوابادي اوازادي په هيوادكي دعصري اومتوازن معارف پرمختيادده هيله وه ،خوداهيله يي په ژوندكي پوره نشوه اوشهيدشو.

دخداي ج له لوي درباره ورته عظيم اجراوفردوس جنت غواړو. اودشهيدبچيانواودكورني غړواودوستانوته يي دخداي (ج ) له درباره دجميل صبرهيله كوواورته يي عوض غواړو.

دارواح ښادشهيدمحمدانورخان دشهادت غميزي نه يواځي دهغه كورني اودوستان غمجن اوخفه كړل بلكي ټول هلمنديان اوحتي دهيوادټول معارف اوخلك يي سخت خواشيني كړل اودهغه تشه به ژراوپه اسانه بشپړه نشي .

وتمـــــــــــــــــــــــــــــــــــــــــــــــــــــــــــــــــــــــــت باالخــــــــــــــــــــــــــــــــــــــــــــــــــــــــــــــــير.

+ نوشته شده در Fri 10 Apr 2009ساعت 11:58 قبل از ظهر توسط صفت الله (ذاهدی) |

"فایننشل تایمز" دورځپاڼې چلونکي،او افغان ملګروته یې ګواښ لیک

"فایننشل تایمز" دورځپاڼې چلونکي،او افغان ملګروته یې ګواښ لیک

لیکنه: عبدالغفار (( بوبل)) کابل

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

د "فایننشل تایمز"په نامه انګریزي ژبې ورځپاڼې څو موده وړاندې داسې یو مضمون خپور کړ چې دژورنالیزم په بې پلوه کورنۍ پورې ،لېکوالان ،خبریالان او نور قلم والوته یې بې ځوابه پوښتنې راولاړې کړې.

دغه ورځپاڼه چې له هېواد نه بهر په انګریزي ژبه خپریږي،دکابل دامنیې قوماندانۍ دجنايي څېړنو پرمشر،"علیشا پکتیاوال" پسې هغه تورونه او بې بنسټه لیکنې خپرې کړې چې منل یې هر افغان ته ګران وو.

دغه ورځپاڼه پرته له دې چې دژورنالیزم اصولوته نظر وکړي،دافغانستان اوسني روان کړکیچ ته پام وکړي،د "علیشا پکتیاوال "دژوند لیک،او په کاري برخه کې دهغه داجراتو په اړه داسې یوه لیکنه خپره کړه چې دعاقل او فاضل انسان دمنلو وړ نه وو.

”فایننشل تایمز"ورځپانه چې دانګریزانو له خوا خپریږي، غواړي افغان ولس په وینو رنګ او ورکونومونو باندې په خپل مینځ کې بیا واچوي،دغه ورځپاڼه سره له دې چې هېڅ را سند او دلاس نښه چې د"علیشا پکتیاوال" جرم په ګوته کړي نه لري،سره له دې چې کره اسناد او مدارک چې حقیقي بڼه ولري،او په ترڅ کې یې دښاغلي "پکتیاوال جرم په ګوته شي په واک کې نه لري،او دیوه هوايي ،او خیالي وړاندوینې په ترڅ کې یوه ناسمه لیکنه خپره کړې ده.

اصله خبره خوداده چې د دې ورځپانې کوم خبریال د"علیشاپکتیاوال" د کړنو، اوژوند لیک په هکله تحقیقي رپوټ دحقایقو ،او دسترګو د لیدلی حال پر بنسټ که برابر کړی وي خو بیا سمه ده،مګر حال داچې نه د"فایننشل تایمز" دورځپاڼې خبریا په دې تحقیقي رپوټ کار کړی ،اونه کومې خاصې خبري سرچینې ، چې تش اوتې بوتې او غیر مسلکي لارې ته ګام پورته شوي، او دا هغه ناوړه عمل دۍ چې دیوه افغان دبې عزته کولو لپاره ترسره شوی دی.

نو څنګه جوته کړو چې" فایننشل تایمز" ورځپاڼه ریښتیا وايي،او کوم تورونه یې چې په علیشا پکتیاوال لګولي دي هغه ټول حقیقت لري،داهغه پوښتنه ده چې د دې ورځپاڼې د چلونکو جاغه شکولای شي.

د" فایننشل تایمز" رپوټ ته که لږ ځیر شو دایو مطبوعاتي حرکت نه دۍ،اونه دژورنلیزم له نړیوالو اصلوسره مطابقت لري،دغه مطلب د شخصي کینو،او د ډالروپه مټ خپور شوی دۍ،ورځپاڼه مکلفه ده کوم تورنه چې، د دوی له خوا پر پکتیاوال لګول شوي دي،په اړه یې دافغانستان بې پرې او آزادو مطبوعاتو ته دې اسناد او مدارک ورکړي .

نن سبا دافغانستان یوشمېر رسنۍ هم له حقایقو څخه سترګې پټې کړي دي، او کومې خپرونې چې له بهره دافغانستان په اړه خپرېږي پرته له دې چې دوی ورباندې خپلې څېړنې ترسره کړي چې آیا دغه رپوټ چې بهرنۍ اړخ لري ریښتیاده او که درواغ، چې له پلټنې وړاندې دهغه په خپرولو او لمن وهلو باندې لاس پورې کوي.

داهفه لویه ستونزه،او نیمګړتیا ده چې دافغانستان په یوشمېر مطبوعاتو کې شتون لري،یوشمېر افغاني مطبوعات چې په ګوندونو، او ټوپک سالارو پورې اړه لري هغوی تل هڅه کوی چې ډیرو وړو مسایلو ته په ډېره لوړه کچه لمن و وهي،بیلګه یې همدغه د"فایننشل تایمز" ناقص رپوټ کاپي کول او هغه ته پرداز ورکول ښودلی شو.

"علیشا پکتیاوال" لومړی پوښتون منصب دار دۍ چې څوکاله پرله پسې په یو اداره او یوپوست کې خدمت کوي، ځینې کارپوهان او دچارو غښتلي مشران په دې باور دي چې،پرعلیشا پکتیاوال باندې دغه تور اودې ته ورته نور تورونه دسیاسي کړیو له خوا لګول کیږي،او دا هغه تورونه دي چې دیوشمېراجیرانو او دپردیو دغلامانو له خوا دژبنیو، قومي اوسمتي اړیکو په چواکاټ کې دخپلو شخصي ګټو دتر لاسه کولو په موخه لګول کیږي.

د" فایننشل تایمز" ورځپانه لومړی په خپل چاپي مطلب کې داسې یو لوی درواغ چې،علیشاپکتیاوال په دوبۍ کې فابریکې او نورې شخصي ځمکې لري چاپ کړی چې هر انسان ځان ته را کاږي، داځکه چې پکتیاوال خودافغانستان ټوله سرمایه نه ساتله چې له هغې نه ځانته له هېواد بهر مانۍ او یا سوداګریزې خونې جوړې کړي.

دې ته ورته ټوله لیکنه درواغ او له حقیقته لرې بڼه لري،او د" فایننشل تایمز" ورځپاڼې ته دغه اوتې بوتې د کومې ډلې له خوا ور لېږل شوي دي،بله موضوع چې په کې لیکل شوی وو هغه داچې دپکتیاوال له دفتر نه څو پاڼې اسناد ترلاسه شوي چې د علیشا پکټیاوال دباندنیو جایدادنو یادونې په کې شوي دي کوم منطق به دا ډول تور ومني.

دلته نه یوازې دا چې د" فایننشل تایمز" ورځپاڼه تر نیوکو لاندې ده بلکه دهېواد هغه ورځپانې،او خبري سایټونه هم تر پوښتنو لاندې دي چې دغه مطلب یې پرته له دې چې تر دقیقې څېړنې لاندې ونیسي او بیا یې خپور کړي، چې پورتنیو یاد شو څانګو په خواشینۍ سر په پټو سترګو ،او بندو غوږونو لاس په کار شول،او په لوړه کچه باندې یې دې موضوع ته لمنې وغځولې.

اصلي خبره خو داده چې د" فایننشل تایمز" ورځپاڼه دې با ید دخپلې لیکنې دمنلو لپاره مونږ ته اسناد راکړي ،او که چېرته اسناد او شواهد نه لري نو لازمه ده چې د موجوده نړېوالو مطبوعاتي، اوحقوقي قوانینو په رڼاکې د"علیشاپکتیاوال" حقوق دې اعاده کړي.

ښکاره خبره ده چې په دې هېواد کې نیک نامه ژوندی،اوبدنامه مړی وجود نه لري، هرڅوک چې ښه کار وکړي هغه ته له دوست نه بد بین زیات پیدا کیږي،دعلیشا پکتیاوال په څېر ډېر داسې کسان نوردي چې دخپلو صادقانه کړنو قربانيان شوي دي.

بد بیني ،کینه او یو بل نه غوښتل له هغو مواردونه دي چې، افغانستان یې په اور کې سوځي،له هرڅه نه زیات پښتانه په دې لمبو کې لاهو دي،د دې منفي کړنو عاملین په نامه تش افغان او په اصل کې لوی غدار او وطن پلورنکي دي.

څونور ټکي دي چې د" فایننشل تایمز" له خوا خپور شوی رپوټ درواغ ښودلی شي، هغه داچې "علیشاپکتیاوال" ترواسه پورې دوبۍ ته بیخي تللي نه دۍ ، د" فایننشل تایمز" درپوټ پربنسټ یوڅوک چې دپکتیاوال په څېر دومره سرمایه، او فابریکې ولري او دهغه له کارونو څخه هم ځان خبر نه کړي ،نو داڅرنګه تجارت دۍ ، او دغه دلیل به څنګه ومنل شي.

په اوس وخت کې ورور پر ورور باندې اعتبار او اعتماد نه کوي،نو "پکتیاوال "په چا ا عتبار وکړي،هغه هم بیا په دومره غټو پیسو ،او فابریکو چې د" فایننشل تایمز" دورځپاڼې له خوا افشا شوي دي،اوس نو خپله فکر وکړﺉ چې دغه رپوټ څنګه حقیقت پیداکولای شي،او دکوم یو انسان منطق به یې ومني.

بل داچې د" فایننشل تایمز" ورځپانې ولې دهغو ملي غلو ،او غدارانو، له کړو وړ څخه نوم نه اخلي چې په رڼا ورځ کې،قتلونه، وسله والې غلاګانې،دخلکو په ناموس تیري، دمخدره توکو قاچاق،اوپه زرګونو نورو بې عدالتیو ککړ دي،آیا د رسنۍ آزادي اورسالت همدې ته وايي،بل داچې دغه بهرنۍ ورځپاڼه په لومړۍ سر کې لازمه ده چې دخپل هېواد نیمګړتیاوې را واخلي او خپرې یې کړي ،نه داچې دپردیو هېوادونو په چارکو کې دې لاس وهنې وکړي .

لاسوهنه هم بیا تر دې کچې پورې چې ،ملي ارزښتونه تر ګواښ لاندې راولي، د" فایننشل تایمز" دروڅپانې دغیر مسلکي کړنې ترڅنګ،افغاني رسنۍ په خصوصي ډول چاپي ورځپانې په غیر مسلکي خپرونوکې ،دمطالبو په خپرولوکې، بیاله " فایننشل تایمز" نه یوګام مخکې دي.

دکابل چاپي ورځپاڼې په دې لڼدو وختونوکې په لوړه کچه له مسلکي ،او مطبوعاتي اړخونوڅخه وتلي دي،او داسې مطالب خپروي چې هغه د دوی تولیدي کړنې په ډاګه کوي ،چې له صفر سره برابر دي ،او دهغوی ټول مطالب ،یالیکنې له بهرنیو سایټونو، اویاهم له آژانسونو څخه اخیستل شوي دي،داسې هم شوي دي چې دکابل په یوشمېر ورځپاڼوکې غلا شوي مطالب،او عکسونه په انډولیز ډول په څو ورځپاڼو کې خپاره شوي دي.

د" فایننشل تایمز" هغه درواغ روپوټ چې د دې خاورې دیوه غښتلي منصب دار"علیشا پکتیاوال "،له کړو وړو څخه خپورشوی وو،په هما غه ډول افغاني ورځپاڼو هم خپور کړ،اویوڅه نورې اوتې بوتې یې هم ورسره زیاتې کړې،راځۍ چې لږ خپلو اعمالو ته هم نظر وکړو ولې پردیۍ تورې دخپلو ورنو په وژلو کې په لاس ونیسو،دغه ړنګه جونګړه دنورو خلکو په هڅه نه جوړیږي،اوجوړېدل یې پرما اوتاپورې اړه لري.

دبیان آزادي،درسنیو آزادي،او ورسره نورمطبوعاتي فعالیتونه په اوس وخت کې دهر یو لیکوال او ژورنالیست ژوند له لویو ننګونو سره مخامخ کړی ، چې اصلي لامل یې همدغه دګوندونو پلوي کول،اوله وسله والو لورو سره مادي راکړې ورکړې،او دهغوی په خوښه حرک کول دي،که چېرته دافغانستان رسنۍ بې پرې او خپلواک فعالیت ولري هېڅ وخت له ماتې او ناکامۍ سره نه مخامخ کیږي.

په ډېرۍ برخو کې دافغاني رسنیو کړه وړه له بهره څارل کیږي،او داهغه خبره ده چې ټولو افغانانوته معلومه ده ،که چېرې په افغاني رسنیو کې خپلواکي او څپېڅلتیا موجوده وي هیڅ وخت " فایننشل تایمز"او داسې نورې ورڅپاڼې په داسې ناوړه لیکنو لاس نه پورې کوي،دغه ملامتي هم په افغاني رسنیو تپل کیږي،او افغاني رسنۍ به ترهغه پورې ناکامه وي چې خپله خپلواکي د رسنیو د قوانینو پربنسټ نوي حفظ کړی.

دلته غواړم دې ټکي ته اشاره وکړم چې بهرني مطبوعات هېڅ وخت نه غواړي چې، افغانان په خپل مینځ کې دورورۍ په ډګر کې عادي ژوند ولري، داغوښتنه نه یوازې داچې دبهرنیو مطبوعاتو ده بلکې دهغوي سیاسي کړیو،او مشرانو لویه هیله ده چې پر دې ولس له بده مرغه په بیلابیلو نومونو تپل کیږي، زما په فکر پورتنیو ناندریو سره دمبارزې لپاره ښه او غوره وصیله همدغه دافغاني مطبوعاتو صادقانه فعالیت دۍ.

زه په پای کې له ټولو مطبوعاتي ،حقوقي، اوټولنیزو بنسټونوڅخه غواړم چې د" فایننشل تایمز" په هغه رپوټ باندې چې دعلیشاپکتیاوال پرکړنوباندې خپور کړی،دنړېوالو قوانیونو په رڼاکې کتنه وکړي ترڅو حقیقت اوټولنیز عدالت تر پښو لاندې نشي.

که چېرته مونږ دهر یو افغان له حقوقو نه دفاع ونه کړو او دخپل هېواد دپت، اوعزت،ساتنه ونه کړو بهرنیان یې کله هم فکر نه کوي، اوهغوی تل هغه لارې لټوي چې په ترڅ کې یې افغان نان په بیلا بېلو نومو نو بد نامه کړي، او دنده په لومړي سر کې رسنیو ته ورپه غاړه ده، چې باید خپل دریځ وپېژني.

اوبل داچې له دې لارې مونږ خپله د دې خاورې غداران ،اوریښتنې څېرې وپېژنو،او په همدې دول دهغوي څېرې او فعالیتونه چې په هره کچه وي خپل ولس ته یې په ډاګه کړو ،نه داچې دبل په لمسون خپل ورور دمرګ کومې ته واستو.

دمحربانۍ له مخې د دې لیکنې په اړه وړاندیز او نیوکې مو ماته په دې پته راواستوﺉ
wardak.mayar@gmail.com

+ نوشته شده در Thu 18 Dec 2008ساعت 12:23 بعد از ظهر توسط صفت الله (ذاهدی) |

کرزی دری خبری وه شودی یوه دوه دری

محمدحسن حقيار

haqyar@gmail.com

ولسمشر حامد کرزي چې لوېديځو هېوادونو ته له سفرڅخه وروسته تازه هیواد ته را ستون شوي وو، نسبتاً په تونده لهجه پر بهرنيو ځواکونو نيوکه وکړه چې ګوندې همدوى په افغانستان کې ناامنۍ ته زمينې برابروي ، پخپلسرو بمباريو يې ولس هم دبهرنيانو او هم دافغان دولت پرضد درولى،او دولايتي بيارغونې ټېمونه ددولت دحاکميت دکمزوري کولو لامل ګرځېدلي دي. ښاغلي كرزي په افغانستان کې لاس لرونکي بهرني ځواکونه وګواښل او ورته يې وويل چې دوى درې انتخابه لري: يا به له طالبانو سره سوله كوي، يا به دى له واكه ګوښه كوي او يا به له افغانستان څخه وزي. ده پخپلو دې خبرو کې سينه وډبوله چې که دطالبانو مشر ملا محمدعمر مجاهد دخبرو لپاره هېوادته را شې نو دى به يې دخونديتوب تضمين وکړي .

دښاغلي کرزي داڅرګندونې ترډېره حده پرځاى دي دا واقعيت دى چې په افغانستان کې ډېرې ستونزۍ او ناامنۍ دبهرنيوځواکونو د شتون ، هېڅ قانون ته غاړه نه ايښودلواو دخپلسريو له امله رامنځته شوي ، ددوى ړوند بمبار او بې رحمه کړنې ددې لامل شوې دي چې ډېردردېدلي افغانان دغچ او انتقام په خاطر له مخالفينوسره يوځاى او ده پر حکومت دافغانانو باور کم شي . دملکي وګړيو دوژنې سهوه!! يوځل او دوه ځله نه بلکې ، په لسګونو ځله تکرار شوې ده ، هرځل يې دبې ګنا افغانانو چيغې او سورې اسمان ته پورته کړي ،هرځل دناسم پوهاوي !! په پايله کې لسګونه بې ګناه افغانان دلمبواو باروتو خوراک شوي دي . دې بې نظميو نه يواځې داچې له پخواراهيسې د ولس حوصله تنګه کړې ، بلکې له ډېر پخوا يې ښاغلى ولسمشر هم ترپوزې راوستىاو دده پر مشرۍ د موجود حکومت مشروعيت او حيثيت يې له ګواښ او سوال سره مخ کړى دى . ده يې هم په اړه څوڅوځله خپل شکايت او اندېښنه متحده ايالاتو، ناټو ځواکونو،نړيوالو، افغانانو اوخبري رسنيو ته رسولې ده ان په ستيج په ژړا شوى دى خوخبره داده چې پر چا يې منې !!دهيچا زړه پرې ونه دردېد ،هيچا يې خبره اوزارۍ ونه منله . تېره اونۍ چې ښاغلي کرزي رسنيو ته وويل چې افغانستان زموږ دى، ددې هېواد قباله له ماسره ده نو ماته دده خبرې ټوکې ،نمايشي اکت اوتش فيګور ښکاره شو ، ما پدې خبروکې خلوص ونه ليد، داهرڅه راته ديوبلې موخې لپاره لاره هوارول وبرېښېدل داغوڅدريځي ، جديت او وروستي اخيستي ګامونه راته واردمخه ټاکنيزکمپاين ښکاره شو.
کله چې ښاغلي کرزي دافغانستان دقبالې خبره وکړه نو ماته هغه دګيدړ دقبالې ټوکه راياده شوه : يو ګيدړ له ځان سره يولېوه دچا باغ ته بوته او ورته يې وويل چې په باغ کې دې هرڅه خوښ وي ډاډه يې خوره ځکه چې ددې باغ قباله له ماسره ده . هغه هم په ډاډه زړه په باغ کې خوراک پيل کړ چې په همدې وخ%D

+ نوشته شده در Sun 23 Nov 2008ساعت 1:57 بعد از ظهر توسط صفت الله (ذاهدی) |

د هغه ليكوال قلم دې مات شي چې‏....

اتل افغان

دهغه ليكوال قلم دې مات شي چې دى اوس هم سرې شونډې او تورې زلفې ستايي : داسلام او هيواد په درد دردمنو ليكوالانو ته ! پوهيږى چې داسلام ددښمنانو لخواد اسلام پر ضد له نظامي يرغل سره فرهنګي او كلتوري يرغل هم مل وي اوددې فرهنګي يرغل په وړاندې دريدل دهر مسلمان او بادرده فرهنګپال وظيفه ده . تاسې هره ورځ اورى اوګورى چې دصليبي يرغلګرو ترورستانو لخوا دهيواد په ګوټ ګوټ كې زمونږ بيګناه هيوادوال شهيدانيږي ، په كورونو يې درانه بمونه راغورځول كيږي ، دشپې لخوا دغلو په څير په كورونو ته وراوړي اوبيدرغه يې شهيدانوي اوسبا په ډيره سپين سترګى اعلان وكړي چې په فلانى سيمه كې مو دومره دهشتګر ووژل او چې دكلي خلك دبمبارى ځاى ته ورشي دخارو له انبارو نه دمعصومو ماشومانو او ښځو داندامونو ټوټې راوباسي بلواكه چارواكي مو له پيښې ناخبري وښئي او چې كله دولس آه او فرياد زور واخلي او دنړيوالو غوږوته ورسي نو بيا بلواكه چارواكي مو ميډيا ته مخامخ شي او په ډيره ويره او لړزيدلي آواز ووايې چې درانه ميلمانه بايد په عملياتو او بمباريو كې احتياط وكړي دولس په درد دردمن.فرهنګپال مو نه پوهيږم له كومې ويرې پرې چپ پاتي شي آيا دالله ( ج ) له محاسبې نه نه ويريږي ؟؟ سبا به مو الله پاك ته سه ځواب وي چې درنه پوښتنه وكړي چې ماتا ته دقلم ځواك دركړى ووتر دمظلومانو او حق دفاع پرې وكړي خو ته بلواكه او بيواكه وي ، ډالرو او يا زور دې خوله در تړلې وه ؟ ېما دمظلومو بندګانو وينې تويئدي خو ته پرې چپ وې زما دسپيڅلي قرآن بې حرمتي كيده خو تايې ددفاع لپاره قلم ونه ښوراوه زما دمحبوب پيغمبر ( ص ) كارتون خپريده ، هغه ته دهشتګر ويل كيده اوته لا ګونګ وي دنړى په ګوټ ګوټ كې ستا دمعصومو خويندو په عصمت او عفت تجاوز كيده اوتا لا هم سرې شونډې او تورې زلفې ستايلې . اى دقلم او ژبې خاوندانو ! دالله ( ج ) له پوښتنې او حساب نه ځان وژغورى دالله ( ج ) لوري ته راوګرځى تر څو به مو قلم او ژبه دبل په خدمت كې وي ؟ تر څو به زور او يا زرو ستاسې خولې درتړلي وي ؟ آيا دالله (ج ) له زوره ناخبره ياست ؟ اويا هم دهغه درزق په خزانو باندې يقين نلرى ؟

+ نوشته شده در Sun 14 Sep 2008ساعت 11:35 قبل از ظهر توسط صفت الله (ذاهدی) |

د ولايت اداري وېش

لښكرګاه، د ولايت مركز،
كجكي، ولسوالي،
نهر سراج، ولسوالي (گرشك كې)،
موسى كلا، ولسوالي،
باغران، ولسوالي
نوزاد، ولسوالي
واشېر، علاقه داري،
نادعلي، ولسوالي،
ناوه باركزي، ولسوالي،
خانشين (رېګ)، علاقه داري،
ديشو، ولسوالي،
ګرمسېر، ولسوالي.
ولسوالي نقوس (د ۱۹۹۰م كال د اټكل له مخې) مساحت
بست ۵۶۲۱۷ مساحت ۹۹۸
خانشين ۲۱۱۱۴ مساحت ۷۴۱۳
نهرسراج ۷۱۸۹۸ مساحت ۱۶۹۲
څاروان كلا ۲۰۳۴۸
موسى كلا ۴۱۱۵۹ مساحت ۱۳۸۶
كجكي ۶۴۹۵۵مساحت ۲۲۶۸
نوزاد ۴۱۵۴۳ مساحت ۴۵۸۱
واشېر ۱۴۳۰۴ مساحت ۴۱۲۳
ګرمسېر ۴۴۶۹۸ مساحت ۲۰۶۹۰
نادعلي ۵۱۸۱۹ مساحت ۴۶۲۵
ناوه باركزي ۵۰۱۰۸ مساحت ۶۶۰
بغران ۴۴۲۹۲مساحت ۳۵۶۶
ديشو ۱۹۰۹۹مساحت ۹۸۱۴
ټول نفوس ۵۴۱۵۵۴ ټول مساحت ۶۱۸۱۶

وګړي: پنځه لكه يوڅلوېښت زره پنځه سوه څلور پنځوس تنه نفوس مساحت يوشپېته زره اته سوه شپاړس كيلومتره مربع د هلمند ولايت د افغانستان په سويل ختيز کې پروت دی. هوا يې ډيره وچه ده، او ځمکه يې په لويه برخه دښته ده. په هلمند کې تر ټولو لوی مشکل اوس دا ده چې هلته ډير زيات کوکنار کرل کيږی او بزگران هيڅ بل ډول نلری چې دومره پيسې واخلی لکه چې اوس د کوکنار د کرلو نه اخلی.

+ نوشته شده در Sun 31 Aug 2008ساعت 10:19 قبل از ظهر توسط صفت الله (ذاهدی) |

د هلمند ولايت

هلمند Helmand

پلازمېنه • کوارډيناټ	لښكرګاه • ~° N ~° E
د وګړو شمېر (?) • ګڼه ګونه	745,000 [1] • /km²
مساحت	58,584 km²
وخت	UTC+4:30
اهمه ژبه/ژبې	پښتو

په اوستا كې د هلمند يادونه د هيتومند په نوم شوىت دى. دا سيمه تر ميلاد ۳۰۰۰ كاله وړاندې تاريخ لري. د بست ښار يې مهم دفاعي ښار و، چې د سلطان محمود غزنوي له خوا جوړ شوى و، چې دروازه او رواق يې اوس هم د هغه وخت د افتخاراتو څرګندويي كوي. دا ښار د غزنويانو دويمه پلازمېنه وه، خو علاوالدين جهانسوز، چې كله غزني ته اور ورته كړ، تر هغې وروسته يې بست هم وران كړ. هغه مهال چې اعرابو زرنج له منځه يووړ، بست پر خپل حال موجود و، په بست كې سكندر مقدوني هم يوه كلكه كلا جوړه كړې وه، خو دا هرڅه چنګېز دوړې كړل او چې څه ترې پاتې او يا وروسته ابادې شوې وه، هغه تېمور لنګ ګورګان له منځه يووړل، خو كله چې وروسته ورته د حبيب الله خان پام شو او د ابادۍ لپاره يې ښه ګامونه واخيستل لوى نهر يې ورته تېر كړ، ښېرازه يې كړ، سمسور شو او بيا كله چې اعليحضرت محمد ظاهر شاه واك ته ورسېد، د واكمنۍ په دوران كې يې هلته د امريكايانو په مرسته ډېر كارونه پيل كړل. نوى ښار يې د لښكرګاه په نوم جوړ كړ، ډېرې پانګې او پروژې يې تر كار لاندې ونيولې، خو وخت ورسره وفا ونه كړه او سردار داود پرې نوره كړه. دا ولايت تقريباً صحرايي اقليم لري، په بست كې د باران كلنۍ اندازه دي ۵۰ او ۱۰۰ ملي مترو په شا و خوا كې وي او شمال، يعنې غرنۍ لوري ته يې د كلني اورښت اندازه ۲۰۰ او ۳۰۰ ملي مترو په اندازه اټكل شوې ده.

په كال كې دوه زره اكړه ځمكه په كې نوې ابادېدله، چې د نورو سيمو كې خلك به ورتلل او هلته به مشتېدل. په دې ولايت كې پنبه، د انځر باغونه، انار، هندواڼې، د افتاب پرت ګل او غنم ډېر ښه حاصل وركوي. پاتې دې نه وي چې د كاغذ جوړولو فابريكه هم لري. په مجموعي توګه ۸۱۴۰۰۰اكړه خړوب وړ ځمكه او ۱۰۰۰ اكړه للمي ځمكه لري او ۲۷۹۰۰ جريبه ځمكه يې د ككتش اغزن بوټي، انار، چنار، كج بېد او د پنجه چنار ځنګلونو نيولې ده

+ نوشته شده در Sun 31 Aug 2008ساعت 10:10 قبل از ظهر توسط صفت الله (ذاهدی) |

زموز ملا سویچان ولی نه محاکمه کیزی؟

تېره ورځ مې له نړيوالو خبري سرچينواورېدل چې   له ١٩٩٢څخه تر١٩٩٥ زېږديز کال پورې دبوسنيا په کورنيو جګړو کې دصربانو يو تن مشر رادوان کارادزيچ چې دزرګونوبوسنيايي مسلمانانو په ډله ييزه وژنه تورن دى صربي پوليسو په صربستان کې ونيوه او دهغه تړون له مخې چې   داهېواد يې دپخوانۍ يوګوسلاويا دجنګي مجرمينو دمحاکمې په اړه د هالندپه لاهه کې دهاګ له نړيوالې محکمې سره لري رادوان کارادزيچ د محاکمې لپاره دې محکمې ته سپارلى دى .
له ١٩٩٢څخه تر١٩٩٥ زېږديز کال پورې دبوسنيا په کورنيو جګړو کې دصربي مشرانو لخوا زرګونه مسلمانان په ډله ييزه توګه ووژل شول او په ډله ييزه توګه ترخاورو لاندې شول چې اوس هم کله ناکله داقبرونه کشفيږي .
په دې موده کې سلوبودان ملاسوويچ دصربانو مشر او رادوان کارادزيچ يې جنګي قوماندان وو .
   دبوسنيايي صربانو دامشر (کارادزيچ ) تورن دى چې په ١٩٩٥ کال يې   دسربرنيتساښار له نيولو وروسته له ٧٥٠٠څخه ډېرملکي مسلمانان چې ډېره برخه يې نوي ا وتنکي ځوانان وو په ډله ييزه توګه وژلي دي .
نوموړى په ١٩٩٦ کال دديتون دسولې له تړون وروسته نادرکه شو او لوېديځ استخباراتي چينلونه يې له يوې لسيزې ډېر وخت دموندلو په لټه کې وو . کارادزيچ په دې موده کې دبوسنيا او صربستان ترمنځ دتګ راتګ په حال کې په بدله بڼه ژوند کاوه چې په پاىکې څوورځې واړندې ددې هېواد پوليسو ونيوه .
په هغه خبرپاڼه کې چې ددې هېواد دولسمشرۍ له دفتر څخه خپره شوې راغلي چې ددې هېوادپوليس دراتکوملاديج په نوم ديوبل لوى جنګي جنايتکار او د رادوان کارادزيچ دمرستيال په لټه کې هم دي چې ترنيولو وروسته يې دجنګي مجرم په توګه دمحاکمې لپاره دهاک نړيوالې محاکمې ته وسپاري .
دجنګي جرمونو دڅېړنې   ددې نړيوالې محکمې لوى څارنوال د کارادزيچ نيونه لويه لاسته راوړنه بللې او په دې اړه يې ډېره خوښي ښودلې ده .
ديادونې وړ ده چې دصربانو دهغه وخت ولسمشر سلوبودان ملاسوويچ هم تېرکال نيول شوى او دمحاکمې لپاره همدې محکمې ته سپارل شوى دى .
دجنګي مجرمينو نيول او دعدالت او محاکمې مېز ته دهغوى راکشول يو ډېر نيک او دستايلو وړ کار دى ، مجرم ته سزا ورکول دانصاف او انساني فطرت غوښتنه ده . په هرځاى او هر دولت کې چې مجرمينو ته سزا ورکول کېږي او دقانون حاکميت وي نو هلته ژوند ارام ، خلک پرمختللي امنيت حاکم او دوېرې ترهې فضا کډه کړې وي .
نن سبا دانساني ټولنې يوه ګډه ستونزه دقانونيت نه شتون او جنايتکارو ډلو او وګړيو ته دسزا نه ورکول دي .
همدا دقانون نه شتون او يا دقانون کمزوري ده چې مجرمينو او دانسانيت او دسولې او ارامتيا دښمنانو ته يې جرئت ورکړى دى .
خو زموږ هيله له نړيوالې ټولنې څخه داده چې لکه څرنګه يې چې ملاسوويچ او کارادزيچ   ونيول او د محاکمې مېز ته يې راکاږل   همداراز دې دافغانستان جنګي جنايتکاران ،ملاسوويچان او کارادزيچان هم محاکمه کړي   .
که هغوى په بوسنيا کې ٧٥٠٠ بې ګناه مسلمانان وژلي دي دلته هم ملاسوويچانو دوه نيم ميليونه مسلمانان وژلي دي ، دلته له ١٣٥٧ کال راپدېخوا هرچا ترخپل وسه ډله ييزې وژنې کړي دي ، دخلقيانو او پرچميانو په واکمنيو کې هغوى تردېرش زرو ډېرافغانان دانقلاب ضد عناصرو په تور بې ګناه ووژل او هدومره يې ژوندي په پوليګون او دافغانستان په نورو برخو کې ژوندي ترخاورو لاندې کړل .له بې ګناه خلکو يې سترګې او نوکان ووېستل ، هغه ډول سزاګانې يې ورکړې چې قلم يې په   ليکلو ژړېږي، وروسته دتش په نوم مجاهدينو په سکتارستي او ائتلافي حکومت کې خو په کابل ښاريانو هغه ظلمونه وشول چې   دانسانيت تاريخ يې سارى او بېلګه نه وه ليدلې ، ورپسې دطالبانو په وخت کې يواځې په ليلې دښته کې ١٢٠٠٠ افغانان ژوندي ترخاورو لاندې شول .
په اوسنۍ اداره کې دهمدې ملاسوويچانو په غلطو او ناسمو راپورونو په بې ګناه افغانانو ١٥ ټنيز بمونه وغورځول شول ، پر ودونو بمبار وشو، ډله ييزې وژنې وشوې او له بده مرغه لا هم روانې دي .
نو که ملګري ملتونه په رښتيا هم عدالت اودځمکې پر مخ دقانون حاکميت غواړي نو له هرډول استثنى پرته دې دافغان ملت دښمنان ، دافغانستان په خاوره کې جنايت کوونکي او جنګي مجرمين ونيسي او کلک حساب دې ورسره وکړي .
افغان ولس په کلکه داغواړي چې دافغانستان دروانې ٣٠ کلنې غميزې ټول لوبغاړي او جنايت کاران دې هغه که په کمونستي دور پورې اړه لري ، که په جهادي ، په طالبي دور کې وو او که په اوسنۍ ديموکراسۍ او انارشۍ کې، له هرډول استثنىپرته محاکمه کړل شي .
داغوښتنه نوې نده دا ډېره پخوانۍ او نه زړېدونکې غوښتنه ده .
افغانان له نړيوالې ټولنې په دې اړه ددوى پر بې تفاوتۍ په کلکه خفه   او ګيله من دي او داګيله يې پرځاى هم ده ،ځکه   دلته چې يو نظام اوښتى او پرځاى يې بل نظام راغلى نو دپخواني رژيم اکثره لوړ پوړي چارواکي چې دلته يې سلګونه زره بې ګناه افغانان وژلي يا امريکايا اروپا اويا استراليا ته تښتېدلي دي او هلته دمحاکمې او پوښتنې پرځاى ورته دډېر ښه او ارام ژوند زمينه برابره شوېده . هماغه خلک چې دلته يې زرګونه انسانان ژوندي ترخاورو لاندې کړي په امريکا کې خوښ ژوند لري او داړوند حکومت تر پام لاندې ژوند کوي او ځينې يې دلته د دوى ترچتر لاندې اوس هم په ولس حاکمان او تيغ يې لاهم دملت پرمرۍ ښخ دى .
کله چې افغانان ويني چې ددوى وژونکي ددوى دشتمنۍ ، ناموس او شخصي او ملي جايدادونو غصبوونکي اوس هم په افغانستان کې دبهرنيو پوځونو په مرسته او دهغوى ترسيوري لاندې ژوند کوي ، دوى ورته امکانات برابر کړي ، لوړپوستونه،وزارتونه، ولايتونه ، قول اردوګان يې ورکړي نو څنګه به له دوى سره مرستې ته زړه ښه کړي .؟ څنګه به دوى خپل ساتونکي اودوستان وبولي؟
کله چې ولسمشر بيچاره اعتراف کوي چې ديو جنګسالارچې دلسګونو زرو افغانانو په وژنه ، بې ناموسۍاودنورو لسګونو جنايتونو په ارتکاب تورن دى دنيولو تصميم يې ونيوه نو ديوه هېواد لخوا يې ملاتړ وشو ، هغه هېواد په افغانستان کې پوځونه هم لري او دې جنايتکار ته هره مياشت دېرش زره ډالر جيب خر څ هم ورکوي . ښه نو چې کله دلته حالات داسې دي او جنايت کاران دمحاکمې پرځاى تشجيع کېږي ، نو افغانان به څنګه دخپلو دښمنانو له دوستانو او اکمالوونکيوسره مرسته وکړي .او ښکاره ده چې ترڅو ولس له چاسره مرسته ونکړي برياليتوب يې ناشونى وي .
په پاى کې يوځل بيا يادونه کوو چې دنړيوالې ټولنې لخوا دجنګي جنايتکارانو محاکمه او هغوى ته سزاورکول ډېر دستاينې وړ کار دى خو دامحاکمې بايد دشخصي ذوق او سياسي سليقو له مخې نه وي ، بلکې دبشريت ددرناوي اودټولې ځمکې پرسر دانصاف او دعدالت دتامين لپاره وي او هرچېرې او په هرچا تطبيق شي ، نړيواله ټولنه بايد په دې اړه ديوبام او دوه هوا پاليسي ونه کاروي ، عدالت دکاذب مصلحت له شعار څخه قرباني نکړي .
دافغانستان دروانې غميزې دپاى لومړى شرط دادى چې جنګي مجرمين محاکمه او دخپلو ناوړو کړنو سزاورته ورکړل شي.
دهمدې ورځې په هيله

محمدحسن حقيار

+ نوشته شده در Tue 29 Jul 2008ساعت 8:53 قبل از ظهر توسط صفت الله (ذاهدی) |

ښاغلى کرزى صاحب سلامونه

ښاغلى کرزى صاحب سلامونه
زېرى مې درباندې دادى زه پښتون وم خو اوس هزاره شوم ، حيرانېږه مه ، له شيخ محسني، محقق، خليلي او انوري صاحب څخه مې وړاندې ځکه پر تازېرى وکړ چې پوهېږم ته له دوى څخه هم ډېر په دې قوم زهيرېږي   او ښايي دې قوم به دنړۍ په تاريخ کې ستا په څېر تر مورمهربانه دايي نه وي ليدلې .
دجنس دبدلون ، دتابعيت دبدلون ،دنه نوم دبدلون به دې اورېدلي وي خو دادى له ماڅخه دقوم او هويت دبدلون خبر هم واوره . که څه هم دادزهرو غړپ دى خو له مجبوريته ورته غاړه ږدم .
ګوره زه پدې خاطر نه يم هزاره شوى چې ګوندې داقوم کوم مذهبي فضيلت لري زه ديو مسلمان په توګه پدې باور يم چې هېڅ کوم قوم په بل قوم غوره والى نلري په اسلام کې دغوره والي معيار تقوا ده، زه متعصبه هم نه يم . ځکه تعصب او وچ په وچه ځان يا خپل قوم په نورو لوړ ګڼل ناپوهي ده . رسول الله فرمايي چې متعصبه خلک زما له ډلې څخه نه دي.
څرنګه چې پښتون پر هزاره لوړ نه بولم همداراز هزاره هم پر پښتون لوړ نه ګڼم زه پوهېږم چې عقبى دمتقيانو ښه وي هغه که هزاره وي او که پښتون. داخرت خبرې به په اخرت کې کوو او نه زه ددې لپاره هزاره کېږم چې اخرت مې ښه شي خو داچې اوس خپل قوم او خپله ژبه پرېږدم او هزاره کېږم لامل يې دادى چې په دې کې مې مادي او دنيوي ګټه ده
(( په دنيا ښه راسره وکړه __ په اخرت کې دهرچابېل دي کورونه)) .
زه افغان يم ،اړ يم چې په افغانستان کې واوسم دلته په ټولنه کې ژوند وکړم ، پرمختګ وکړم ، ارام اوهوسا ژوند ولرم . له بچيانو او دوستانو سره مې راتلونکې تضمين وي خو پدې باوري يم چې ترڅو پښتو وايم اوځان پښتون بولم نو ستا په نظام او ستا په شتون کې دې موخو ته رسېدلى نشم . ستا په شتون کې دې موخې ته درسېدلو يواځينۍ لار له پښتون سره داړيکو پرېکون او بل قوم او په ځانګړې توګه هزاره توب ته اوښتون دى. ګوره زه بې دليله ( ويداوت دې ريزن ) نه غږېږم زه ثبوت نه ، بلکې ثبوتونه لرم مثلاً اوس چې زه پښتون يم نو له هرې خوا وژل کېږم ، تړل کېږم توهين مې کېږي ، بهرني ځواکونه مې دالقاعده ترورست او ددولت او نظام دمخالف په نوم وژني او دانور مې بيا دجاسوس او ددولت دمرستندوى په نوم .
ښوونځي زما سوځول کېږي ، له بيا رغونې او پرمختګ څخه بې برخې زه يم ، اولاد مې نالوستي او لنډه غر لويېږي ، دامنيت دنشتوالي په پلمه مې څوک سيمه کې يوه خښته هم نه ږدي ، لا هم راته اور کرل کېږي ، خپل ورونه يې پخپلو کې اچولي يو او دوى مو ننداره کوي ،دژينوسايډ پاليسي زما پر ضد عملي کېږي ، په ودونو مې بمبارد کېږي ، هره ورځ مې لسګونه ښځينه ،کوچنيان سپين ږيري او بې ګناه ځوانان وژل کېږي، څوک يې په کيسه کې هم نه وي او که ستا دترحم او عاطفې سمندر ډېر توپاني شي نو بيا مې دمړي بيه يولک او دټپي بيه ٥٠ زره افغانۍ راته ټاکې او دامېلمانه کاکاګان خو ځان هم راباندې نه پوهوي چې دا مو انسانان مړه کړل او که فارمي چرګان .
سره له دې چې دهېواد ٦٥ په سلوکې نفوس زما په قوم پورې اړوند دى خو په پلازمينه کې مې څوک په خپلې ژبې ليکلو او غږېدلو ته هم نه پرېږدي .
خو که له خيره هزاره شم نوبيا به مې مزې وې ، له پورتنيو ټولو ستونزو څخه خو به له يوې مخې خلاص شم . له دې پرته به له ډېرو نورو امتيازاتو او خوندونو څخه هم بر خمن شم . بيا هم مثلاً : دنفوسو سلنه به مې لس هم نه وي خو له ٦٥ به ډېر امتياز ترلاسه کوم ، ولسوالۍ ګانې به مې راته ولايتونه شي   ، بوديجه او په پارلمان کې دغړيو ونډه به مې تر نورو ډېره وي ، له قانون به فوق او مستثنى يم، تاته ، دافغانستان ملي مشرانولکه احمدشاه بابا، ميرويس نيکه ،اميرعبدالرحمن خان امير امان الله خان ، سردار نادر خان او نورو ته به ښکنځل کوم ، دا فغانستان تاريخ به تورداغ او شرموونکى بولم ، داملي اتلان به ظالمان ، مستبدين او پښتون به وحشي قوم بولم   خوڅوک به رانه پوښتنه هم نشي کولى ، هم به دې پرضد جبهې جوړوم هم به راته امتياز راکوې، هم به ستا دامنيتي چارواکيو دګواښونو او خبرداريوپروا نه کوم او په سرتمبګۍ به ستا پرضد خلک تحريکوم ، لاريونونه به کوم،( مرګ به کرزى،ماکرزى را نه محقق را ميخواهم) شعارونه به ورکوم   او هم به راته دمحقق په څېر په اتيازروډالرو دزره ضد موټر اخلې،
چې پښتون او کوچى واوسم نو مجبور يم چې ستا په يوه اشاره په څو ساعتونو کې خپلې پلرنۍ ځمکې پرېږدم ،کډې ترې په شا او په سره اوړي کې ژمنيو سيمو ته لاړ شم خو چې هزاره واوسم نوبيابه مې      خبره هم سپره وي ،په ناحقه به دجايدادونو خاوند هم يم او ستاددولت دممانعت برسېره به نرغوندې ستا پرضدلاريون هم کوم .
هم به دې مرستيال يم هم به دې له اپوزيسيون سره کار کوم ،هم به په ښکاره دهزارستان نقشې او دافغانستان دوېش پلانونه جوړوم دباميانو کوڅې او واټونه به دايرانيو ايت الله ګانو په نومونو نوموم ، ستاپرځاى به په اداراتو کې ددوى عکسونه ځړوم ، ستا داساسي قانون پرضد به ايراني اصطلاحات کاروم ،ايرانى کولتور به رايجوم اوهم به ستا ترزنې لاندې ناست يم او زما له مشورې اوخوښې پرته به هېڅ کار هم نشې کولى .
هم به يوه رايه نه درکوم هم به دې مرستيال ټاکل کېږم، په ناقانونه توګه به په پلازمېنه کې خپل ورورته دخلکوشخصي قباله يي ٢٠٠٠ جريبه ځمکه ورکوم چې ځانته يې وپلوري او ځانته پکې ښارګوټى جوړکړي ، څو وزارتونه او لايتونه   به راکول کېږي،دملي يووالي پرضد به کارونه هم کوم او ستايل کېږم به هم ، دخلکو په سرونو به ٦ انچه ميخونه هم ټک وهم ، رقص مرده به هم کوم ( مړي به ګډوم ) دنورو قومونو له اتباعو به تيونه هم غوڅوم خو بيا به مې هم تربوداستره مجسمه   دنمانځنې او درناوي لپاره په کابل کې ودرول کېږي .
په پلازمينه کې به داحمدشاه بابا ، سيدنورمحمدشاه ، شاشهيد په څېر پښتون مېشتو سيمو کې يو کيلومتر سړک هم نه وي پوخ شوى. برېښنا، روغتونونه او نور خوپرېږده   خوزما په سيمو   دشت برچي ، کلاى شاده ، پول سوخته ،دريمه کارتې او کارته سخي( جمال مېنه) کې به   ٤٠ متره سړکونه ، روغتونه ، برېښنااونور هرڅه   جوړشوي وي.
زه به په هرات ، مزار، کابل ، بغلان ان لښکرګاه کې په دولتي او دخلکو په شخصي ځمکو خپل قام ته ښارګوټي جوړوم او لګښت به يې هم له تا ، هم له ايران او هم له اغاخان څخه اخلم . خوکه پښتنو ته خپلې ثابتې پلرنۍ شخصي او قبالوي ځمکې ورکول شوې نو بيا به لاريون هم کوم ، چيغې به وهم، هغوى به هم وژنم او تاته به هم فاشست وايم .
کرزى صاحب ! له دې بل ښه او ستر امتياز څه شى دى چې زموږ هزاره ګانو دخوښۍ لپاره دې دکوچيانو په سل کلنو او يونيم سل کلنو قبالو ستر ګې پټې،له خپلو جايدادونودې بې برخې او دسترګو په رپ کې دې له بهسودو ووېستل.
دازموږ لپاره څومره دخوښۍ وړ خبر ده چې کوچيان مو له بهسودو، داى ميرداد، اجرستان او ناور څخه ستاد وسلې او رينجر په زور ووېستل ،
موږ که هرڅومره دکوچيانو په اړه سپکه ژبه کاروواو قام ته يې دکوچيګرۍ نوم ورکوو خو هېڅوک راته خوله هم نشي چوله کولى خو که هغوى موږ ته هزاره ګري وايي نو بيا ستا لخوا دملي يووالي ضد حرکتونوباندې تورنېږي .
ښاغليه ! ګوره هسې وړيا او بې مطلبه نه هزاره کېږم ، ګټې مې پکې دي ، پوهېږم چې ستا په شتون کې مې اخر هم دملي هويت او ژبې پر جغرافيه نقشه راځي او له هرڅه خلاصېږم .
ګوره په ايران کې به له ٤٠ ميليونو ډېر سنيان وي خو نه يې چا مذهب رسمي کړ او نه کلتور،خو دلته ان تا په يو لاس کې دوه هندواڼې ونيولې او هغه سياسي بدعت دې وکړ چې سارى يې په نړۍ کې نه ليدل کېږي ، واه واه يو هېواد دوه   قانونه ، يوه محکمه دوه مذهبه ( حنفيت او جعفريت )
هم به ايران خورم هم به امريکالوشم، که لورابوش هم افغانستان ته راشي نو ستا پاملرنه ماته وي باميانو ته يې رالېږي او که دنړيوال بانک رئيس هم .
ايران هم راته سلګونه ، ښوونځي مدرسې، کلتوري مرکزونه ، روغتونونه پلونه سړکونه اودقم په څېر لوى لوى پوهنتونونه جوړ کړل ته په دريمه کارته کې دخاتم النبيين په نوم دخوشحال بابا دلېسې پر ملکيت دايران دلسګونو ميليونو ډالرو په لګښت جوړې شوې څو پوړېزې ودانۍ وګوره چې عقل دې له سر څخه والوځي
. رښتيا دپښتنو داشتمني خو هم ستا دلطف له برکته زموږ شوه
همداراز د اغاخان او ايران په مرسته به دڅو تلويزيوني چينلونو، راديوګانواو ورځپاڼوخاوندهم يم ، او٢٤ ساعته برېښنابه هم لرم
ښاغليه ! داچې زه اوس قوم او نژاد بدلوم نوغواړم چې دامراسم ستا په مبارک لاس ترسره شي ځکه وړاندې مو وويل چې ته ترمحسني او خليلي هم په دې قوم ډېر مهربانه يې ،خو باور مې نشي چې ته به دامنيتي ستونزوله کبله دې مراسموته کومې تکيه خانې ته راشې ، ښه داده چې زه تاته ارګ ته درشم خو اورېدلي مي دي چې هلته ډېره سخته تالاشي ده او ان په سپيو هم خلک لټول کېږي نو مهرباني وکړه زما دنوي قوم په احترام خو دې کم ترکمه زما ددرتللو په وخت کې دا د ارګ ددروازې سپيان وتړه .

محمدحسن حقيار

+ نوشته شده در Mon 28 Jul 2008ساعت 2:18 بعد از ظهر توسط صفت الله (ذاهدی) |

اسوشيتيد پريس په روانه اوونۍ کې راپورورکړچې

اسوشيتيد پريس په روانه اوونۍ کې راپورورکړچې په پاکستان کې جهادي ډلې موافقې ته رسېدلي چې په افغانستان کې به له افغان او بهرنيوځواکونوسره په جګړه کې همکاري کوي .

د دوى غونډه چې کابو درې سوو غړيو يې پکې ګډون کړى وو دجون په لومړيو کې دپاکستان په راولپنډۍ ښارکې چې دپوځ مرکز بلل کېږي ، شوې وه .

داسوشيتيد پريس خبريالې کتي ګنن ازادۍ راډيو ته وويل په دې غونډه کې اکثره هغه ډلې شاملې وې چې دهغې په وينا له کلونوراهيسي دپاکستان داستخباراتوپه ملاتړپه کشميرکې جنګېږي .

ګنن وايي د البدر او دغه راز له القاعده سره تړلې ډلې لکه جېش محمد، لشکرطيبه او حزب المجاهدين په غونډه کې برخه لرله .

دګنن په وينا البدرډله په ١٩٩٨ کې دپاکستان دآى ايس آى له لوري جوړه شوه.ددې ډلې جنګيالي تردې وړاندې دحزب المجاهدين غړي ول اوپه نوي يمه لسيزه کې دګلبدين حکمتيار په ملاتړپه افغانستان کې جنګېدل .خو وروسته له دې چې طالبانوکابل ونيوۀ، راپورونه وايي چې آى ايس آى دا ډله وهڅوله چې له حزب المجاهدين بېل فعاليت وکړي.ګنن وايي دا ډلې اوس بيا سره يوځاى کېږي .

په وروستيو کې دپاکستان پرآى ايس آى بيا بيا تورونه لګېږي چې په دې استخباراتي موسسه کې ځينې عناصرپه افغانستان کې دجګړې د اور دتازه ساتلولپاره دطالبانوملاتړ کوي خو دپاکستان چارواکودا خبره په کلکه رد کړې ده .

خو داسوشيتيد پريس خبرياله ګنن وايي په راولپنډۍ کې داورپکو ډلو غونډه په درو علتونوجوړه شوې وه.يوداچې دوى به په جګړه کې دخپلو وژل شويوکسانوبدل واخلي ،بل دا چې نورو جنګياليو ته به بلنه ورکړي چې جګړې ته ورشي او دغه راز به دلشکر طيبه او جېش محمد ترمنځ اختلافات پاى ته ورسوي .

ګنن وايي دوى وويل چې په کشميرکې جګړه لا هم ډېره مهمه ده خواوس يې بايد دجنګ تمرکز د يوې متحدې ډلې په توګه په افغانستان کې دامريکا اونړيوالوځواکونوپرضد وي

په وروستيو کې امريکايي مقاماتو ويلي چې دافغانستان په ختيځ کې د وسله والوسخت دريځو له لوري تاوتريخوالي دتېرکال په پرتله په سلوکې څلوېښت زيات شوي اوپه دغو نښتوکې دالقاعده غړي ،پاکستاني سخت دريځي او تريوه حده د حکمتيارپلويان رول لري

ګينن دامريکايي مقاماتودا خبره بې مورده نه بولي اوپه نورستان کې دامريکايي ځواکونوپراډې حملې ته دبېلګې په توګه اشاره کوي چې د ورته ډلو له لوري شوې وه .دافغانستان حکومت وروسته له دې چې په کابل کې دهند پرسفارت ځانوژونکې حمله وشوه ، پاکستان دافغانستان په

چارو کې په لاسوهنې،له وسله والوسخت دريځو سره په ملاتړ اويا دهغوى په تګ راتګ باندې په سترګو پټولوباندې په ښکاره تورنوي خو دپاکستان صدراعظم دافغانستان ادعاوې رد کړې او ويې ويل چې هيواديې ديوۀ باثباته افغانستان غوښتونکى دى .

دامريکا ولسمشرجورج بوش دافغانستان اوپاکستان ترمنځ دلفظي جګړې په منځ کې دجولاى په پنځلسمه وويل چې متحده ايالات به دافغانستان له استخباراتوسره همکاري وکړي چې دپاکستان پرضد دولسمشرکرزي د تورونوپه هکله تحقيق وکړي او دى به بله اوونۍ دپاکستان له صدراعظم سره په کتنه کې دا مسئله له هغه سره ياده کړي.

بوش وويل په دې کې هيڅ شک نشته چې ځيني سخت دريځي دپاکستان له يوشمېرسيموڅخه افغانستان ته ځي چې دا زموږ اوافغانستان ځوروي اوبايد پاکستان هم ورباندې خوابدى وي .

مېرمن ګنن په عين حال کې وايي چې دافغانستان اوپاکستان په پوله کې وضعيت ډېرپېچلى دى اوبايد په سادګۍ سره ټول تورونه هم پرپاکستان ونه لګول شي .

ګنن زياتوي په ولايتونوکې دافغانستان دمرکزي حکومت کمزورتيا، خورا زيات اداري فساد او ورسره جوخت دنړيوالوځواکونو په بمباريو کې دملکي افغانانو مرګ ژوبلې چې يوه بېلګه يې دننګرهار په هسکې مېنې کې پريوۀ واده باندې بمباري وه ، هم سبب کېږي چې عام افغانان دوسله والو سخت دريځو ملاتړ وکړي

+ نوشته شده در Tue 22 Jul 2008ساعت 10:35 قبل از ظهر توسط صفت الله (ذاهدی) |

افغاني فلمونو کې د ښځو نه گډون فلمي چارې ټکنۍ کړې دي

غزل اکمل
له کابله


	افغان فلم جوړوونکي وايي که چېرې افغانې نجونې په فلمونو کې کار کولو ته چمتو شي نو دوى به دې ته اړ نه شي چې په نورو هېوادونو کې ښځينه لوبغاړو پسې وگرځي .

يو شمېرافغان فلم جوړوونکي وايي په فلمونو کې د ښځينه لوبغاړو نه

گډون د دوى چارې تر ډېره بريده ټکنۍ کړې دي .

ددوى په وينا د همدې ستونزې له کبله دې ته اړ شوي چې په خپلو فلمونو کې د نورو هېوادونو ښځينه لوبغاړو ته رول ورکړي .

په همدې حال کې يو شمېر نجونې وايي چې د امينت د نشتوالي او د ځينو نورو دوديزو ستونزو له کبله دې ته زړۀ نه ښه کوي چې په فلمونو کې کار وکړي .

په افغانستان کې که څه هم په وروستيو څو کلونو کې د ښځو ونډه په ټولنيزو، سياسي او نورو چارو کې د پام وړ بلل کېږي، خو اوس هم په دغه هېواد کې زيات شمېر مېرمنې دې ته زړۀ نه ښه کوي چې په افغاني فلمونو کې کار وکړي .

فلم جوړوونکى حيدرجلال چې په ختيځو ولايتونو کې يې زيات شمېر فلمونه او ډرامې جوړې کړې وايي د افغانو ښځينه لوبغاړو له کموالي سره مخامخ دي او دې ته اړ شوي چې په خپلو فلمونو کې د گاونډيو هېوادونو ښځينه لوبغاړو ته رول ورکړي :

په افغان فلم کې د ښځو ونډه

په همدې حال کې يو شمېر نجونې وايي په فلمونو کې کار کولو ته ځکه زړۀ نه ښه کوي چې په افغاني دوديزه ټولنه کې دې کار ته ډېر خلک په درنه سترگه نه گوري .

'' په ختيځ زون کې ما ٢٢ فلمونه او يو شمېر ډرامې جوړې کړې دي ، خو زموږ لويه ستونزه همداده چې په فلمونو او ډرامو کې موږ ښځينه لوبغاړي نلرو، ددې لپاره چې موږ خپل هنر ته دوام ورکړو نو پاکستان او نورو گاونډيو هېوادونو ته ځو او ښځينه لوبغاړو ته يې په فلمونو کې رول ورکوو.''

په همدې حال کې يو شمېر نجونې وايي په فلمونو کې کار کولو ته ځکه زړۀ نه ښه کوي چې په افغاني دوديزه ټولنه کې دې کار ته ډېر خلک په درنه سترگه نه گوري .

ددغو نجونو په وينا د امنيت نشتوالى هم لويه ستونزه ده چې دوى نه غواړي په فلمونو کې رول ولوبوي .

ددې تر څنگ ځينې خلک دا نيوکې هم کوي چې اوسني فلمونوکې افغاني کلتور او دودنو ته دومره پاملرنه نه کېږي نو ځکه ځينې کورنۍ خپلې لوڼې په فلمونو کې کار کولو ته نه پرېږدي .

د افغان فلم يو کارکووونکى احد ژوند دا خبره تاييدوي او وايي چې اوسني زيات شمېر فلمونه تجارتي بڼه لري او کيسه ييزې تگلارې هم د افغانستان داوسنيو شرايطوسره برابرې نه دي :

افغان فلم جوړوونکى او اکټر حشمت الله

که څه هم په تېرو څو کلونو کې په ځينو فلمونو کې افغانو نجونو رول لوبولى دى، خو افغان فلم جوړوونکي دغه شمېره لږه گڼي .

'' اصلا هغه سوژې چې د خلکو خوښې دي او د افغانانو د کلتور په مطابق وي يا د ټولنې دردونه په سوژې کې راشي دداسو فلمونو جوړونه په افغانستان کې په ټپه ولاړه ده .''

که څه هم په تېرو څو کلونو کې په ځينو فلمونو کې افغانو نجونو رول لوبولى دى، خو افغان فلم جوړوونکي دغه شمېره لږه گڼي .

ددوى په وينا که چېرې افغانې نجونې په فلمونو کې کار کولو ته چمتو شي نو دوى به دې ته اړ نه شي چې په نورو هېوادونو کې ښځينه لوبغاړو پسې وگرځي

+ نوشته شده در Sat 5 Jul 2008ساعت 10:39 قبل از ظهر توسط صفت الله (ذاهدی) |

په افغانستان کې د ناتو ډلييزه وژنه او د نړيوالو حقوقو دريځ د

په افغانستان کې د ناتو ډلييزه وژنه او د نړيوالو حقوقو دريځ د

طالب وژنې څخه تر قوم وژنې ( ژنوسايد ) پورې

دوکتور م ، ع ، روستار تره کی

د اپريل په مياشت کی په بخارست ښار کی د ناتو سرمشريزه غونده

جوړيږی . خينی هيوادونه نيت لری چه په افغانستان کی ناتو زياتره جګړی

ته وهڅوی . نړيوال حقوق دغه افغان وژنه چی د ملګرو ملتونو تر بيرغ لاندی

تر سره کيږی ، د « ژنوسايد جنايت» ( نسل وژنه ) په نوم يادوی . ( ۱ )

لاندی مضمون د بخارست د غوندی په درشل کی د ناتو پام هغه حقوقی

دروند مسئوليت ته چی د بيگناه او بيدفاع افغانانو د بی خايه وژلو په

وړاندی لری را اړوی.

افغانان هيله لری چه ناتو په خپل غونده کی د جګړی د چتک بنديدو د پاره

تجويز ونيسی . او د هر دول پريکړی څخه چه د جګړی د لمن د پراختيا لامل

ګرخی په کلکه دده وکړی .

لمړی ـ د ژنوسايد حقوقی شاخص :

۱ ــ د ژنوسايد مفهوم :

د ژنوسايد مخنيوی او ورسره د مقابلی کانوانسيون په ۱۹۴۸ م کال د دسامبر

په ۹مه نیته د ملکرو ملتونو ( م ، م ) د عمومی اسامبلی له خوآ تصويب او په ۱۹۵۱

د جنوری په ۱۲ مه نافذ شو. کانوانسيون ژنوسايد داسی تعريفوی : « هغه

عملونه چی د يوی ملی ، قومی ، نژادی يا مذهبی دلی د تول يا يوی برخی له

منځه وړو په موخه تر اجرآ لاندی راشی » . ( ۲ )

دا مهمه نده چه وژنه کلی وی يا قسمی او د سولی په وخت کی رامنځته شی

يا د جګړی په وخت .

کانوانسيون په خپل۲ مه ماده کی هغه عملونه چی د ژنوسايد د جنايت په

کته گوری کی شامليږی په لاندی دول څرګندوی:

الف . يو گروپ ( دلی ) پوری تړلی کسانو وژنه .

ب . يو ګروپ پوری تړلی غړيو ، فزيکی او فکری بشپړتيا ته تاوان رسول .

ج . يوه دله د هغه حالت تر اغيز لاندی راوستل چه د کلی يا قسمی فزيکی له

منځه وړل يی لامل وګرځی .

د . د يو ګروپ د زيږيدو او پنزيدو ( توالد او تناسل ) مخه نيول.

ه . د يو ګروپ ماشومان بل ګروپ ته اجباری ليږدونه .

د پورتنيو ۵ مواردو نه که يوازی د یو مورد نه په يو وخت هم ګته پورته شی

د ژنوسايد جنايت مطرح کيږی .

په افغانستان کی د ناتو قواوو د دول دول وسايلو نه وار وار د نوموړی ۵

مورد څخه د ۳ مورد نه (الف ، ب ، ج ) د هغه کسانو په وړاندی چه « طالبان

» ( إ ) ويل کيږی کار اخيسی دی .
۲

ــ په نړيوال حقوقی نظام کی د ژنوسايد کانوانسيون اغيز :

نړيوال قوانين د ۲ نورمونو تر اغيز لاندی دی :
ـ

ـ الزامی نورمونه ( Erga omme ) : لکه د جنګی جناياتو په اړه اصول . هر

هيواد ګته او وجيبه ( دنده ) لری چی الزامی نورمونه په بشپړه توګه مراعات

کاندی .
ـ

ـ غير الزامی نورمونه : لکه د بشر د حقونو پرنسيبونه .

د نورنبرګ د اساسنامی د ۶ می مادی له مخی د نړيوالو قوانينو ځينی تيروتنی يوازی هغه وخت د جنايت په بنه مطرح کيدای شی چه د نورو جناياتو لکه د سولی په ضد جنايت يا جنګی جنايت سره تړاو ولری . اما ژنوسايد که د سولی يا جګړی په حالت کی وی خپلواکه ( اتونوم ) تيروتنه يعنی جنايت ګنل کيږی او د هغه نه دده الزامی ( Ega omme ) بنه لری .
د م ، م اساسنامه او د ژنوسايد کانوانسیون ( ۳ ) ۸ مه ماده د نړيوال تولنی څخه غوښتنه کوی چی د ژنوسايد د مقابلی په مقصد خپل تول امکانات په کار واچوی .
د سزا نړيوال ديوان ( س، ن، د ) د خپل اساسنامی ۶ مه ماده ژنوسايد جنايت ته ځانګړی کړيدی . د نوموړی اساسنامی په بنياد : د يو ولس « کلی يا قسمی » د حذفولو اراده او د نوموړی ارادی مستمری، منظمی او پلان شوی تطبيق ، د ژنوسايد د جنايت جوړونکی عناصر تشکيلوی .
د ( س ، ن ، د ) د اساسنامی د څرګندونی له مخی د خلکو بشپړه وژنه ( تول وژنه ) د ژنوسايد د جنايت د پيږندلی يوه حتمی معيار ګنلی نشو . په بل عبارت دا الزامی نده چه د يو ګروپ تول غړی په
دله ايزه توګه ووژل شی ، تر څو چه د ژنوسايد جنايت مطرح شی : په عمومی دوهمه نړيوال جګړه کی
۶۰ مليون انسانان ووژل شول .اما يوازی د ۶ مليون يهودانو وژنی د ژنوسايد د جنايت جوړونکی عنصر تشکيلوی .
په هر حال ‌‌إ د وژنی د کميت معيار د ژنوسايد د عاملينو د ارادی د تينګوالی درجه ښيی.
د پورتنيو توضيحاتو په بنست د نړيوالو قوانينو او نړيوالی قضائی رويی Jurisprudence له مخی د ژنوسايد د تشخيص لاندی معيارونه تر لاسه کيږی :
يو ـ د وژنی اراده
دوه ـ د بل لوری څخه هيولا جوړول
دری ـ د يوه ملی ، قومی ، نژادی يا مذهبی مغضوب واقع شوی دلی شته والی
څلورـ د وژنی منظم پلان
پنځه ـ د وژنی استمرار
موږ د ليکنی دوهمه برخه د لاندی سوال د ځواب په موندلو ځانګړی کوو :
آيا په افغانستان کی د ناتو د نظامی عملياتوڅخه رامنځته شوی انسانی تلفات د ژنوسايد د پيژندل شوی حقوقی معيارونو سره سمون لری ؟

دوهم ـ په افغانستان کی د ناتو د دله ايزی وژنی حقوقی ارزونه :

اوس د ژنوسايد د تشخيص ( تاکلی ) په اړه په کافی اندازه حقوقی معيارونه په لاس کی لرو چی د هغو په بنست په افغانستان کی د ناتو نظامی عمليات د نړيوالوقوانينو په رنا کی تر ارزونی لاندی راوړو .
۱ ــ د وژنی اراده :
د وژنی اراده په داګه د هغه منظم ورځنی مطبوعاتی اعلاميی له لاری څرګنديږی چی د ناتو وياند مديا ته سپاری .
پدغو د تکبر نه دکو اعلاميو کی د وژنی کلکه او تينګه اراده او ورسره د وژل شوی کسانو په اړه کرکه په دغو الفاظو باندی څرګنديږی : « ... نن د ... په سيمه کی ۵۰ تنه ، ۱۰۰ تنه ، ۵۰۰ تنه طالبان ووژل شول » . د وژنی اعلام دومره په آسانی ، بی پروايی ، بی تفاوتی او بی مسئوليتی مطرح کيږی چی سړی ګومان کوی چی په ځنګله کی ځناوران شکار شويدی .
ځکه دلته وژنه ، نه د نظامی عملياتو د تير وتنی له کبله ، بلکه په ارادی توګه د يو تاکل شوی مقصد په موخه مطرح کيږی .
۲ ــ د بل لوری څخه هيولا جوړول :
د تاريخ په اوږدو کی تل د ژنوسايد د جنايت د ارتکاب نه مخکی د جنايت عاملينو د خپل دشمن څيره د شيطان او هيولا په بنه مطرح کړی ده : امريکايی انديان په ۱۷ پيړی کی د امريکا ولسمشر ،
( توماس جفرسن ) په قول د « بيرحم وحشيانو» تر نامه لاندی د ژنوسايد شکار وګرخيدل .
پدغه برخه کی د طالبانو ۶ کلنی « امارت » لويديز والوته په کافی اندازه طالبانو ضد تبليغاتی اومه مواد برابر کړی دی : د اسلام تر نامه لاندی د معاصر نړی د ارزښتونو سره دشمنی ، د دی لامل وګرخيد چه طالبان په عامه ذهنيت کی وتکول شی .
په جنګ ځپلو سيمو کی پښتون ، بالقوه طالب يعنی بنست پال ، تروريست او القاعده شميرل شوی : تول بګړيوال ، ږيره وال او پتکی وال د بالقوه دشمن په توګه کتل شوی . د دوی وژل د تروريزم ضد ائتلاف سياسی وجيبه وګنل شو چه نه د افغانی حکومت او نه هم د کورنيو او بهرنيو دبشر د حقونو د مدافعو سازمانونو د کوم احتجاج سره مخ شوی دی .
ځکه مخکی له دی نه چه طالب – پښتون د هغه سياسی نظام په وړاندی چه د بهرنيو قوتونو په وسيله افغانستان ته د سوغات په توګه وړاندی شويدی ، خپل جنګی طاقت راغوند او خند شی ، بايد له
صحنی نه حذف شی .
بايد د پښتانه د اوږد مهالی واکمنی انسانی پوتانسيل په ماتيدو سره ، لاره د يو انعطاف منونکی حکومت جوړيدو ته چی د ګلوباليزیشن د سياسی او اقتصادی آزموينو د لابراتوار بنه ولری مساعده شی

۳ ــ د يوه مذهبی ، قومی مغضوب واقع شوی دلی شته والی :

ځينی څيړونکی فکر کوی چه د ناتو د وژنی په اجندآ کی يوازی طالبان د يوه مذهبی دلی په صفت شامل دی نه قومی اکثريت د يو قوم په حيث .
که موږ د وروستيو ۶ کلونو جګړه ايز واقعيتونو ته پام واړوو ، دغه حقيقت چه وژنه د طالب له چوکات نه وتلی او د ژنوسايد پروسه په چتکی سره په يوه پراخه سيمه کی چه پښتانه اوسيږی ، دوام لری ، ترمخی کيږی .
په نوموړی سيمو کی د سپرلی په موترونو ، د ودونو غوندو او په سوله ايزو مظاهراتو باندی وار وار بريدونه شوی چه له امله يی په سل هاوو بی ګناه افغانان وژل شويدی .
د ۲۰۰۶ م کال د سپتامبر په مياشت کی کله چه ناتو اعلام وکړ چه په هلمند کی د ۵۰۰ نه تر ۱۵۰۰
تنه طالب وژلی ، يو سپين زيری بزګر فرانس پرس ته ( کانادايی څانګه ) وويل چه د هغه د کورنی ۲۶
تنه چه په کی تولی ښځی او ماشومان وو ، د ناتو په بمباريو کی وژل شويدی .
سږ کال ( ۲۰۰۸ م ) يوازی د مارچ په مياشت د يوی اونی ( د ۱۲ نه تر ۱۹ پوری ) پيښو ته چی په کی د مخ په زياتيدو وژنی پراختيا کچه بربنده کيږی ، نظر اچوو :
ــ د سنګين په ولسوالی کی د ناتو د بمباريو له کبله ۶۰ تنه چه اتکل ۵۰ تنه يی ملکی کسان وو ، ووژل شول .
ــ د بی بی سی راديو د راپور له مخی په خوست کی ۲ ماښومان د خپل مور او ۶ نورو ملکی افرادو سره د امريکايی قواوو له خوآ وژل شويدی . عارف الدين د سرحدی لوآ افسر چه ماښومان خپل خپلوان
ګنی بی بی سی خبريال ته وايی : « په سيمه کی هيڅ نښی نښانی چه د طالبانو حضور څرګند کړی وجود نلری . بهرنيو ځواکونه راځی او خدای په جات وژنی ... » . د پيښی د حاضرينو د يو بل سړی ږغ د راديو په څپو کی اوريدل کيږی چه وايی : « که بيګناه ولس د خوب په بستر کی شهيدان شی ، موږ جهاد ليکوته ورننوزو ... الا اکبر ... » . راتول شوی خلکو په يو آواز د الا اکبر ناری وهلی . ( ۴ )
ناتو د ژنوسايد د پلان د تطبيق په اړوند ، دومره د غضب ، بی پروايی او تکبر په دريځ کی ولاړ دی چه د زرګونو ملکی شهيدانو پاتی کسانو ته د نړيوال قوانينو په مراعات په سلو کی يو ته هم د « جبران خساره » موضوع ند ی مطرح کړی .
دا چه ولی په افغانستان کی د ننه پښتانه د يو قوم په صفت د ناتو د غضب موخه ګرځيدلی مختلف لاملونه لری . د هغی جملی نه : پښتانه په قبايلی سيمو کی اوسيږی . د قبيلوی جوړښتونو تر اغيز لاندی دوديزاو محافظه کار ذهنيت لری او د هغه راديکال بدلون په وړاندی چه بهرنيان يی تر شآ ولاړ وی د خشونت څخه دک غبرګون ښيی . هغوی ځان د اسلامی هيواد د خپلواکی د ساتلو رسالت لرونکی ځواک ګنی .
د ژيوپولتيک ستراتژيستانو په اند تر هغه وخته پوری چه په قبايلی سيمو د ميښته سرسختو ولسونو مقاومت مات نشی ، د نفت او ګاز د ماستر پلان د تطبيق د پاره زمينه نه مساعديږی .

۴ ــ د وژنی منظم پلان :

پلان د ناتو دستراتژیستانو له خوآ د موقوت غوندو په ترڅ کی ( وروستی په بخارست کی ) طرح کيږی.
د پاکستان د آی ، اس ، آی دوه مخيز سياست د پلان د طرح او تطبيق په اړه کليدی رول لوبولی دی .
د پلان له مخی په لويديز او سهيلی سيمو کی د عادی ولس وژنه بايد د قومی اکثريت د رون فکرو د حساسيت د راپارولو لامل ونګرځی : پښتانه تکنوکراتان په ځانګړی توګه د حکومت به د ننه د چوکی ،
شراب او کباب ، نوی سندری او نوی اتنونه په نشه کی مصروف ساتل کيږی .
د « ديموکراسی لوبه » بهترين ذهنی انحراف جوړوی .
په معرکه کی د ژبنی اصطلاحاتو تقابل ( وروستی مشاجره د پوهنتون او دانشګاه ترمنځ ) چه نوښت يی د بهرنيو راديوګانو په لاس کی دی مهم رول لوبوی .
د وژنی د پلان نورمهم تکی دا دی :
ــ د وسله والو مخالفينو په منځ کی انشعاب ايجادول .
ــ په پښتنی سيمو کی د جګړی د توجيه په مقصد پدی موضوع باندی تينګار چه اسامه بن لادن او انديوالان يی په قبايلی سيمو کی پت دی .
ــ په افغانی نظامی يونتونو باندی چه اکثرآ دسيمی د بيوزلو وګړيو څخه ترکيب شيدی ګوزار :
پوليس په ۶ کلو کی د مدرن وسلی د درلودلو څخه بی برخه ساتل شويدی . د دوی يونيفورم لامل شوی چه په آسانی په وار وار د هوايی بمباريو موخه وګرځی : د هغو پوليسانو شمير چه د نړيوال نظامی ائتلاف له خوآ وژل شويدی ، د هغه شمير څخه چه د وسله والو مخالفينو له طرفه « حلال » ( إ ) شوی زښته زيات دی .
په پوليسو باندی وروستی بريد سږ کال د مارچ په ۲۰ مه د تورخم په سيمه کی تر سره شو چی په پای کی ۴ مړه او يو شمير زخميان شول .
ــ په غير مساويانه جګړه کی د هوايی بمباريو په وسيله د مقاومت پوتانسيل د جګړی د اوږديدو په مقصد ، کمزوری ساتل او د مخالفينو د تکولو تر پلمی لاندی ملکی خلک وژل .
د يادونی وړ دی چه ايساف او ناتو د جګړی د دوام په مقصد او د وژنی د اوږد مهال پلان د الزام پر بنست نه غواړی چه مقاومت په بښپړه توګه مات شی .
د عينی شاهدانو د شهادت په اساس داسی پيښه هم واقع شوی چه د مقاومت قوماندانان ( لکه د جلال الدين حقانی زامن ) د نړيوال نظامی ائتلاف له خوآ توقيف او وروسته خوشی شويدی .
د ځينو سيمو د ميښته کسانو په شهادت ناتو وسله والو مخالفينوته ، د استخباراتی چينلونو په ذريعه وسلی استولی دی .
په ۲۰۰۶ م کال کی څو واره د وسلی نه دک موترونه چی د شمال له خوآ سهيلی سيموته روان وو د افغانی امنيتی يونت له خوآ ونيول شول . تر اوسه پوری دا معلومه نده چه د کورنيو او بهرنيو جګړه
مارانو ونده په پيښه کی څومره وه .
ــ د جګړی د اوږديدو په مقصد د مخالفينو سره له خبرو اترو څخه دده کول: مخکی له دی چه موسی کلا د بهرنيو قواوو له خوآ فتح شی ( سپتامبر ۲۰۰۷ ) د مديا له لاری د مخالفينو سره د خبرو اترو په فضيلت باندی چی دولت ته تسليم شوی طالبان هم په کی ګدون درلودل د مديا له لاری په کافی اندازه تبليغات شوی وو . د تبليغاتو موخه دا وه چه وسله وال مخالفين مخکی د خبرو اتروڅخه د خپل دريځ د تينګولو په مقصد ځينی سيمی تر خپلی ولکی لاندی راوړی او د بمباريو کار آسان شی . وسله وال مقاومت چه د جنګی پلان نه مخکی خبر شوی وو خپل ځواکونه يی له سيمی څخه په شآ کړل . بهرنيو قواوو سره له دی چه د وسله والو مخالفينو د شاتګ څخه خبر وو ، موسی قلعه د بمباريو لاندی راوست چه د کبله يی په سل هاو ملکی خلک ووژل شول.
د موسی قلعه پيښی د ناتو قواوو د ژنوسايد د پلان څخه په بښپړه توګه پرده پورته کړ .
ــ د ځائی خلکو او وسله وال مقاومت تر منځ نښتی ته لمن وهل . او د همدغه مقصد د پاره د ګوتو په شمار وسله والو مخالفينو د شته والی له کبله تول کلی بمبارول .
ــ د افغا نستان په مليشيايی جګړه کی د مخالفينو جبهه څرګنده نده . اما سره لدی ناتو د دله ايزی وژنی د وسلی چه زياتره په نړيوال جګړه کی ور څخه کار اخيستل کيږی ، ګته پورته کوی ( تورنادو اروپايی او رافال فرانسوی جنګی الوتکی خپل لمړنی آزمايشی عمليات په افغانستان کی پيل کړل ).
ــ د جګړی دګر د ژورنالیستانو په وړاندی تړل . افغانی اداری سيمه ايزو چارواکوته د ناتو د قوماندانی له خوآ هدايت ورکړ شوی چه ژورناليستانوته اجازه ورنکړی چه په روغتونونو کی د ورځنی ژوبل شوی
کسانو سره خبری وکړی .
د مارچ په ۱۸ نیته ( ۲۰۰۸ م کال ) د سنګين د ولسوالی پيښه چه په کی اتکل ۶۰ کسان ووژل شول ، په مدیا کی په کافی اندازه منعکس نشوه . اما په همهغو شپو او ورځو کی د ۳ تنه تبتيانو د وژنی غوغا جوړه شوه .

۵ ، ۶ ــ پرله پسی او سيستماتيکه وژنه :

د م ، م عمومی منشی ، عمومی اسامبلی ته د يو راپور د وړاندی کولو په ترڅ کی وويل : « په افغانستان کی په ۲۰۰۷ م کال ، ۸۰۰۰ کسان وژل شويدی . » ( مارچ ۲۰۰۸ ) .
سږ کال د مارچ په ۷ مه د ګرمسير په ولسوالی کی ۵۷ هوايی بريد تر سره شوی دی .
د کندهار په شاوخوآ کی په يوه اونی د مارچ د ۳ نه تر ۹ پوری ( ۲۰۰۸ کال ) ( نيته په تصادفی توګه تاکل شوی دی ) د امریکا او انګلستان له طرفه ۳۳۰ هوايی بريدونه عملی شويدی ( په کال
کی ۱۷۱۶۰ برید ) .
د انسانی تلفاتو واقعی شمير هيچاته معلومه ندی . دا د ناتو د ژنوسايد د پلان يوه برخه ده .
انسانی ضايعات د هغه څه چه په رسمی توګه خپریږی زښته زيات دی .
« رمز فيلد » د امريکا دفاع وزير په ۲۰۰۱ م کال په دشت ليلی کی د طالبانو د دله ايزی وژنی ( اتکل ۴۰۰۰ زره کسان ) په درشل کی وويل : « موږ د خطرناکو انسانانو سره مخ يو . دوی د جګړی اسيران ګنلی نشی . هغوی د نړی په کچه روزل شوی بی رحمه او خطرناکه قاتلان دی . د دوی د شر نه بايد بشريت وژغورو . نړيوال قوانين موږ ته بنديزونه ( محدوديتونه ) رامنځته کوی چه د هغه په احترام باندی د تحقيقاتو په اړه د عمل آزادی نشو درلودلی . » ( ۵ )
« د وژل شويو کسانو شمير دا واقعيت په ګوته کوی چی د سيمه ايزو وګړيو چی د پرديو نظاميانو د حضور سره بالقوه مخالف دی دايساف نظامی عمليات د بشپړی بی تفاوتی په بنه تر سره کيږی . » ( ۶ )
د هلمند د ولايت يو بزګر د ناتو د خدای په جات وژنی ته په اشاری سره داسی وايی : « په کلی کی سهار وختی د ناتو په ګزمه باندی دزی وشو . کلی د شپی په لسو بجو تر بمباريو لاندی راغی » ( جون ۲۰۰۷) ( ۷ ) .
« د کانادا د ځواکونو په ادعا د « مدوز » د عملياتو په ترڅ کی (اګست او سپتامبر ، ۲۰۰۶ م کال ،) د زيری په ولسوالی کی د ۵۰۰ نيولی تر ۱۵۰۰ طالب مليشيی وژل شويدی .
د آسوشد پرس د راپور له مخی د ناتو چورلکی د سهار په ۲ بجی د آشرو ( کندهار ) په کلی باندی د راکت دزی وکړل . د کليوالو په خبره ۱۳ تنه ( د ۴ ښځی په ګدون ) ووژل شول . اسداله خالد د کندهار والی مديا ته وويل چی هيڅ نښی نښانی چی طالبان په کلی کی د تلف يا ژوبل شوی کسانو په منځ کی وی وجود نلری . » ( ۸ )
موږ په سلګونو ورته پيښی لرو چه د ژنوسايد بنه لری . اما دليکنی حدود د زياتی تفصيل ګنجايش نلری .
« سره له دی چه مليشيی د وسلی له درکه بی وزله دی او د ناتو د مدرن وسلی په وړاندی زيات تلفات ورکوی ، خو وژنه دهيڅ په خاطر د اشغال په وړاندی د مقاومت د ليکو د پياوړتيا په يو لامل بدل شويدی.
د همدغه واقعيت په نظر کی نيولو سره انګليسی دګرمن Ed Butler چه د افغانستان د جګړی د دګر نه نوی لندن ته راغلی وو ، وويل چه جګړه به تر ۲۰ کلونو پوری دوام وکاندی . » ( ۹ )

دريم ـ د ژنوسايد د جنايت په اړوند ذيصلاح محاکم :
۱ ـ نړيوال محاکم :
وروسته د نړيوال دوهمی جګړی څخه کله چی ژنوسايد حقوقی تعريف وموند د هغه د مقابلی په اړوند نړيوالی محکمی جوړی شولی .
د ژنوسايد د جنايت ذيصلاح محکمی لند مهالی يا تلپاتی ( دايمی ) جوړښت لری .
الف ـ لند مهالی محکمی د ځانګړی قضایاوو په اړه د يوه تاکلی مودی د پاره جوړی شويدی : د نازی د جناياتو په موضوع باندی د نورنبرګ محکمه ، د يوګوسلاويا او روندا د ژنوسايد په اړوند د سزا نړيوال محکمه د هغی جملی څخه دی.
لند مهالی محکمی د ملی محکمو ځای نيسی .
ب ـ دائمی محکمه د سزا نړيوال ديوان تر نامه لاندی په ۱۹۹۸ م کال کی جوړه شوی ده . ديوان د ژنوسايد په اړه هغه وخت غونده کوی چی ملی محکمی د هغه جناياتو په اړوند کمزوری او بی صلاحيته ثابتی شی چه د ۲۰۰۲ م کال د جولای د لمړی نيتی څخه وروسته رامنځته شويدی .
دايمی ديوان د ملی محکمی په ځای نه مطرح کيږی .
۲ ـ ملی محکمی :
پدغه حالت کی تقنينی قوه د نړیوال حقونو اصول د ملی قانون په جوکات کی منعکسوی : ملی قانون د نړيوال قانون په تړاو د نړی په کچه عمومی بنه غوره کوی او د جناياتو په اړوند د پريکړی صلاحيت مومی .
د ياد شوی پروسيجر له مخی د بلژيک ، سويس ، کانادا او فرانسی محکمو ځانته دا صلاحيت ور په
برخه کړی چی د ژنوسايد په اړوند پريکړه وکړی .
البته کله چی د نړی په کچه د يو ځواکمن سازمان لکه ناتو حقوقی مسئوليت مطرح کيږی ، زموږ بحث
تيوريک بنه غوره کوی : قانون په زور واکانو باندی نه تطبيقيږی .

نتيجه

ــ په افغانستان کی د ناتو په دله ايزه وژنه کی د ژنوسايد تولی حقوقی جوړونکی پرزی را غوند شوی دی کوم چی په ترڅ کی يی طالب د يوه مذهبی دلی او پښتون ولس د يو قوم ( اتنی ) په صفت د ژنوسايد
قربانيان ګنل کيږی .
ــ د قربانيانو شمير د ژنوسايد اغيزمن عنصر ګنل کيږی نه جوړونکی عنصر : د انسانی تلفاتو شمير د ژنوسايد د عاملينو د ارادی تينګوالی څرګندوی .
ــ په پيل کی طالب د يوه مذهبی دلی په صفت د ژنوسايد موخه تاکل شوی وو . خو په تدريج سره د ژيوپولتيک لاملونوتر اغيز لاندی طالب د قومی اکثريت د مذهبی ، قبيلوی او ملی مقاومت سره په ليکه کی واقع شو .
ــ د افغانستان په اوسنی غير عادلانه او نامساوی جګړه کی د ۲۱ پيړی په پرمخ تللی مدرنی نظامی تکنولوژی سمبال فوج د بی وزلی مذهبی – ملی مقاومت سره مخ دی . د ژنوسايد موخه هغه ولس دی
چه لويديزوالو د کمونيست د آفت څخه په ژغورولو کی تر يو نيم مليون څخه ديری قربانی ورکړی دی .
۳۰ کاله کیږی چه افغانان د پرديو په ګته استعماليږی او وينه ورکوی .
ــ ناتو د مقاومت د مغلوبولو دپاره نه جنګيږی . هغه پلان لری چه وسله وال مقاومت په فزيکی لحاظ د
صحنی څخه حذف کړی . له همدی کبله د مخالفينو سره د خبری اتری څخه د ده کوی او جګړه اوږدوی .
ــ د کابل اداره د ناتو سره په خپل همغږی کی د افغان وژنی په پروسه کی ستر مسئوليت په غاړه لری .
ــ اوږد مهال افغان وژنه د نويارک د پيښی ، وقايوی جګړه او تروريزم سره د مقابلی خپل لمړنی منطق
له لاسه ورکړيده : ژنوسايد د ستراتژيک او ژيو پولتيک سيمه ايز ماستر پلان په جوکات کی اجرآ کيږی.
ــ په افغانستان کی جګړه او ژنوسايد د سولی او ديموکراسی په نامه د ملګرو ملتونو تر بيرغ لاندی تر
سره کيږی .
ــ افغانان توان او هيله نلری چی ناتو په افغانستان کی د ژنوسايد د ارتکاب په تور محکمی ته راکش کړی . Réal Politique هم موږ ته دا اجازه نه راکوی .
مګر افغانان د تروريزم او ژنوسايد د بيګناه قربانيانو په توګه په تينګه غوښتنه لری چه د بخارست په ښار د ناتو په سرمشريزه غونده کی د هر دول پريکړی څخه چی د جګړی د لمنی د پراختيا لامل ګرځی دده وشی .
« پای »

۱ ـ د افغانستان په غميزه کی د ژنوسايد قربانيان مذهبی او قومی دله ګنل کيږی .
۲ ـ په ۱۹۴۶م د دسامبر په ۱۱ م ، م په خپل لمړنی هلی ځلی چه د ژنوسايد د تعريف په مقصد
وکړ ، د سياسی دلی وژنه هم د ژنوسايد جنايت په توګه وپيژاند . اما په ۱۹۴۸ م کی سياسی دله
د تعريف څخه د شورويانو د غوښتنی له مخی وويستل شو . شورويان ويره لرل چه د ستالين جنايات
د ژنوسايد تر نامه لاندی راشی .
۳ ـ د هغو تړونونو لړی ( ۱۸۶۴ – ۱۹۴۹ ) چه د جګړی د حقونو د تنظيم په موخه په ژنو کی
لاسليک شويدی .

ليكنه داكتر روستاد تره كي

+ نوشته شده در Mon 21 Apr 2008ساعت 2:19 بعد از ظهر توسط صفت الله (ذاهدی) |

افغاني ټولنه او د خپلواكو رسنيو دندي

افغاني ټولنه او د خپلواكو رسنيو دندي

خبري رسنۍ داوسمهالې متمدنې

اوپرمختللې نړۍ

دهغوګڼوپرمختګونوله ډلې څخه شميرل كيږي چې پرمټ يې هره

ورځ دنړۍ په مليونونوانسانان

دخپل چاپيريال له پيښوڅخه ځان

خبروي ، پرهغوباندې قضاوت كوي

اووروسته يې په اړه خپل

نظرڅرګندوي زماپه آند ښې

اوغوره رسنۍ هغه دي چې

دژورناليزم داصولوله مخې ديوې

ټولنې وګړوته په هغه ټولنه كې

دورځنيوبيلابيلوپرمختياووپه

اړه بې پرې معلومات وړاندې كړي

ترڅوهغوى وكولاى شي ددغو

معلوماتوپه ترلاسه كولوسره دخپل ټولنيز ژوندانه بيلابيلې چارې

تنظيم اوپه اړه يې كوټلي ګامونه پورته كړي . په ټوليزه توګه

دنشراتي پاليسۍ له پلوه رسنۍ په درې ډوله دي :

لومړى : دولتي رسنۍ : داډله هغه رسنۍ دي چې ديوه هيواد دحاكم

سياسي رژيم دمالي ، سياسي ، كلتوري سياست په رڼاكې خپرونې كوي

اوتل هغه څه خپروي چې ديوه هيواد داطلاعاتواوكلتوروزارت

خپرنيزسياست يې سپارښتنه كوي .

دوهم : ګوندي رسنۍ : دغه رسنۍ

لكه څرنګه يې چې له نوم څخه

معلوميږي معمولاپه يوه هيوادكې

دسياسي پيښوپه اړه دهغه ګوند

داوسني او راتلونكي سياستونو،

پروګرامونو ، تګلارو په هكله

خپرونې كوي ، په ټوليزه توګه

ګوندي رسنۍ هڅه كوي داسې څه خپاره كړي ترڅو ديوې ټولنې وګړي

دهغوپه لوستلوسره دهغه ګوند له راتلونكوپروګرامونوڅخه

خبراودټولټاكنوپرمهال دهغه ګوندد سياسي ، مالي ، پرمختيايي ،

ښوونيز ، كلتوري سياست اوپروګرام له مخې دهغه ګوند

اړوندوكانديدانوته رايه وركړي .

دريم : ناپيلې ياخپلواكې رسنۍ : داډله هغه رسنۍ دي چې دژورناليزم

داصولوپه رڼاكې په بې پرې اوخپلواكه توګه خپرونې كوي ، خپلواكه

خپرونې تل هڅه كوي داسې څه خپاره كړي ترڅودهغوپه خپرولوسره

ديوې ټولنې له ټولنيزوناخوالوڅخه پرده پورته شي هغه سياسي

رژيمونه چې بنسټ يې په رښتينې ولسواكۍ ولاړ وي ، دخلكواوولس

درايوپه پايله كې يې خپل سياسي مشروعيت ترلاسه كړى وي ،

دخپلواكورسنيوله فعاليتونوڅخه نه يوازې ننګه كوي بلكې دهغوى

دفعاليت لپاره لاره هواروي اوكه كله اړتياپيښه شي دولتي چارواكي (

ددولت ددرې ګونوقواوو اړوند چارواكي ) درسنيوله لارې ولس ته

دخپلوكړنوپه هكل

ه پوره معلومات وركوي ترڅوولس دهغوى له كړنوڅخه خبراوپه اړه يې

دخپلوملي ګټوپه رڼاكې قضاوت وكړي چې زمادليكنې موخه هم

پورتنۍ دريمه ډله خپرونې دي چې غواړم دامكان تربريده دخپلې

ليكنې په لړكې دافغاني ټولنې پروړاندې دهغوى مسئوليتونوته

نغوته وكړم .

افغاني ټولنه په نړۍ كې دخپل ټولنيزپيريوه ترټولووروسته

پاتې ټولنه ده چې ديوه ناروغ بدن په څير يې هره برخه چټكې

درملنې ته اړتيالري چې زماپه آند كه چيرې ورته سمه پاملرنه ونشي

كيداى شي ډيرژر خپل ژوند له لاسه وركړي دافغاني ټولنې پورتنۍ

ځانګړنې ته په پام سره افغاني خپلواكه رسنۍ دنده لري دهغې په

ټولنيزه درملنه كې دپام وړ رول ولوبوي لكه څرنګه مې چې پورته

يادونه وكړه افغاني ټولنه يوه وروسته پاتې ټولنه ده اوداځكه چې

دتيرو درې لسيزو ناورين زمونږ ټوله مادي اومانيزه شتمني له

خاوروسره خاورې كړي .

دناورين پدغه موده كې په افغانانوباندې بيلابيلوسياسي

نظامونوواك چلولى چې هريوه يې پخپل وخت كې دخپلې سياسې

ايديالوژۍ په رڼاكې خبري رسنۍ پخپل لاس كې نيولې وې ، دګوتوپه

شميرڅودولتي ورځپاڼې ، راديوګانې اوتلويزيونونه په خپرونوبوخت

ول چې هغوى هم هره ورځ پرته لدې چې دحاكم نظام ايډيالوژي تبليغ

كړي ، بل كاريې نه درلود اوداځكه چې دهغو نظامونوسياسي ماهيت

داغوښتنه كوله ترڅوعام ولس ددوى دكړنوپه هكله دنظردخپريدا حق

ترلاسه نكړي اودالدې امله چې دهغه وخت سياسي نظامونوداخبره درك

كړې وه كه چيرې په هيوادكې خپلواك مطبوعات موجودوي ښايي ددوى

لپاره ستونزې راول

اړې كړي نوځكه يې نه غوښتل چې رسنۍ په خپلواكه توګه

خپرونې وكړي ځكه خپلواكې رسنۍ كولاى شي ددولت اوولس ترمنځ

اړيكي ټينګ كړي ، ولس ته جرئت وركوي ترڅولدې لارې خپل غږ

دچارواكوترغوږونوپورې ورورسوي خولدې ټولوناخوالوسره سره له نيكه

مرغه چې په هيوادكې دلنډمهالې ، منځمهالې دوروپه ګډون داوسني نظام

په راتګ سره مطبوعاتودګڼوستونزوسره ، سره څه ناڅه دآزادۍ ساه

وويستله اودادى په هيوادكې په سلګونو انځوريزې ، غږيزې اوچاپي

رسنۍ ترسترګوكيږي چې هره يوه يې له پورتنيودرې

ګونوكتګوريوڅخه په يوې پورې هرومروتړاولري چې دورستۍ كتګورۍ

دنده اومسئوليت يې ترهغه دوه نورÙ

ˆ خورا زيات دى اوداځكه چې په يوه هيواØ

ې دخپلواكورسنيواودبيان د قانوني آزدۍ ترمنځ نيغې اړيكې

شتون لري هغه لدې امله چې ولس حق لري ديوه دولت ( اجراييه ، مقننه ،

قضايه قواوو ) دچارواكو په منفي كړنوباندې نيوكه وكړي اوخپلواكه

خبري رسنۍ په يوه هيوادكې دبيان دقانوني آزادۍ په چوكاټ كې

دنده لري هغه دولس دآواز په توګه ددولتي چارواكوترغوږونوپورې

ورورسوي ، دافغاني ټولنې ټولنيزوناخوالواوپروړاندې يې

دخپلواكورسنيودندې اومسئوليت ته په پام سره اوس راځوديته چې دغه

رسنۍ بايد څه ترسره كړي چې هم لال پلاس راوړي اوهم يارخفه نشي

..؟ هم دبيان آزادۍ ته درناوى وكړي اوهم دافغاني ټولنې ټولنيز

ارزښتونه ترÙ

�ښولاندې نكړي ، هم دولس غږ ددولتي چارواكوترغوږونوپورې ورورسوي

اوهم ددولتي مسئولينوپام دهغوى ورځنيوكړنوته ورواړوي چې زماپه

آند دغه چاره هله شونې ده چې ددغورسنيومسئولين دهيواد داساسي

قانون په ګډون ټول نافذه قوانين په پام كې ونيسي اوهغوته

درناوى وكړي .

افغاني ټولنه سره لدې چې په اقتصادي لحاظ يوه وروسته پاتې ټولنه

ده خود اسلامي اوكلتوري ارزښتونوله پلوه يوه خورا شتمنه ټولنه ده

تردې پورې چې پدې برخه كې دنړۍ يوه انساني ټولنه يې هم

سيالي نشي كولاى چې زماپه آند هغه بيلابيلې (انځوريزې ،

غږيزې ، چاپي ) رسنۍ چې اوس په هيواد كې په فعاليت بوختې دي ،

نړيوالوته دافغاني ټولنې دپورتنيو يادوشويو ارزښتونو دسم

اورښتيني انځورپه ښودلو سره دنده لري داسې څه خپاره كړي ترڅوپه

خپرولوسره يې په افغانستان كې دشته ناخوالوڅخه پرده پورته اوپه

اړه يې داصلاح اوسمون دبيلابيلو لاروچارودلټولوترڅنګ په هيوادكې دسولې

اوامنيت

دراوستلوپه هكله دملي ، افغاني خواخوږوكارپوهانوسالمې مشورې

اونيوكې خپرې كړي ترڅولدې لارې دافغاني ټولنې وګړي وكولاى شي

د خپل رښتينى ملي اواسلامي اصلي تګلوري په موندلوبريالي شي ،

همدارازدغه رسنۍ بايد دخپل ملي اواسلامي رسالت له مخې داسې څه خپاره

نكړي چې په خپريدويې زمونږ دكلتوري ارزښتونو پولې ونړيږي

اوياداچې دولس ، دولت ، دولت اوددولت دسياسي اونظامي مخالفينوترمنځ

موجود واټن نورهم زيات شي چې له بده مرغه پدې اړه په هيوادكې

ګڼې داسې ( انځوريزې ، غږيزې ، چاپي ) رسنۍ ترسترګوكيږي

چې په ښكاره ديوشميرباندينيوكړيوله خوا تموليږي خوبياهم ځان

خپلواك م

عرفي كوي دغه رسنۍ دهيواد داطلاعاتواÙ

لتور وزارت دمشرتابه ، دعلماوو دشوراى دغړيو دپرله پسې كوتڅنډنوسره

، سره لاهم دداسې مبتذلو غيراخلاقي ، غيراسلامي ، غيرملي مطالبوپه

خپرولو سره بوختې دي چې ښايي دوام يې زمونږ دټولنې كلتوري

برخې ته سخت زيان واړ وي ، همدارنګه دغه رسنۍ دځينو

مطالبواوليكنوپه خپرولوسره همدا اوس هم په هيوادكې دشته

ستونزودلانوروزياتيدولپاره ببوزى وهي چې داچاره يې دبې پرې

اوخپلواكورسنيو ځانګړنه نده .

په پاى كې ددې لپاره چې مونږ دبيان دقانوني آزادۍ په رڼاكې

ددولتي چارواكواوپه خپله ټولنه كې دګڼ شميرهغوكسانوپه كړنو

باندې نيوكه وكړو كوم چې دشريعت اوقانون خلاف اعمال ترسره كوي

نواړينه ده چې ددې چارې دسرته رسولولپاره رښتينې خپلواكې رسنۍ

موجودې وي ترڅووكولاى شودخپل ملي اواسلامي رسالت له مخې ددغورسنيوله

لارې دهغه څه پروړاندې هرڅه ژر خپل غبرګون څرګند كړو كوم چې

سرته رسول يې زمونږ ملي اواسلامي ګټوته زيان رسوي اوداچاره هله

شونې ده چې هيوادمودبې پرې اوخپلواكومطبوعاتوخاوندوي اودولت هم

دهيواد ، داساسي قانون ، درسنيودقانون په ګډون دټولواړوندوقوان

ينوپه رڼاكې دهغودفعاليت لپاره اړين شرايط برابركړي ترڅووكولاى

شي له ډار او ويرې ، توكميزو ، ژبنيزو ، سيمه ايزوتوپيرونوپرته

په يوه ټولنه كې دناخوالودله منځه وړلواوپه هغې كې داصلاح اوسمون په

موخه دسالمې نيوكې په دود كولوسره هغه څه خپاره كړي چې په

خپرولوسره يې په افغاني ټولنه كې رښتينې اصلاح اوسمون رامنځته

شي داسې نه چې ديوشميرتش په نوم افغاني ( ؟ ) خپرونو په

څيرزمونږ ټولنيز ( ملي ، اسلامي ) ارزښتونه ترپښولاندې كړي

+ نوشته شده در Mon 14 Apr 2008ساعت 4:28 بعد از ظهر توسط صفت الله (ذاهدی) |

'د ولسي جرگې يوشمېر استازي زړۀ توري شوي'


	د بدخشان ولايت استازې فوزيه کوفي وايي چې د دوى په چارو کې د حکومتي چارواکو لاس وهلو ځينې وکيلان خوابدي کړي دي

د افغانستان د ولسي جرگې يو شمېر استازي وايي چې د دوى پرېکړو ته د حکومت له لورې نه پاملرنه او په جرگه کې د يو شمېر کسانو د لاس وهنو له امله ځينې استازي زړه توري شوي او غونډو ته نه ورځي .

د ملي شورا د ژمنيو تعطيلاتو وروسته ډېرې غونډې د نصاب د نه بشپړېدو په وجه بې پايلې پاتې شوي او کومې پرېکړې ته نه دي رسېدلي .

سره له دې چې د افغانستان د ملي شورا کاري دوره تر نيمايي اوښتې، خو داسې ښکاري چې د ولسي جرگې چارې نيمگړې او د يو لړ ستونزو سره غاړه غړۍ شوي دي، يو شمېر استازي وايي سره له دې چې حکومت د هغوى پر پرېکړو غوږ نه دى گرولى، کله نا کله يې د هغو په چارو کې لاس وهنه هم کړې ده .

د بدخشان ولايت استازې فوزيه کوفي وايي چې د دوى په چارو کې د حکومتي چارواکو لاس وهلو ځينې وکيلان خوابدي کړي دي :

کوفي وايي:'' په سلو کې اويا تنه افغانان په لوږه کې ژوند کوي، تر څنگ يې موږ امنيتي ستونزې هم لرو او د اداري فساد لمنه ډېره پراخه شوې ده چې دغو ستونزو ته لږه پاملرنه کيږي .

بله دا چې ډېرې احساساتي موضوع گانې چې د خلکو د غوښتنو سره برابرې هم نه دي مطرح کيږي چې ډېر استازي خوابدي کوي . بله خبره دا ده چې حکومت د ولسي جرگې پرېکړو ته پام نه کوي چې زما له نظره دا يې ستر عامل دى .

د استازوکورنيودندو تگلاره به بدله کړو

د ولسي جرگې لومړى مرستيال ميرويس ياسيني وايي په پام کې لري چې دوى کورنيو دندو په تگلاره کې داسې بدلونونه راولي چې له مخې يې استازي اړ باسي چې په غونډو کې برخه واخلي

ميرويس ياسيني

د اغلې کوفي په وينا په ډېرو غونډو کې پنځوس سلنه استازي هم برخه نه اخلي چې په دې کار سره د هغوى گڼ کارونه نيمگړي پاتې کيږي .

خو په دې وروستيو کې ملي شورا په داسې يوې تگلارې کار کوي چې له مخې به يې ناسوبه استازي نقدي جريمه کيږي او يا به يې له مياشتينيو امتيازاتو نه پيسې گرځي، خو د ځينو کارپوهانو په وينا دغه چاره به د ناسوبو استازيو شمېر تر پخوا زيات کړي .

د ملي شورا له ژمنيو تعطيلاتو وروسته ډېر قوانين او فرمانونه چې بايد تصويب شواى واى ، له تصويبه پاتې شوي چې شنونکي يې يوازېنى لامل يې په غونډو کې د استازيو نه گډون په گوته کوي .

+ نوشته شده در Mon 31 Mar 2008ساعت 12:20 بعد از ظهر توسط صفت الله (ذاهدی) |

ډک چېنى د ترکېې له مشر سره په انقره کې ملاقات کوى

امرېکا د جمهورى رېاست مرستېال ډېک چېنى
د امرېکا د جمهورى رېاست مرستېال ډک چېنى د ترکېې له مشر سره په انقره کې نن د دوشنبى په ورځ ملاقات وکړ.

دا د هغه د نهه ورځنى سفر وروستى تم ځاى و. ښاغلى چېنى په ترکېه کې د هغه هېواد له جمهور رئېس عبدالله گل سره ملاقات وکړ خو له ملاقات نه وروسته رسمى وېناگانى خپرې نشوى.

رپوټ وايي چې ښاغلى چېنى به دهغه هېواد له صدر اعظم رجب طېب اردوگان سره هم ملاقات وکړى.

توقع ده چى چېنى به له ترکېې نه وغواړى چې په افغانستان کې له طالبانو سره په جگړه ورسره مرسته وکړى.

هغه به د ترکېې له چارواکېو سره د اېران په مخنېوى کې چې خپل اټومى پروگرام پرمخ بونه زى هم مذاکرات وکړى.

انقره له اېران سره ډېرې قوى اړېکى لرى او د خپلو تېلو لپاره پر اېران باندى ډېره زېاته تکېه لرى.

د امرېکا د جمهورى رېاست مرستېال ډېک چېنى تردې مخکى هپ اسراېېلو کې ووېل چې د حماس گوند چې اېران اوسورېه ېې ملاتړ کوى ددى کوشش کوى چې د فلسطېن او اسرائېلو ترمنځ د مذاکراتوپه لار کې خنډ ونه پېدا کړى.

ښاغلى چېنى نن ددوشنبى په ورځ په بېت المقدس کې په خپلو خبرو کې ووېل ددې شواهد شته دى چې اېران او سورېه د حماس ملاتړ کوى.

ښاغلى چېنى په دغو دواړو هېوادونو باندى دا تور ولگاوه چې دوى په دغه برخه کې ترخپلى وسى پورى له هرڅه نه کار اخلى.

ډک چېنى دا خبرى وروسته له هغه نه وکړې چې د سهار ډوډۍ ېې د اسراېېلو له صدر اعظم ېهود اولمېرت سره وخوړله.

د ېکشنبى په ورځ ښاغلى چېنى له محمود عباس سره په په لوېدېزه غاړه کې د رام الله په ښار گوټى کى په ېوه گډ خبرى کنفرانس کې ووېل د منځنى ختېځ سوله به له اسرائېلو اوفلسطېن دواړو نه ډېر سخت رعاېت او امتېاز وغواړى چې ېوبل ته ېې ورکړى.

ډېک چېنى له محمود عباس سره په داسى وخت کې خبرى وکړى چې ترده مخکى ېې د اسراېېلو له جمهور رئېس شیمون پېرېز او نورو لوړ پوړه چارواکېو سره خبرى کړى وې.

+ نوشته شده در Thu 27 Mar 2008ساعت 1:41 بعد از ظهر توسط صفت الله (ذاهدی) |

تر نخا وروسته

ليكوال : ليف نيكولايويچ تولستوى

ژباړن : انجينېر اصف عمر، كابل

تر نڅا وروسته

دا دى تاسي واياست، انسان نه پوهېږي، چي ښه او بد څه دي، خو ټوله خبره په چاپېريال كي ده؛ چاپېريال هر څه ژوي راژوي، خو زما په اند ټوله خبره په پېښه كي ده. دا دى زه به د ځان په اړه درته ووايم.

په دې اړه چي سړى بايد د ځان د بشپړولو لپاره لومړى د چاپېريال په شرايطو كي بدلون راولي. موږ ټولو ته ښاغلي ايوان واسيليويچ زموږ تر منځ د روانو غورو په ترڅ كي وويل:”كه رښتيا شي، هېچا دا خبره نه وه كړې، چي انسان په خپله نه شي كولاى، په ښو او بدو پوه شي. خو د ايوان واسيليويچ دا عادت و، چي د غورو په ترڅ كي ور په زړه شويو خيالونو ته ځواب ووايي او د خپل ژوند د ځينو خاطرو كيسه وكړي. ډېر ځله به په كيسه داسي بوختېده، چي اصلي موضوع يې له ياده وتله او كيسه يې هم بيا په پوره رښتينولۍ كوله. اوس يې هم همداسي كول“.

_ دا دى زه به د ځان په اړه درته ووايم، زما ټول ژوند په بل ډول نه، په همدې ډول روان دى، په چاپېريال پوري نه، بېخي په بل څه پوري تړلى دى.

_ موږ وپوښتل: په څه شي پوري؟

_ دا كيسه ډېره اوږده ده، د دې لپاره چي پوه شئ، نو ټولي كيسې كولو ته اړتيا ده.

_ خو ويې كړئ!

ايوان واسيليويچ په چورت كي لاړ او سر يې وخوځاوه.

_ هو! ټول ژوند له يوې شپې څخه، يا كه سم وويل شي، له يوه ګهيځه پر بله روان شو.

_ څه خبره وه؟

_ خبره دا وه چي زه سخت مين وم، مين شوى خو ډېر ځله وم، خو دا ډېره سخته مينه وه، تېر شوى كار دى، هغه اوس واده شوې ده، لوڼي لري، دا نجلۍ ب... نومېدله، هو! وارينكه ب...

_ ايوان واسيليويچ د هغې كورنى نوم واخيست.

_ هغه ان په پنځوس كلنۍ كي ډېره ښكلې او زړه راښكونكې وه، خو په اتلس كلني ځوانۍ كي يې بيا سارى نه درلود؛ جګه، سيخه، مغروره او بې جوړې، هو! رښتيا بې جوړې، پر لاري بې كچي نېغه تله، تا به ويل بل ډول تلاى نه شي، سر يې لږ شا ته نيوه او دغه كار د هغې ښكلا او جګوالي ته د هغې له ډنګرتوب سره، سره شاهانه بڼه وركوله، داسي چي كه چېري د هغې په ښكلو شونډو او ځلېدونكو سترګو كي دايمي پسته موسكا او د هغې نازك بدن نه واى، نو خلك به ورڅخه ډارېدل.

_ ايوان واسيليويچ يې څنګه ښه انځوروي.

_ هو! كه هر څومره يې ښه درته انځور كړم، بيا هم تاسي نه شئ كولاى، د هغې د ټولي ښكلا اټكل وكړئ، خو خبره په دې كي نه ده، هغه څه چي زه يې كيسه كوم، په څلوېښتمه لسيزه كي و. هاغه وخت زه د يوه ولايتي (اطرافي) پوهنتون محصل وم، نه پوهېږم چي دا ښه كار و، كه بد، خو هاغه مهال زموږ په پوهنتون كي ټولني، سازمانونه، ګوندونه او كومه تيوري نه وې. موږ ځواانان وو او ژوند مو هم هماغسي و، لكه له ځوانۍ سره چي ښايي، هم مو زده كړه كوله او هم مو مستي. زه هاغه وخت شوخ او خندانه هلك او بډاى هم وم. له ما سره يو بهرنى هم و، سات تېرى سړى و، له نجونو سره به له غرونو راښويېده، (د سكي تختې لا هغه وخت نه وې موډ شوي)، له ملګرو سره به يې نشه كوله، ( هاغه وخت موږ له شامپاين څخه پرته بل څه نه څښل، پيسې نه وې، هېڅ شى مو نه څښل، بس نه مو څښل، نو (لكه اوس چي ودكا څښي). زما لپاره تر ټولو ښه سات تېرى او خوښي ماښامني محلفونه او نڅاوي وې، نڅا مي ډېره ښه كوله او څېره مي هم بده نه وه.

_ بس دى، بس ډېره كميني مه كوئ، يوې نجلۍ وويل، موږ خو ستا څېره وينو.

څېره مو نه يوازي بده نه وه، بلكي ډېره ښكلې او زړه وړونكې وه.

_ زړه وړونكې يې ګڼئ، ويې ګڼئ، خو خبره په دې كي نه ده، خبره په دې كي ده، چي د خپلي دغي سختي ميني پر مهال، زه له هغې سره د يوه ولايتي مشر كره، چي ډېر مهربانه او مېمله پاله سړى و، د نځا په محفل كي وم، ښه راغلاست ته د هغه مېرمنه ولاړه وه، چي په ډېرو ښكلو جامو كي وه او پر سر يې د جواهرو ګاڼه، اوږې او سينې يې همداسي راوتي او لوڅې وې، لكه د اليزاويتي پيتروفني پورتريت تابلو او همداسي مهربانه، لكه د هغې مېړه.

نڅا زړه راښكونكې او تالار د موسيقۍ له كورسونو (ډلو) سره زړه وړونكى و. هغه ته د هاغه وخت وتلي او پېژندل شوي ځمكه وال راغلي وو. كانتين هم ډېر ښكلى و، د شامپاين ويالې رواني وې. كه څه هم زما شامپاين ډېر خوښېدل، خو ما نه څښل، ځكه چي بې له شرابو په مينه نشه وم، خو نڅا مي تر پرزېدو كوله. هم د كادريل نڅا، هم والس او هم پولكي. خو بې له شكه څومره چي شوې وه، دا ټول له وارينكې سره، هغه په سپين اوږد كميس كي له ګلابي پټۍ سره وه، په لاسونو يې سپيني لاس كښي وې، چي تر مړوند ښې نه رسېدې او په پښو يې سپيني له خنډګرو لوړي موزې وې. د مازوركي د نڅا پر مهال هغه راڅخه هاغه بدرنګه انجينېر انيسيموف بوتله. زه تر اوسه نه شم كولاى، د هغه دغه خوځښت وروبخښم. همدا چي هغه ننوتله، ويې بلله. زه دا وخت سلمان ته په لاس كښو پسي تللى وم او ناوخته مي كړ، بس نو د مازوركي نڅا مي له هغې سره نه، بلكي له يوې المانۍ سره، چي پخوا ورپسي ګرځېدم، وكړه. خو ډارېږم چي دغه ماښام زه د هغې په وړاندي لږ بې نزاكته وم؛ نه مي ورسره خبري كولې او نه مي ورته كتل. ما يوازي په اوږد سپين كميس كي جګه او نېغه تنه ليدله، د هغې له ليري برېښنده له چوكاڼو سره سره غومبري، مهرباني او ښكلي سترګي، نه يوازي ما، بلكي ټولو ورته كتل او خوند يې ترې اخيست. هم نارينه وو او هم ښځينه وو خوند ترې اخيست. سره له دې چي هغې ټول هېڅ ګڼل، هغې ته نه كتل او خوند نه اخيستل ناشونى و. كه څه هم ما د مازوركي نڅا له هغې سره نه كوله، خو په حقيقت كي زه ټول وخت له هغې سره په نڅا اخته وم. هغه به هر ځل پرته له دې چي وشرمېږي، د تالار له هغه سره سيخ زما پر لور راخوځېدله، ما به هم بې له دې چي بلني ته وګورم، له ځايه د هغې پر لور ټوپ واهه او هغې به هم په خوږه موسكا زما د سم اټكل مننه كوله.

كله چي يې موږ هغې ته وروستلو او هغې نه شو كولاى په پټو سترګو ما وټاكي، بل ته د لاس وركولو پر مهال يې خپلي ډنګري اوږې كېكښلې او د تاسف او ډاډګيرني لپاره به راته موسكۍ شوه. كله چي د مازوركي والس پيل كېده، ما ډېر وخت له هغې سره والس كوه او په ژر، ژر سا اخيستلو او موسېدلو يې راته وويل: بيا وكړه، بيا وكړه او ما بيا، بيا والس كوه، داسي چي خپل بدن مي نه احساساوه.

_ څنګه مو نه احساساوه، زما په خيال، كله چي مو د هغې له ملا څخه لاس راتاواوه، نه يوازي خپل، بلكي د هغې بدن مو هم ښه احساساوه.

_ يوه مېلمه وويل: د ايوان واسيليويچ باړخوګان له شرمه سره شول او په بګوره يې ان چيغه كړه.

_ دا دى، تاسي اوسني ځوانان ياست. تاسي پرته له بدنه هېڅ هم نه وينئ، زموږ په وخت كي داسي نه وه. هر څومره چي زما مينه ډېرېده، هغومره راته هغه بې بدنه ښكارېده. تاسي اوس غومبري، پښې او نور څه وينئ، تاسي چي پر هغو ښځو مين ياست، نو لڅوئ يې. خو زما لپاره هاغه وخت د (الفونز كار) خبره.

_ ښه ليكوال و، زما د ميني په مضمون كي تل جامې د ژړو (برنجي) وې، موږ نه يوازي لوڅولې نه، بلكي نوري مو هم پټولې، لكه د نوح u مهربانه زوى. خو تاسي په دې نه پوهېږئ...

_ د هغه خبرو ته غوږ مه ږدئ. دا وواياست چي نور څه وشول؟

_ له موږ څخه يوه وپوښتل.

_ هو! نو نڅا ما ټوله له هغې سره كوله او په دې نه پوهېدم، چي څومره وخت تېر شوى دى. ساز غږوونكو په ستړيا او نهيلۍ، لكه تل چي د نڅا او محفلونو په پاى كي وي، هماغه تال بيا، بيا غږاوه. په مېلمه ځايونو كي د قطعو د مېزونو له شا و خوا څخه پلرونه او مېندي د شپې د ډوډۍ په هيله پاڅېدل. نوكرانو له ځينو شيانو سره يوې او بلي خوا ته منډي وهلې، درې بجې وې، بايد له وروستيو دقيقو څخه ګټه اخيستل شوې واى. ما بيا هغه وټاكله او موږ د سلم ځل لپاره د تالار په منځ كي تېر شولو.

_ نو وروسته له ډوډۍ به كادريل زما وي؟

_ ما په داسي حال كي چي هغه مي خپل ځاى ته بدرګه كوله وويل.

_ ولي نه، خو چي ما درڅخه يو نه سي!

_ هغې په موسكا وويل.

_ زه يې نه پرېږدم.

_ ما وويل.

_ راكړئ زما (ويير).

_ هغې وويل.

_ زړه مي نه كېږي.

_ ما په داسي حال كي چي سپين ارزانه (ويير) مي وركاوه وويل.

_ دا دى واخلئ، چي ستاسي ارمان نه شي.

_ هغې له (ويير) څخه بڼكه وشكوله او رايې كړه.

ما بڼكه واخيسته او يوازي په سترګو كي مي كولاى شواى، خپله مننه او خوښي څرګنده كړم. زه نه يوازي خوښ او راضي وم، بلكي نېكبخته هم وم، زه مهربانه وم، زه (زه) نه وم، بلكي بدي نه پېژندونكى، يوازي نيكى كوونكي اسماني موجود وم. ما بڼكه په لاس كشه كي پټه كړه، همداسي ولاړ وم او له هغې څخه مي د ليري كېدو وس نه درلود.

_ ګورئ، پلار نڅا ته بولي!

_ هغې ما ته په داسي حال كي چي د كور او نورو مېرمنو سره په وره كي ولاړ، جګ پوځي افسر ته، يې چي د هغې پلار و ګوته نيولې وه، وويل.

_ وارينكې دلته راشه!

_ موږ د كور د مېرمني زوږ لرونكى غږ واورېد.

وارينكه وره ته لاړه او زه ورپسي.

_ ګراني پلار راضي كړه، چي له تا سره لاړ شي! نو مهربانه شئ، پيتر ولادسيلاويچ.

_ د كور مېرمني افسر ته مخ ورواړاوه.

د وارينكې پلار يو ډېر ښكلى، جګ، منډلى او تازه سپين ږيرى و. د هغه مخ شين او سور لكه (د لومړۍ نيكولاى) له چنګو برېتونو سره و. د كميس غاړه يې تر برېتو پوري لوړه، وېښتان يې د مخ خوا ته ږمنځ شوي او په سترګو او شونډو كي يې هماغسي پسته او مهربانه موسكا وه، لكه د لور. د بدن جوړښت يې هم ډېر ښه و؛ پراخه سينه يې په جګړه كي ګټلو ميډالونو ښكلې كړې وه، پراخي اوږې او اوږدې پښې يې لرلې. هغه د زاوه ټيپ پوځي قوماندان و.

كله چي موږ وره ته ورسېدو، هغه نه منله او ويل يي چي نڅا يې هېره كړې ده. په پاى كي موسكى شو او كيڼ لور ته يې لاس واچاوه. توره يې له تيكي څخه راوايستله او يوه خدمتكار ځوانكي هلك ته يې وركړه، په ښي لاس يې لاس كښه راښكله.

_ ( هر څه له قانون سره سم).

_ هغه په موسكا وويل. د لور لاس يې ونيوه، د ميوزك لپاره د يوه تاو څلورمه برخه ودرېده. كله چي مازوركه پيل شوه، هغه له تال سره سم په مستۍ يوه پښه پر ځمكه وترپوله او بله يې واغزوله. د هغه جګه او غټه تنه كله په ارامه او پستو ګامونو او كله په شوخو او زوږ لرونكو د تالار شا و خوا وګرځېدله. د وارينكې ښكلې تنه د هغه تر څنګ ډېره نه تر سترګو كېده. هغې پر خپل وخت پښې وړاندي او وروسته كولې، ټول تالار د دغي جوړې هر قدم څاره، ما نه يواز خوند اخيست، بلكي په وياړ او حيرانتيا مي هغوى ته كتل. په تېره بيا زه د هغه په پښو كش شويو بې موډه له څلور كونجه څوكو او ټيټ تلي والا موزو ته حيران وم. داسي برېښېده چي موزې په پوځي موچي ګنډل شوي وې. (د دې لپاره چي لور وباسي او ښې جامې ورته واغوندي، هغه پر موږ نه، بلكي له موږه وتلي موزې په پښو كوي) زما په خيال كي وګرځېدل، داسي ښكارېده، چي مخكي هغه ښه نڅا كوله، خو اوس دروند شوى او پښو يې هغه نرمښت له لاسه وركړى او سره له ټولو هڅو يې نه شو كولاى، له موزيك سره سل په سلو كي سمه پښه ووهي. خو سره له دې هم هغه دوه دوره ښه تېره كړه. كله چي هغه پښې ارتي او بيا يې سره يو ځاى كړې، لږ دروند پر يوه ځنګون ولوېده او هغه په داسي حال كي چي پلار يې بې ځايه كړې لمن سموله، نرمه له هغه څخه تاوه شوه، ټولو په زوره چكچكي وكړې. كله چي هغه لږ په سختۍ پورته شو، په مينه يې لور له غوږه ونيوله او پر تندي يې ښكل او زما څنګ ته يې راوستله. هغه فكر كاوه، چي زه ورسره نڅېږم، ما وويل چي زه د هغې سړى نه يم.

_ مهمه نه ده، دا ځل تاسي ورسره لاړ شئ!

_ هغه په داسي حال كي چي موسېده او توره يې بېرته په تيكي كي ايښووله وويل.

لكه له بوتل څخه په څڅېدلي لومړي څاڅكي پسي چي د بوتل مايعات پر بهېدو راوزي. همداسي زما ميني زما په زړه كي د ميني كولو ټوله وړتيا رابهر كړه. هاغه مهال زما ميني ټوله نړۍ په غېږ كي نازوله. زما د كور مېرمن، د هغې مېړه، د هغې مېلمانه او نوكران، ان پر ما په غوسه انجينېر انيسيموف هم خوښېده. د هغې د پلار په اړه د هاغو كورنيو موزو او د هغې په څېر موسكا سره، بيا ما يو ځانګړى ترور شوى خوږ احساس درلود.

ما زوركه پاى ته ورسېدله، كوربه، مېلمانه د شپې ډوډۍ خوړلو ته راوبلل، خو افسر ب... وويل چي زه بايد ګهيځ وختي پورته شم. له كور والاوو سره يې خداى پاماني وكړه او لاړ. زه وډار شوم چي اوس هغه هم بيايي، خو هغه له مور سره پاتي شوه.

وروسته له ډوډۍ خوړلو، ما له ژمني سره سم، د كادريل نڅا كوله، سره له دې چي زه بې كچي نېكبخته وم، خو نېكبختي مي لا پسي زياتېدله. موږ د ميني په هكله هېڅ نه ويل، ما نه له هغې او نه مي له ځان څخه پوښتنه كوله، چي هغه له ما سره مينه لري، كه نه. ما ته همدا بس وو، چي ما ورسره مينه لرله او زه يوازي له يوه شي څخه ډارېدم، چي كوم شى زما دغه نېكمرغي ويجاړه نه كړي.

كله چي زه كور ته راغلم، جامې مي وايستلې او غوښتل مي چي ويده شم، ومي ليدل، چي دا ناشونې ده. زما په لاس كي د هغې د (ويير) بڼكه وه او بشپړه لاس كښه چي هغې ماته د تګ په وخت كي راكړې وه. ما لومړى د هغې مور وروسته هغه په ګاډۍ كي كېنول. ما دغو شيانو ته كتل او سترګي مي نه پټېدلې. كله مي د هغې هاغه وخت سترګو ته درېده، چي د دوو نورو ځوانانو تر منځ يې زه پېژندلم او كله مي د هغې خوږ غږ اورېده، چي ويل يې: ”غرور؟ كه نه؟“ بيا يې په خوښۍ لاس راكاوه، يا هاغه وخت چي د ډوډۍ د مېز تر شا يې د شامپاين پيك شونډو ته وړاندي كاوه او تر سترګو لاندي يې ما ته په مينه كتل. خو تر ټولو ډېر مي هغه په هاغه حال ليده، چي له پلار سره د پستې او ماهرانه نڅا پر مهال يې په غرور او خوښۍ نندارچيانو ته كتل او ما بې ارادې په خپل فكر كي هغوى په يوه خوږ او نرم احساس سره يو ځاى كول. هاغه وخت ما او مرحوم ورور مي يو ځاى ژوند كاوه. ورور مي له اشرافيت سره هېڅ مينه نه لرله او د نڅا محلفلونو ته بېخي نه ته. هغه د ډاكټرۍ درجې د لومړي پړاو ازموينو ته تيارى نيوه او په ژوند كي يې تر ټولو نېكه لاره مخته نيولې وه. هغه ويده و، ما د هغه په روجايي نيم پټ ځان او په بالښت كي چوخ شوي سر ته كتل او زړه مي ورباندي سوځېد، له هغې نېكمرغۍ څخه هېڅ خبر نه و، چي ما احساسوله. زموږ نوكر شمع په لاس، له ما سره مخامخ شو، غوښتل يې د جامو په ايستلو كي راسره مرسته وكړي، خو ما رخصت كړ. د هغه خوبجنه څېره له ګډوډو وېښتانو سره راته ډېره د زړه سوي وړ ښكاره شوه. د دې لپاره چي څوك ويښ نه كړم، زه د ګوتو پر سرو خپلي كوټې ته لاړم او په خپل كټ كي كښېناستم. نه زه ډېر نېكمرغه وم، ما نه شو كولاى ويده شم. پر هغه سربېره په تودو شويو كوټو كي زما ګرمي كېدله او پرته له دې چي يونيفورم وباسم، په كراره بېرته لومړنۍ كوټې ته لاړم. هلته مي (شنيل) واغوست ور مي بېرته كړ او كوڅې ته ووتلم.

له نڅا څخه زه پر پنځو بجو لاړم، تر څو كور ته رسېدم او هلته كېناستم، دوه ساعته نور هم تېر شول. بس نو چي كوڅې ته وتلم، نو فضا روښانه شوې وه. هوا له اوبلنو ګردلو ډكه وه. واوره د لاري پر سر ويلېدله او له ټولو بامونو اوبه څڅېدلې. ب... دوى هاغه وخت د ښار په څنډه كي ژوند كاوه. څنګ ته يې لويه مامته وه، چي په يوې څنډي كي يې د نجونو انستيتيوت و.

زه له خپلي تشي كوڅې لوى واټ ته ووتلم، هلته مي مخي ته پلي خلك، خشبه (لرګي ماتوونكي) چي پر واوره ښويېدنكو ګاډۍ ګانو يې د كور تر وره ته لرګي رسول، اسونه له يو ډول او پرله پسې سرخوځوني سره مخي ته راغلل. په ګردلو كي واړه كورونه او كوڅې غټ او لوړ ښكارېدل. دا ټول ماته په ځانګړې توګه خواږه او ارزښتمن وو. كله چي زه مامتې ته، چېري چي د هغوى دوى كور و ووتلم، هلته وړاندي مي يو غټ او تور شى وليد او له ليري د شپېلۍ او ډول غږ راته. زما په زړه كي پرله پسې سندري ګرځېدلې او كله، كله د مازوركي ساز هم ګرځېده، خو دا ساز يو بل ډول زيږ ساز و.

دا څه شى دى؟

_ ما له ځان سره فكر وكړ او د مامتې په منځ كي پر تېري شوي لاري د غږ خوا ته روان شوم. كله چي سل ګامه وړاندي لاړم، ما وكولاى شول، چي په ګردلو كي تور خلك ووينم. داسي برېښېده چي سرتېري وي. (كېداى شي تعليم ورباندي كوي)، ما فكر وكړ او له هغه ټټار سره يو ځاى چي پوستين يې اغوستى، زما څخه مخكي روان او يو شى يې ووړ، نژدې ورغلم. سرتېري په دوه ليكو يو بل ته مخامخ او وسلې يې پښو ته نيولي او بې خوځښته ولا وو، تر شا يې ډولچي او شپېلۍ والا ولاړ او بې ځنډه يې هغه زيږ او زړه تنګوونكى ساز تكراراوه.

_ دا هغوى څه كوي؟

ما له ټټار څخه چي زما څنګ ته ولاړ و، وپوښتل.

_ تاتار يې مخته كړى، چي تښتېدلى و، ټټار په بګوره په داسي حال كي چي د ليكو پاى ته يې كتل، وويل.

ما هماغې خوا ته وكتل او د ليكو تر منځ مي يو ډاروونكى شى وليد، چي رانژدې كېده. دا رانژدې كېدونكى شى له نو پورته لوڅ انسان و، چي د دوو سرتېرو په وسلو پوري تړل شوى و. د هغه تر څنګ يو جګ پوځي، چي (شنيل) او خولۍ يې پر سر وه، روان و. د هغه بدن ما ته اشنا وبرېښېده. مجرم چي ټول بدن يې رېږدېده، په خټه شوې واوره كي يې بېواكه ګامونه اخيستل او له دواړو خواوو څخه د ګوزارونو له امله چي به كله شا ته شو، نو سرتېرو چي دى يې په وسلو پوري تړلى و، له لوېدو څخه د مخنيوي لپاره مخ ته راكش كړ او كله به چي مخته لاړ، نو هغوى به شا ته كش كړ او جګ افسر په كلكو ګامونو له هغوى سره برابر روان و. دا له سور او سپين مخ او سپينو برېتو او د كميس له لوړي غاړي سره د هغې پلار و.

له هر ګوزار سره مجرم، لكه هېښتيا چي څرګندوي، د ګوزار كوونكي لور ته كتل او له قهره يې غاښونه چيچل او يوه خبره يې پرله پسې تكراروله، يوازي هاغه وخت ما دغه يوه خبره سمه واورېدله، چي هغوى بېخي رانژدې شول، هغه په سلګيو، سلګيو ويل:” وروڼو رحم وكړئ، وروڼو رحم وكړئ!“. خو وروڼو رحم نه كاوه.

كله چي هغوى بېخي زما برابر ته راغلل، نو ما وليدل، چي څنګه يو سرتېرى په كلكو ګامونو د ليكي مخته راغى او لښته يې پر چيوس د تاتار پر ملا راكوزه كړه. تاتار مخته ټوپ كړه، خو سرتېرو راټينګ كړ، بيا له بلي خوا څخه ورباندي همداسي ګوزار وشو، بيا له بلي خوا، بيا له بلي. افسر يې څنګ ته روان و، كله به يې خپلو پښو او كله به يې تاتار ته كتل، كله به يې په غومبرو پړسولو هوا كش كړه او بېرته به يې د تړلو شونډو له كونجونو وايستله. كله چي هغوى له هغه ځايه چي زه ولاړ وم، تېر شول، زما سترګي د لنډي شېبې لپاره د مجرم پر شا ولګېدې، هغه داسي موړې، موړې لنده، په وينو سره او غيرمعمولي وه، چي هېچا به باور نه واى كړى، چي دا دي د سړي شا وي.

_ وه خدايه!

_ زما تر څنګ ټټار وويل.

هغوى له موږ څخه ليري كېدل، خو هماغسي له هري خوا ګوزارونه كېدل. مجرم هماغسي له درده مخ او شا ته كېده، ډول او شپېلۍ هماغسي غږېدله، جګ منډلي عسكر هماغسى د مجرم تر څنګ په كلكو ګامونو روان و. افسر ناڅاپه ودرېد او په چټكو ګامونو يوه سرتېري ته ور نژدې شو.

_ زه به يې دروښيم!

_ ما د هغه له بګوري ډك غږ واورېد.

_ بيا داسي كوې؟ داسي كوې؟

او ما وليدل چي څنګه هغه په لاس كښه كي زورور لاس د ډار شوي، ټيټكي، ستړي شوي سرتېري پر مخ د دې لپاره ور پوري كاوه، چي هغه لښته د تاتار پر شا په زوره نه وه وهلې.

_ نوي لښتي راوړئ! هغه چيغه كړه او شا ته يې وكتل او پر ما يې سترګي ولګېدې. داسي يې وښووله، چي نه مي پېژني، هغه په غوسه بېرته مخ واړاوه، زه داسي وشرمېدلم، چي نه پوهېدم، كومي خوا ته وګورم، لكه ما چي په يوه ډېر غټ او شرمناك كار كي برخه اخيستې وي. ما سترګي كښته واچولې او په بېړه د كور پر لور وخوځېدم. ټوله لار مي په غوږو كي كله د ډول او شپېلۍ غږونه، كله د تاتار خبره ”وروڼو رحم وكړئ، رحم وكړئ!“ او كله د مغروره، قهرجن، افسر قهرجن غږ ”بيا داسي كوې، داسي كوې؟“ ګرځېدل راګرځېدل او ورسره زما پر زړه يوه داسي درنده تر كانګو رسېدلې تنده پرته وه، چي ما ويل، همدا اوس به زه د هغې نندارې، چي زما په مخ كي تېره شوه، ټوله كركه او وحشت چي زما بدن ته راغلى و، بېرته د كانګي په ډول وګرځوم. هېڅ پوه نه شوم چي څنګه تر كوره ورسېدم او پرېوتم. خو همدا چي ويده شوم، بيا مي هغوى ټول وليدل او بېرته نېغ كښېناستلم.

(داسي ښكاري چي هغه په هاغه څه پوهېږي، چي زه نه پوهېږم.

_ ما د افسر په هكله فكر كاوه.

_ كه زه په هغه څه پوهېداى چي هغه پوهېږي، نو په هغه څه به هم پوهېداى، چي زما په مخ كي تېر شول او داسي به نه ځورېدم). خو څومره چي مي په دې اړه چورت واهه، هغه څه چي افسر پوهېده، ما ته د منلو وړ نه وو او خوب راته يوازي ماښام هغه وخت راغى، چي د يوه انډيوال كره مي ځان په شرابو ښه نشه كړ.

څه فكر كوئ، ما څه پرېكړه وكړه؟ دا چي هغه څه چي ما وليدل ډېر ناوړه كار و؟ هېڅكله نه.

”څرنګه چي دا كار په دومره ډاډ سره تر سره كېده او ټولو ضروري باله، نو له دې څخه څرګندېده، چي هغوى په داسي څه خبر وو، چي زه پرې نه وم خبر“. ما فكر او هڅه كوله، چي زه هم خبر شم. خو هر څومره هڅي چي مي وكړې، په هاغه څه خبر نه شوم او بې خبره مي نه شو كولاى، پوځي دنده تر سره كړم، كه څه هم مخكي مي غوښتل. همدا لامل و چي نه يوازي په پوځي كي، بلكي هېڅ چېري مي دنده تر سره نه كړه او لكه څنګه چي وينئ، د هېڅ كار هم نه وم.

_ په دې نو موږ خبر يو، چي څنګه د هېڅ كار نه وي.

_ يوه له موږ څخه وويل.

_ ښه به دا وي چي ووايې، څومره خلك به د هېڅ كار نه واى، كه چېري تاسي نه واى.

_ دا نو بېخي چټيات دي. ايوان واسيليويچ په رښتينې زړه تنګۍ وويل.

_ ښه نو په مينه څه وشول؟

_ موږ وپوښتل.

_ مينه؟ مينه له هماغي ورځي څخه په كمېدو شوه، كله چي هغه له موسكا سره په چورت كي تله او دا له هغې سره پېښېدل، ما ته افسر په مامته كي راپه يادېده او ما ته ځان ښه نه ښكارېده او زړه مي تنګېده. هاغه و چي له هغې سره مي ليدنه كتنه كمه كړه او په همدې ډول مينه په نشت واوښته. ومو ليدل چي څنګه كارونه پېښېږي او له څه شي ژوند بدلېږي او بل لوري ته روانېږي او تاسي بيا وايئ...

_ هغه پاى ته ورسوله.

+ نوشته شده در Thu 28 Feb 2008ساعت 10:16 قبل از ظهر توسط صفت الله (ذاهدی) |

صفحه نخست
پروفایل مدیر وبلاگ
پست الکترونیک
آرشیو
عناوین مطالب وبلاگ

درباره وبلاگ

صفت الله (ذاهدی ) دهلمند ولایت د ناوی ولسوالی دسرخدوزر اوسیدونکی دی ددولسم تولگی فارغ التحصیل دی او ددو کالو راهیسی دژورنالیزم به دگر کی کارکوی چی همدااوس هم دسلام وطن داره چی یوه ملی خبرونه ده به افغانستان کی دنوموری رادیو خبریال دی به هلمند کی

دتليفون نمبر

0708373448 او یا هم

0088216---8441545سټلایټ نمبر

دايميل ادرس : zaihedy@gmail.com

safatz@internews.af

او له تولو هغه ويپ پاڼي كتونكو ته خبر ور كول كيږي چي له ګرمسير ويب سايټ څخه هره ورځ تازه خپرونه او مركي دهلمند په اره لوستي شي

صفت الله (ذاهدي ) هلـــــمــــنـــــد

نوشته های پیشین

آذر 1388
آبان 1388
مهر 1388
شهریور 1388
مرداد 1388
تیر 1388
خرداد 1388
اردیبهشت 1388
فروردین 1388
اسفند 1387
بهمن 1387
دی 1387
آذر 1387
آبان 1387
مهر 1387
شهریور 1387
مرداد 1387
تیر 1387
خرداد 1387
اردیبهشت 1387
فروردین 1387
اسفند 1386
بهمن 1386
دی 1386
آبان 1386

آرشیو موضوعی

انځورونه
شعرونه
لیکنی او نظرونه
خبرونه
لنډي كيسي
د نړی عجایبی او جالبی ټوټي
له دوستانو سره خوشحاله شيبي
تاريخ او ژوند
دپارلمان غړو نمبرونه
کمپیوټر پوهنه
اسلامی نری او نبوی احادیث
هلمند او هلمندیان
د تولنی ترجمانان څوك دي ؟
دپولیسو او پوځ رتبي

پیوندها

ګرمسير
ياهو
جي ميل
پژواك خبري اژانس
بينوا
وخت خبري اژانس
بي بي سي پښتو
ملالي جويا
تل افغان
بي بي سي ناظر
دجګري اوصلحي راپوروركولو انستيوت
طلوع تلويزيون
امريكاږغ ويب پاڼه
ښايست
هيله دافغان ښوو ځوانانو ويب لاګ
پيمان ملي ورح پانه
ځنځیر بلاګفا
ملل متحد
ټوکمار بلاګف

RSS

POWERED BY
BLOGFA.COM

safatullah zahidi 333